1 थिस्सलुनीकियों 2:4 - लाहौली बाइबिल

⁴ परमेश्वरे हेनर दि जोगे चेहके ए दि रूठे खबर रें च़रति। झांह लेह हेनर मीहतिंङ ए मशत, पर हेंदु सेहम परखेकच़ा परमेश्वरा बि खुश लहच़िमी ठ्रोह शिक्षा रंड्रातंई।

1 थिस्सलुनीकियों 2:4 Iomraidhean Croise

लूको 12:42

प्रभु ज़ि दोबि जुबाब रेंई, “दुह विशवासो जोगे ए समझकार परगर अरी शुह, अतु मालिके दोबि ऊई नोकरा तु टोईच़ी मुख्या नियुक्त लोहतो कि दोतिंङ टेमा रिंङ बगत रमतो।”

लूको 16:11

दिऊ थल्जी अगर केहरे संसारो ढबाहरिंङ सच्चे माह केहषी ता स्वर्गीय ढबाह केतिंङ अच़ि रमोतो?

यहून्नो 21:17

यीशु ज़ि तीसरा बार दोरंङ साते कुतोह, “हे शमौन, यूहन्ना ओ योह, छि केई गेरंङ साते दाह लहज़ातन आ?” पतरस दुखी शुई कि यीशु ज़ि तीसरा बार झांह कुहतो, “कि छि केई गेरंङ साते दाह लहज़ातन आ?” दंङ दोरंङ कुंई, “हे प्रभु, केई ता भत्ते धिर ञेंहच़ातन: कि गेह करंङ साते दाह लह्ज़ातग।” यीशु ज़ि दोबि कुंई, “गिऊ त्रैंईरे रुआक्तु।

रोमियो 8:27

दंङ सेहम परखेखच़ा परमेश्वर दि ञेंहच़ा कि पवित्र आत्माओ मकसद छि तोह। छना कुचे पवित्र आत्मा परमेश्वरो हिटी ओ हिसाबे दोऊ मीहतु थल्जी प्रार्थना लहज़ा।

1 कुरिन्थियों 7:25

कुंवारे ए ब्याह माह लहसी तु पाहठी प्रभु छल्ले हुकुम गिह्बी माह खोकसिरी, पर परमेश्वरे एनोह दया जोगे गिह्बी ज्ञान रांहषी ततो अतु टोईच़ी विशवास लेह तरपोंई दंङ गेह दोऊ हिसाबे घेंङौ सलाह रें तरपोग।

1 कुरिन्थियों 9:17

अगर गेह दि कम घेंङौ हिटी रंङ साते लहज़ातग, दंङ गिह्बी ईनाम खोकसोतो। पर अगर परमेश्वरे गिह्बी दि ज़िम्मेवारी रांहषी तो ता, दंङ गेह इनामो छि उम्मीद लोहग? गेह छिला इनामो उम्मीद माह लहज़ातग।

2 कुरिन्थियों 2:17

छना कुचे हेनर दू महसे तु बराबर माह तोंई, अंऊ परमेश्वरो बचन एनोह फायदा ओ थल्जी प्रचार लहज़ा; पर हेनर परमेश्वरो बचनो प्रचार सच्चाई ए मसीहू अधिकारारंङ साते लहज़ातंई, दि ञेंई कि परमेश्वर हेंदिंङ खंड्रा बंङज़ा तोह।

2 कुरिन्थियों 4:2

पर हेंज़ी षेह्द अपिमी जोगे ए गुप्तो कम छोड़ेके चरच़ातंई, दंङ माह ए चालाकी रंङ साते ज़ोवातंई, दंङ माह परमेश्वरो बचना रिंङ मिलावट लहज़ातंई, पर हेनर परमेश्वरो तुईज़ी सिर्फ हेले कंड्रातंई। परमेश्वरो तुईज़ी हर इच्च़ा गवाही रंड्री तरपोतो कि दि हेले तोह।

2 कुरिन्थियों 5:11

झांह लेह प्रभु बेह्द मनेक्च़ा हेनर हेले ओ टोहकठे विशवास लहज़िमी थल्जी मीहतु हखा विनती लहज़ातंई। परमेश्वर हेंदिंङ रूठे रंङ ञेंहच़ा; दंङ गिह्बी उम्मीद तोह कि केहतु अन्तरात्मा हेंदिंङ रूठे रंङ ञेंहच़ा।

2 कुरिन्थियों 5:16

झांह लेह हेंतेग बे हेनर मीहतु नज़रारिंङ अतु ला न्याय माह लहज़ातंई। वोई इच्च़ा टेम तोहई, अपेहल ञेंहच़ी मसीह बि मीहतु नज़रे खयांतेंई, पर हेंतेग ञेंहच़ी झांह माह लहज़ातंई।

गलातियों 1:10

साफ तरीका रंङ, गेह मीहतिंङ खुश लहज़िमी कोशिश माह लहज़ातग, पर गेह बाह परमेश्वरा बि खुश लहज़ी तातग। अगर गेह एंतेग तचेक मीहतिंङ ए खुश लहज़ा शुचंङ ता गेह मसीहू सेवक माह शुचंङ।

