1 थिस्सलुनीकियों 3:10 - लाहौली बाइबिल

¹⁰ ञेंरे लगातार महस प्रार्थना लोहवा लहज़ातंई, कि केतंङ साते यह्च़ा दोई तरपोंई, अंऊ ज़रूरी तोह दू केतिंङ सिखाके तरपोंई, ताकि केरे भत्ते रिति रंङ साते प्रभु यीशु मसीहू टोहकठे विशवास लेह तरपोंई।

1 थिस्सलुनीकियों 3:10 Iomraidhean Croise

लूको 2:37

दुह निहज़ो पि साल बेहच़ी रंणी तोहई, दंङ यहुदी मंदिरंङ बंङज़ा ब्रत ए प्रार्थना लहज़ा मुंजे ए ञोंकोल अराधना लहज़ाते।

प्रेरित 26:7

ञेंहतु सनी गोत्र एनोह भत्ते सेहमंङ ज़ि रात-दिन परमेश्वरो सेवा लहज़ी लेहकी तोतोर। परमेश्वरा रंङ साते इच्च़ा वाईदा पूरा लहज़िमी उम्मीद तोह। हे रज्ज़ा, दि झांह तोह छना कुचे गिऊ विशवास तोह कि परमेश्वरे यीशु बि यह्च़ा श्रींङमी लेह च़रति दंङ दिए हेंदु आधार शुह, उम्मीद तोह कि दुह ला सिए दोतिंङ श्रींङे लेह च़रपोतो, ठीक दिए उम्मीद ओ यहुदी गिऊ टोईच़ी दोष लगाएच़ातोर।

2 कुरिन्थियों 1:15

गिह्बी उम्मीद तोहई कि काह गिह्बी समझेगी तरपोन दंङ दिऊ थल्जी गेह कनिंङ भत्ते बे मुण्डा दोईमी सकिम लहतेग। झांह ठ्रोह केतिंङ गिऊ दोरच़ी झुह्ट पाहठी सफरो आशीष खोकच़ातंई।

2 कुरिन्थियों 1:24

दिऊ मतलब दि माह शुह कि ञेंरे केहतु विशवास ओ टोहकठे घेंङौ अधिकार जताएपोग, छना कुचे केरे केनातु विशवासरिंङ पक्‍का बणेंके बंङज़ातंई। पर ञेंरे ता केहतु खुशी रिंङ भागीदार तोतोंई।

2 कुरिन्थियों 13:11

झांह लेह हे गिऊ विशवासी न्वा रे, गेह दि शब्दा रंङ साते डाक बन्द लहज़ातग; सिद्ध शुहचे इलांई; इदि-अईदि बि उत्साहित लंहि; इच्च़ा ए सेहम तंही; केनातु बिचंङ मेल-मिलापा रंङ साते बंङज़ुंई, दंङ दाह ए शांति ओ दाता परमेश्वरे केतंङ साते शोतो।

2 कुरिन्थियों 13:9

अपेहल हेनर कमज़ोर तोतोंई, दंङ केरे विशवासरिंङ पक्‍का तोतोंई, दंङ ञेंरे खुश शवातंई, दंङ दि प्रार्थना ला लहज़ातंई, कि केरे विशवासरिंङ सिद्ध शुहचे योंई।

फिलिपियों 1:25

गिह्बी दिरिंङ छल्ले शक माह, झांह लेह गिह्बी पता तोह कि एंतेग गेह माह सिओग। दंङ झांह लेह गिह्बी विशवास तोह कि गेह श्रींङी बंङज़ोग।

कुलुस्सियों 1:28

ञेंरे मसीहू पाहठी प्रचार लहज़ा हर इच्च़ा मीहबी परमेश्वरो दोरच़ी रांहषी बुद्धि रंङ साते शिक्षा रंड्रा हिद दिलाएच़ा तंई ताकि हर इच्च़ा मसीह रिंङ सिद्ध विशवासी शुहबी जूंस अपेहल दोरे परमेश्वरो तुईज़ी खड़े शवाहतोर।

कुलुस्सियों 4:12

इपफ्रास, अंऊ केहतु नगरो तोह, दंङ मसीह यीशु दास तोह, केतिंङ नमस्कार कुट्रा। दोई केहतु थल्जी सेहमारंङ प्रार्थना लहज़ा, ताकि परमेश्वर केतिंङ पक्‍का ए सिद्ध बणाके दंङ केरे भत्ते विशवासारंङ साते परमेश्वरो हिटी पूरा लोहवा लोंहि।

1 थिस्सलुनीकियों 3:11

ञेंहच़ी प्रार्थना लहज़ातंई कि हेंदु बाह परमेश्वर ए हेंदु प्रभु यीशु मसीह, केतंङ साते दोईमी थल्जी ञेंहतु अगुवाई लोहतो।

2 थिस्सलुनीकियों 1:11

झांह लेह ञेंहच़ी लगातार केहतु थल्जी प्रार्थना ला लहज़ातंई, ताकि परमेश्वर केतिंङ दुह जीवनो जोगे बणाएक्पोतो अतिंङ श्रींङमी थल्जी दोई केतिंङ बुलाएसी शुई, दंङ दोई केहतु भत्ते रूठे हिटी एनोह शाक्ति रें पूरा लोहतो दंङ दुह कम ला पूरा लोहतो अंऊ केहतु विशवासो नतीज़ा तोह।

2 तीमुथियुस 1:3

अपेहल ला गेह प्रार्थना लहज़ातग, गेह हमेशा कनिंङ हिद लहच़ी कांह थल्जी परमेश्वरो धन्यवाद लहज़ातग। दुह, दुह ए शुह अतु सेवा गेह घेंङौ शुद्ध सोचे लहज़ातग, छना गिऊ बाह-मेमे ज़ि लहज़ातेर।

फिलेमोंन 1:22

इच्च़ा गप्पा अई तोह, कि केनोह चुंङ गिऊ थल्जी इच्च़ा कमरा तेयार तोह; छना कुचे गिह्बी उम्मीद तोह कि परमेश्वर केहतु प्रार्थना ओ जबाब रमतो कि गेह केहतु कछंङ अपोग।

प्रकाशित वाक्य 4:8

दंङ पिला प्राणी तु त्रुई-त्रुई पाखरे तोतोरे, दंङ पाखो पोयंङ टिरा ए टिरा तोतोर; दंङ दोरे रात-दीन नहच़ा मेह दि कुट्रातोर, “पवित्र, पवित्र, पवित्र प्रभु परमेश्वर, सर्वशक्तिमान, अंऊ तोहई, दंङ अंऊ तोह, दंङ अंऊ अपिमी तोह।”

प्रकाशित वाक्य 7:15

दिऊ थल्जी ए दोरे परमेश्वरो सिंहासनो तुईज़ी खड़े तोतोर, दोरे हर टेम निरा या रात परमेश्वरो चुंङ दोऊ सेवा लहज़ातोर; दंङ दोतु देखभाल दोऊ दोरच़ी ए शवाह अंऊ सिंहासन टोईच़ी बंङज़ा तोह छना कुचे दुह दोर्तिंङ दोतंङ साते तोह।