1 थिस्सलुनीकियों 2:9 - लाहौली बाइबिल

⁹ हे गिऊ प्यारे साथी विशवासी रे, केहच़ी ञेंहतु मेहनत ए कष्ट हिद तहच़ातंई, कि ञेंहच़ी झांह लेह रात दिन कम धन्धा लहच़ी ते केहतु बिचंङ परमेश्वरो रूठे खबरो प्रचार लहरिग, ताकि ञेंहतिंङ छि ज़रूरत तोह दोबि पूरा लहच़िमी थल्जी केतिंङ छल्ले रंड्रीमी ज़रूरत माह।

1 थिस्सलुनीकियों 2:9 Iomraidhean Croise

लूको 18:7

परमेश्वरे एनोह शता लहसी मीहतु थल्जी अच़ि रात दिन दोऊ तुईज़ी क्रपातोर ज़रुर न्याय लोहतो, दंङ दोतु मदत लहज़िमी थल्जी झाड़ा माह लोहतो।”

लूको 2:37

दुह निहज़ो पि साल बेहच़ी रंणी तोहई, दंङ यहुदी मंदिरंङ बंङज़ा ब्रत ए प्रार्थना लहज़ा मुंजे ए ञोंकोल अराधना लहज़ाते।

प्रेरित 18:3

दिऊ थल्जी कि पोलुस ए अक्किला ओ इच्च़ा ए ठ्रोह व्यापार तोहई, दिऊ थल्जी दोतंङ साते बंङज़ा कम लहरी। दोतु व्यापार तम्बू बणाएषिमी तोहई।

प्रेरित 20:24

पर गिह्बी दि गप्पो छल्ले फर्क माह पढेक्पा, कि मीहच़ी गिह्बी घाह केट्रातोर, अगर गेह तुहई बेहच़ी दुह कम पूरा लोहग अंऊ प्रभु यीशु ज़ि गिह्बी लहज़िमी थल्जी कुहषी ततो। दोई गिह्बी मीहतिंङ रूठे खबर सुनाएच़िमी थल्जी अंङषी ततो। परमेश्वरे हेंदु थल्जी दुह कम लहज़ा हेंदिंङ बचाएच़ा अंऊ दोऊ हेनर जोगे माह तोईनि।

प्रेरित 20:31

हिद तंही कि निरा ए राता रिंङ षुमु साल तचेक लगातार केतिंङ गेह दुह खबर घड़ी-घड़ी सिखाएकातग, दंङ केतिंङ टिरारिंङ मिक्ति बहाके केतिंङ खबरदार लहरिगा कि ऊई अंऊला खबरो टोईच़ी विशवास थालंही।

रोमियो 1:1

गेह पोलुस दि डाक च़ेहसी लेहकी तोतोग, अंऊ यीशु मसीहू परगर शुगाह, परमेश्वरे गेह प्रेरित शुहबिमी थल्जी अंङषी शुगाह, दंङ परमेश्वरो तरफे दुह रूठे खबरो प्रचार लहज़िमी थल्जी शत्‌ह लेह च़रति।

रोमियो 15:16

कि गेह ऊईजातितु मीहतु थल्जी इच्च़ा यहुदी पुरोहितो ठ्रोह परमेश्वरो दोरच़ी खोकसी रूठे खबरो सेवा लहज़ातग; अतिंङ ऊईजाति मीहरे पवित्र आत्माओ दोरच़ी शत्‌ह लहसी परमेश्वरो थल्जी ग्रहणो जोगे तग बणेंके योतो।

रोमियो 15:19

पवित्र आत्माओ गिह्बी रांहषी सामर्थो दोरच़ी गेह अद्धभुत कम ए चमत्कार लहज़ातग झांह लेह अंऊर ला गेह यरूशलेम शहरो दोरच़ी इलिरिकुम प्रदेश तचेक अच़ा इलिग, गेह दोर भत्ते मीहतिंङ, यीशु मसीहू पाहठी रूठे खबर सुनाएतिग।

1 कुरिन्थियों 4:12

दंङ हेंदु ए गुह्ट्र कम लहज़ी मेहनत लहज़ातंई। अपेहल मीहच़ी ञेंतिंङ मदम कुट्रातोर, दंङ ञेंरे दोतिंङ आशीष रंड्रातंई; दोरे सताएच़ातोर दंङ ञेंरे सहन लहज़ातंई।

1 कुरिन्थियों 9:15

हालांकि दि हेले रिंङ गिऊ थल्जी ठीक तोह कि अंऊ मीहतिंङ गेह प्रचार लहज़ातग, दोतंङ पेट्रोग, पर गेह घेंङौ कमो थल्जी मज़दूरी माह पेट्रातग दंङ गेह केहतु थल्जी खरकोई सीख चेहच़ातग कि केरे गिह्बी रांई। गेह केरे रूहक्पिमी बेहच़ी सिए योग छना कुचे अगर गिह्बी केहतु दोरच़ी मज़दूरी खोकसी ता गेह दि दावा लेह मरपोग कि गेह मज़दूरी लेहपच़ी मेह केहतु दोरच़ी कम लहरिगा।

1 कुरिन्थियों 9:18

दंङ छि दिए गिऊ ईनाम तोह? दि कि गेह यीशु मसीहू रूठे खबरो प्रचार मुप्ता रिंङ लोहवा लोहग, दिए गिऊ कमाई तोह, गिऊ थल्जी दि संभव तोह कि गेह कमाई मेह रूठे खबर सुनाएपोग, हालांकि गिह्बी घेंङौ खर्चो थल्जी पेट्रीमी अधिकार तोह।