गलातियों 2:7

दिऊ बदलारिंङ अगुवा ज़ि ञेंए च़रतिर कि गिह्बी ध्वांए ठ्रोह ऊईजाति तु बिचंङ रूठे खबरो प्रचार लहज़िमी कम रांहषी तोह, छना ठ्रोह पतरसा बि यहुदी मीहतु बिचंङ रूठे खबर प्रचार लहज़िमी कम रांहषी तोहई।

इफिसियों 3:8

गेह परमेश्वरो भत्ते मीहतु बिचंङ कवचि शुगाह, पर परमेश्वरो मोह्ड़े दाह गिऊ टोहकठे शुई, कि गेह ऊईजाति मीहतिंङ मसीहू महसे आशीषो पाहठी रूठे खबर सुनाएपोग। दि आशीष अंऊ मसीहू दोरच़ी खोकसा, दुह मीहतु समझ बे धकते तोह।

इफिसियों 6:6

केतिंङ हर टेम केनातु-केनातु मालिका तु भाषे लहज़ी जूंशी तोह, सिर्फ दोहपल ए मशत अपेहल दोच़ी केरे खंड्रातोर। पर मसीहू दास ठ्रोह बणेंके बंङज़ेंई, अंऊ एनोह भत्ते सेहमे दू ए लहज़ातोर अंऊ परमेश्वरे चेहच़ा कि दोच़ी लोहर।

कुलुस्सियों 3:22

हे परगरा रे, अंऊ धरतीऊ टोहकठे केहतु मालिक तोतोरे, दोतु हुकुम भाषे लंहि मीहतिंङ खुश लहज़ा तु ठ्रोह मशत, पर सच्चाई रंङ साते ए परमेश्वरो बेह्दरंङ साते।

1 तीमुथियुस 6:20

हे तीमुथियुस अंऊ कम परमेश्वरे कनिंङ रांहषी ततो दोतु रखवाली लोह। झांह ठ्रोह भक्तिमेह ए मुर्खता ओ गप्पा ए शिक्षा ओ दोरच़ी ऊईतार बंङज़ु अंऊ परमेश्वरो सच्चे शिक्षा ओ विरोध लहज़ातोर, अतिंङ दोच़ी गलत तरीका रंङ साते “शिक्षा” कुट्रातोर।

2 तीमुथियुस 1:14

दुह सच्चाई ए रूठे खबरो रखवाली लोह, अंऊ रूठे खबरारंङ साते जुड़ेके तोह, पवित्र आत्मो मदतो दोरच़ी कनिंङ रांहषी ततो, अंऊ हेंदु अन्द्रेग बसेके तोह।

2 तीमुथियुस 2:2

केई गिह्बी महस मीहतु तुहई ज़ि मसीहू पाहठी खबर सिखासी तंङातेन, झांह लेह, गेह जुंज़ातग कि केई ला ऊई विशवासी तिंङ दिए खबर सिखाएतु। अंऊ विशवासो जोगे मीहरे तोतोर, दंङ अंऊ ऊईतिंङ ला दिए सिखाएच़िमी जोगे शोर।

तीतुस 1:3

दंङ हेंतेग ठीक टेमारिंङ, परमेश्वरे दि रूठे खबर हेंदु तुईज़ी प्रगट लहरी, दंङ हेनर दिऊ प्रचार भत्ते तु बिचंङ लहज़ातंई हेंदु उद्धारकर्ता परमेश्वरे दि हुकुम रंड्रा गिह्बी ज़िम्मेवारी रंदे कि दोऊ थल्जी दि कम लोहग।

इब्रानियों 4:13

दंङ संसारो अंऊ ला चीज़ परमेश्वरो दोरच़ी ब्याके माह, पर छिल्ला हेंज़ी हेंदु जीवनो दोरच़ी लहसी तातंई, हेंदिंङ दोबि भत्ते कमो हिसाब रंड्री लेह्पोतो। दोऊ तुईज़ी भत्ते चीज़ारे अलसी ए प्रगट तोह।

1 पतरस 4:11

अगर केहतु कछंङ प्रचार लहज़िमी वरदान तोह, दंङ केतिंङ परमेश्वरो बचनो प्रचार लहज़ी जूंशी तोह। अगर केहतु कछंङ ऊईतु मदत लहज़िमी वरदान तोह, दंङ दू, दू सामर्थ रंङ साते लंहि अंऊ परमेश्वर केतिंङ रंड्रा। तांला छिल्ला धिर केहच़ी लोहनि दू यीशु मसीहू दोरच़ी परमेश्वरा बि महिमा रमतो। भत्ते महिमा ए सामर्थ हमेशा-हमेशा ओ थल्जी दोऊ शुह। अमीन।

प्रकाशित वाक्य 2:23

दंङ गेह दुह मीहतिंङ सच़ी च़रपोग अंऊ दोऊ शिक्षा भाषे लहज़ातोर, दंङ भत्ते कलीसिया ञेंई च़रपोतो कि गेह ए तोतोग अंऊ हर इच्च़ा मीहू विचार ए मकसदो परख लहज़ातग। गेह केहतु बिचंङ हर इच्च़ा बि दोऊ कमो हिसाबे ईनाम रमोग।