1 थिस्सलुनीकियों 2:16 - लाहौली बाइबिल

¹⁶ झांह लेह दोरे हेंदिंङ ऊईजाति तिंङ दि कंड्रिमी थल्जी हेंदिंङ रोक्केच़ा तोर, कि परमेश्वर दोतिंङ छना पाप लहज़िमी दोरच़ी बचाके तरपोतो।

1 थिस्सलुनीकियों 2:16 Iomraidhean Croise

मत्ती 12:45

दंङ दुह मांजी आत्मा इलजे एनाबे ला मांजी निह्ज मांजी आत्मारे एनारंङ साते रेंज़ा हपा, दंङ दुह मीहू अंद्रेग इलजे दोहर बंङज़ा, दंङ दुह मीहू हालात तुहई बे लाह महस खराब शुहचे इबि। दिह पीढ़ीऊ मांजी मीहतु हालात ला ध्यांए शोतो।”

मत्ती 23:32

गिह्बी पता तोह कि केहरे दुह मांजी कम पुरा लहज़ा शुई अंऊ केहतु बाह-मेमेज़ि शुरू लाहतेर।

मत्ती 24:14

दंङ परमेश्वरो राज्यो पाहठी दिह रूठे खबर भत्ते संसारारंङ प्रचार शोतो कि भत्ते देशो जाति ज़ि दिबी ग्रहण लहज़िमी मोका खोकसोतो। दोहथल संसारो अंत अपतो।

मत्ती 24:6

अपेहल केहच़ी लड़ाई, दंङ लड़ाई तु गप्पा थक्पोंई दंङ बेंईन थाह, छना कुंई साते ता दी शुहबी ज़रूरी शुह, दंङ दुह टेमारिंङ संसारो अंत मा शोतो।

मत्ती 3:12

दोऊ पेषिंङ दोऊ गुहड़िंङ तोह, दंङ दोई एनोह रीह रूठे रंङ साफ लोहतो, दंङ एनोह छ्वाह ता कोठलीरिङ ठ्रोहका लोहतो, दंङ भूसा बि दुह मेहरिंङ छंङमोतो अतु मेह सियोतो ए माह।”

मरकुसो 16:16

अंऊ ला गिऊ टोहकठे विशवास लोहतो दंङ बपतिस्मा लेहपतो दोऊ ए उद्धार शोतो, दंङ अंऊ विशवास मा लोहतो दुह परमेश्वरो दोहरची एनोह पापो सज़ा खोकसोतो।

प्रेरित 13:45

पर अपेहल यहुदी ज़ि भीड़ खंईरे दंङ दोरे महसे रोषेक्सा इलिर। दोरे दोऊ गप्पा ओ बुराई लहज़ी लेहतिर कि पोलुस छि कुट्री लेहकी तोह दंङ दोरंङ साते कुवाद लहज़ी लेहतिर।

प्रेरित 13:50

तांला यहुदी मीहतु सेंहणा ज़ि भक्त ए रूठे मेच़िमीतिंङ दंङ शहरो अगुवा तिंङ भड़काएतिर, कि दोच़ी पोलुस ए बरनबासा बि सताएपोर। दोच़ी दोतिंङ दुह एनोह इलाका ओ दोरच़ी धह्तेका हुंच़े च़रतिर।

प्रेरित 14:19

पर रे यहुदी मीहज़ी अन्ताकिया ए इकुनियुम शहरंङ च़ि अंज़े मीहतिंङ याकिन रेंईर कि पोलुस ए बरनबासो टोईच़ी विशवास थालंही। दंङ दोतिंङ मज़बूर लहरिर कि पोलुसा बि रघ द्रले बहाके च़रतिन। दोच़ी झांह लेह दि चेहके च़रतिर कि दुह सिए चेहकी नगरो धकते शोकिह रेंज़ा हतिर।

प्रेरित 14:2

पर विशवास माह लहज़ा यहुदी मीहज़ी ऊईजाति ऊ मीहतु सेहम बिशवासी तु खिलाप भड़काएतिर, दंङ कड़वाहट पैदा लेह च़रति।

प्रेरित 14:5

दोहपल यहुदी मीहरे ए ऊईजाति दंङ मीहतु अगुवा रे सहमत शुचि इलिर दोतिंङ सताएच़िमी थल्जी दंङ दोतिंङ रघतु द्रले केट्रिमी थल्जी ताकि दोरे सिए इबि जूंस।

प्रेरित 17:13

पर अपेहल थिस्लुनीके शहरो यहुदी ञेंए केहरी कि पोलुस बिरिया नगराङ ला परमेश्वरो बचन सुनाएच़ा, दंङ दोर ला अंज़े मीहतिंङ भड़कासी लेहतिर दंङ हलचल लहज़ी लेहती।