1 कुरिन्थियों 9:4

कि गिह्बी ए बरनाबासबि, प्रेरित शुहबिमी थल्जी दि हक तोह कि हेनर केहतु बिचंङ जीवन श्रींङमी थल्जी ढबाहो मदत (या ज़ेइमी तुंङमी चीज़ा तु) लेहप्तुंई।

2 कुरिन्थियों 11:27

मेहनत ए कष्ठारिंङ; घड़ी-घड़ी चेहकी बंङज़िमी; योंई ए तिस्करा रिंङ; घड़ी-घड़ी योंई बंङज़िमी थल्जी; सोईरिंङ फ्थरे बंङज़ी बे

2 कुरिन्थियों 11:9

दंङ अंऊ मुक्का गेह केतंङ साते तोईग, दंङ गिह्बी ढबाहो कमी शुई, दंङ गेह अतुला टोईच़ी भार माह केईगा छना कुचे विशवासी न्वारे ज़ि, मकिदुनिया नगरंङ अंज़े गिऊ कमी पूरा लहरिर; दंङ गेह छना ठ्रोह ला केहतु थल्जी छना ठ्रोह ला परेशानी बढ़ेक्पिमी दोरच़ी बचेके इलिगा, दंङ अंजा टेमारिंङ ला केहतु टोईच़ी बोझ माह बणेक्पोग।

2 कुरिन्थियों 6:5

हेंदिंङ कोड़ार बहाएक्तिर, जेलारिंङ केहच़ी च़रतिर, हेंदु टोहकठे महस भीड़े हमला लहरी। ञेंहच़ी महस मेहनत लहरिन, ञेंरे रात-रात पूरे चेहकी ए दंङ योंए बंङज़ी।

फिलिपियों 4:16

झांह लेह अंऊ मुक्का गेह थिस्लुनीके शहर तोईग, दोहथर ला केहच़ी गिऊ ज़रूरत पूरा लहच़िमी थल्जी महस फेरा ढबाह चरच़ातेंई।

1 थिस्सलुनीकियों 1:3

अपेहल ञेंहच़ी हेंदु बाह परमेश्वरो हखा प्रार्थना लहज़ातंई अंऊ कम केहच़ी विशवासो दोरच़ी लहज़ातंई, दंङ विशवासी तु मदत लहज़िमी थल्जी महस मेहनत लहज़ातंई, दंङ प्रभु यीशु मसीहू वापिस अपिमी उम्मीद रिंङ केहच़ी धीरज़ ला लगातार हिद लोहवातंई।

1 थिस्सलुनीकियों 2:2

केहच़ी केनाच़ि ए ञेंच़ातंई, कि केहतु कछंङ अपिमी तुहई ञेंहच़ी फिलिप्पी शहरारिंङ अंयों दुख उठाकतेंई। तांला परमेश्वरे ञेंतिंङ धोंण हिम्मत रांहषी ततो, कि केहतु शहरो मीहतु दोरच़ी ञेंहतु महस विरोध शुहचे थल ञेंहच़ी परमेश्वरो रूठे खबर सुनाएक्तंई।

1 थिस्सलुनीकियों 2:6

ञेंहच़ी मीहतु दोरच़ी आदर माह जुन्ज़ातंई, दंङ माह ए केहतु दोरच़ी माह ए ऊईतु दोरच़ी छना कुचे मसीहू प्रेरित शुहबिमी रंङ साते ञेंतिंङ केहतु दोरच़ी मदत खोकच़िमी हक तोह।

1 थिस्सलुनीकियों 3:10

ञेंरे लगातार महस प्रार्थना लोहवा लहज़ातंई, कि केतंङ साते यह्च़ा दोई तरपोंई, अंऊ ज़रूरी तोह दू केतिंङ सिखाके तरपोंई, ताकि केरे भत्ते रिति रंङ साते प्रभु यीशु मसीहू टोहकठे विशवास लेह तरपोंई।

1 तीमुथियुस 1:11

दि सच्चा शिक्षा हेंदु अद्धभुत परमेश्वरो महिमा ओ पाहठी रूठे खबरो मुताबिक तोह, अच़ि गिह्बी प्रचार लहज़िमी ज़िम्मेवारी रांहषी ततो।

1 तीमुथियुस 4:10

ञेंरे दि जीवन खोकच़िमी थल्जी ञेंहच़ी मेहनत ए कोशिश दिऊ थल्जी लहज़ातंई कि हेंदु उम्मीद दू श्रींङे परमेश्वरो टोहकठे तोह; अंऊ भत्ते मीहतु खासकर विशवासी मीहतु उद्धार लहज़ा शुह।

1 तीमुथियुस 5:5

दुह रंणी अतु देखभाल लहज़ा अरिला माह, परमेश्वरो टोहकठे ए उम्मीद तहच़ा, दंङ रात-दिन बिनती ए प्रार्थना लहज़ा परमेश्वरो हखा एनोह थल्जी मदत पेट्रा।

2 तीमुथियुस 1:3

अपेहल ला गेह प्रार्थना लहज़ातग, गेह हमेशा कनिंङ हिद लहच़ी कांह थल्जी परमेश्वरो धन्यवाद लहज़ातग। दुह, दुह ए शुह अतु सेवा गेह घेंङौ शुद्ध सोचे लहज़ातग, छना गिऊ बाह-मेमे ज़ि लहज़ातेर।