1 थिस्सलुनीकियों 2:8 - लाहौली बाइबिल

⁸ ञेंरे केतंङ साते धोंण दाह लहज़ातंई कि सिर्फ परमेश्वरो रूठे खबर सुनाएच़िमी थल्जी ए मशत पर केहतु थल्जी हेंदु जाहन ला रंड्रीमी थल्जी तेयार तोईनी, झांह लेह कि ञेंरे केतंङ साते महस दाह लहज़ातंई।

1 थिस्सलुनीकियों 2:8 Iomraidhean Croise

लूको 7:2

दोर तिंङ रोमी सेनिकातु सुबेदारो इच्च़ा परगर अंऊ दोऊ प्यारे तोहई, दुह धोंण टेहची तोहई कि सी मी तोहई।

रोमियो 1:1

गेह पोलुस दि डाक च़ेहसी लेहकी तोतोग, अंऊ यीशु मसीहू परगर शुगाह, परमेश्वरे गेह प्रेरित शुहबिमी थल्जी अंङषी शुगाह, दंङ परमेश्वरो तरफे दुह रूठे खबरो प्रचार लहज़िमी थल्जी शत्‌ह लेह च़रति।

रोमियो 10:1

हे प्यारे साथी विशवासी रे, गिऊ सेहमो हिटी ए गिऊ घेंङौ यहुदी मीहतु थल्जी दि प्रार्थना तोह, कि परमेश्वर दोतिंङ उद्धार रमतो।

रोमियो 15:29

दंङ गेह ञेंच़ातग, कि अपेहल गेह केहतु कछंङ अपोग, दंङ दोऊ वहज़ा ज़ि मसीह भत्ते रीतिरंङ साते केतिंङ आशीष रमतो।

2 कुरिन्थियों 12:15

छिल्ला धिर गिऊ कछंङ तोह दू भत्ते धिरो ओ इस्तेमाल गेह केहतु थल्जी लेह च़रपोग ताकि पवित्र आत्माओ थले जोज़िमी थल्जी केहतु मदत लेह तरपोग। गेह केतंङ साते महस दाह लहज़ातग, पर झांह च़ेहसा कि केरे गेरंङ साते थोड़े दाह लहज़ातंई।

2 कुरिन्थियों 6:1

परमेश्वररंङ साते कम लहज़ा शुहबी रंङ साते हेनर करंङ साते दि विनती लहज़ातंई कि परमेश्वरो मोह्ड़े दाह केहतु टोईच़ी शुहचा, दोबि ध्यांए इबि थारांई;

गलातियों 4:19

हे गिऊ प्यारे कटुरे, छना ठ्रोह इच्च़ा मेच़िमी लिहक्पिमी मुक्का टेहषी सहन लहज़ा, ध्वांए ठ्रोह गेह यह्च़ा अई इच्च़ा फेरा केहतु थल्जी टेहषी सहन लहज़ी लेहकी तोतोग। गेह दि टेहषीरिंङ दू मुक्का तचेक बंङज़ोग अपेहल तचेक केरे मसीह रिंङ पक्‍का शुहचे माह य्वातंई।

फिलिपियों 1:8

दिरिंङ परमेश्वर गिऊ गवाह तोह कि गेह यीशु मसीहू ठ्रोह दाह लहच़ी ते केतंङ भत्तेतंङ साते दोईमी लालच लहज़ातग।

फिलिपियों 2:17

प्रभु रिंङ केहतु विशवास ए केहतु सेवा परमेश्वर बि चढ़ासी बलिदानो ठ्रोह तोह। अगर दोच़ी गेह सच़ी च़रपोर, तांला गेह खुश तोतोग दंङ केरे भत्ते तंङ साते खुशी मानाएक्च़ातग।

फिलिपियों 2:20

छना कुचे गिऊ कछंङ झांह ठ्रोह स्वभावो ऊई अरिला माह, अंऊ शुद्ध सेहमारंङ साते केहतु चिंद लोहतो।

फिलिपियों 4:1

हे गिऊ प्यारे साथी विशवासी रे, गेह केतंङ साते महस दाह लहज़ातग दंङ गेह केतंङ साते दोईमी इंतज़ार लेह लेहकी तोतोग। अंऊ गिऊ खुशी ए गिऊ ईनाम तोह, गिऊ प्यारे न्वारे, प्रभुरिंङ दि ध्यांए ठ्रोह खड़े बंङज़ुंई।

कुलुस्सियों 1:28

ञेंरे मसीहू पाहठी प्रचार लहज़ा हर इच्च़ा मीहबी परमेश्वरो दोरच़ी रांहषी बुद्धि रंङ साते शिक्षा रंड्रा हिद दिलाएच़ा तंई ताकि हर इच्च़ा मसीह रिंङ सिद्ध विशवासी शुहबी जूंस अपेहल दोरे परमेश्वरो तुईज़ी खड़े शवाहतोर।

कुलुस्सियों 1:7

दोऊ ए शिक्षा केहच़ी ञेंहतु प्यारे साथी इपफ्रास दोरच़ी सिखेच़ातंई, अंऊ हेंदु थल्जी मसीह विशवासो जोगे सेवक तोह।

कुलुस्सियों 4:12

इपफ्रास, अंऊ केहतु नगरो तोह, दंङ मसीह यीशु दास तोह, केतिंङ नमस्कार कुट्रा। दोई केहतु थल्जी सेहमारंङ प्रार्थना लहज़ा, ताकि परमेश्वर केतिंङ पक्‍का ए सिद्ध बणाके दंङ केरे भत्ते विशवासारंङ साते परमेश्वरो हिटी पूरा लोहवा लोंहि।

फिलेमोंन 1:1

गेह पोलुस अंऊ यीशु मसीहू सेवकाई ऊ थल्जी जेलारिंङ तोतोग। दिह डाक चेहच़ातग। ञेंहतु विशवासी न्वा तीमुथियुसो तरफे कनिंङ फिलेमोनबि ला नमस्कार। काह हेंदु साथी मित्र शुनाह दंङ हेंदु ठ्रोह ए मसीहू सेवा लहज़ातन।

इब्रानियों 13:17

केनातु अगुवा तु मनेक्तुंई; दंङ दोतु अधीन बंङज़ेंई, दोरे केहतु टोईच़ी नज़र केहषी तातोर ताकि केरे भटकेगी माह जूंस। छना कुचे दोतिंङ एनोह सेवा ओ लेखा परमेश्वरा बि रंड्री पढ़ेक्पोतो; केरे दोऊ मनेक्तुंई, ताकि दू दि कम खुशी रंङ साते लोहतो, छना कुचे दुखी शुहचे सेवकाई लहज़िमी छल्ले फायदा माह।

1 यूहन्ना 3:16

ञेंहच़ी दाह दिऊ दोरच़ी ए ञेंहरिन कि यीशु मसीह हेंदु थल्जी एनोह जहान रें च़रति; झांह लेह हेंदिंङ ला विशवासी न्वारेतु थल्जी जहान रंड्री जूंस।