प्रेरित 19:9

पर अपेहल रेह मीहज़ी ज़िद्दी शुहचे विशवास लहज़िमी रंङ साते इंकार लेह च़रतिर दंङ मीहतु तुईज़ी यीशु पाहठी रांहषी शिक्षा ओ थल्जी मदम कुट्री लेहतिर, दंङ दोच़ी यीशु पाहठी रांहषी शिक्षा ओ थल्जी दोई दोतिंङ केट्रा चेला तिंङ शत्‌ह लेह च़रति, दंङ रोज तुरनुसो स्कुलंङ शिक्षा रंड्री लेहती।

प्रेरित 21:21

दोच़ी कांह पाहठी दि रेड्री तातोर कि कांह ऊईजाति तु बिचंङ बंङज़ा यहुदी तिंङ दि शिक्षा रंड्रातन कि दोरे मूसा ओ कानूनो शिक्षा ब्याड़ा लेह च़रपोर; छना कुचे केई दोतंङ साते कुट्रातन, कि दोरे माह एनोह कटुतु खतना लोहर, दंङ माह ए पुराना रीति-रिवाज़ो पालन लोहर।

प्रेरित 23:12

अपेहल ध्याड़ा शुई, दंङ रें यहुदी मीहरे एनातु बिचंङ योजना लहरिर दंङ कसम लेहप्तिर कि अपेहल तचेक ञेंहच़ी पोलुस सचे माह च़रपोंई, धोंण तचेक ञेंरे छल्ले तुंङमोंई ए ज़ोंई माह।

प्रेरित 24:9

यहुदी ज़ि ला दोऊ साथी रें कुइरे, दि गप्पारे हेले शुह।

प्रेरित 25:2

दंङ यहुदी मोह्ड़े पुरोहिता ज़ि, दंङ यहुदी अगुवा ज़ि, दोऊ तुईज़ी पोलुस टोईच़ी रे दोष लगाएपोतो।

प्रेरित 25:7

अपेहल दू अति दंङ अरि यहुदी अगुवा यरूशलेम शहरंङ ज़ि अंज़े तोईरे, दोच़ी कछंङ खड़े शुहचे दोऊ टोईच़ी मोह्ड़े-मोह्ड़े दोष लगाएती, अतु सबूत दोच़ी रंड्री मरच़ातेर

प्रेरित 4:12

छना कुचे परमेश्वरे संसारो मीहतिंङ यीशु अलावा ऊई छल्ले मिन रांहषी माह अतु दोरच़ी हेनरि उद्धार खोकच़े तरपोंई।

प्रेरित 9:23

अपेहल शाऊला बि दमिश्क शहर बंङज़ा महसे टेम शुहचे इलि, ता यहुदी मीह ज़ि ठ्रोहका शुहचे दोबि सच़िमी थल्जी योजना लहरिर।

गलातियों 5:11

हे गिऊ प्यारे साथी विशवासी रे, अगर गेह दि प्रचार लहज़ातग कि मीहतु खतना लेह जूंशी तोह, दंङ गिह्बी मुसीबतो सामना लेह माह पढ़ेक्पोतो। दंङ अगर गेह दि प्रचार माह लोहग ताकि उद्धार सिर्फ मसीहू क्रूसो दोरच़ी ए तोह, दंङ अरिला नाराज़ माह शोतो।

इफिसियों 3:13

झांह लेह गेह विनती लहज़ातग कि अंऊ दुख केहतु थल्जी गिह्बी शुहबी लेहकी तोह, दोतु वहज़ा ज़ि परेशान शुहबी मेस, छना कुचे दि भत्ते केहतु महिमा ओ थल्जी तोह।

इफिसियों 3:8

गेह परमेश्वरो भत्ते मीहतु बिचंङ कवचि शुगाह, पर परमेश्वरो मोह्ड़े दाह गिऊ टोहकठे शुई, कि गेह ऊईजाति मीहतिंङ मसीहू महसे आशीषो पाहठी रूठे खबर सुनाएपोग। दि आशीष अंऊ मसीहू दोरच़ी खोकसा, दुह मीहतु समझ बे धकते तोह।

1 थिस्सलुनीकियों 1:10

दंङ दोच़ी कुट्रातोर कि केरे छना परमेश्वरो योह स्वर्गो दोरच़ी वापिस अपिमी उम्मीद लहज़ातंई, अतिंङ परमेश्वरे सिऊ दोतु बिचंङ श्रींङमी लहरी, मतलब यीशु बि, अंऊ हेंदिंङ परमेश्वरो दुह न्यायो दोरच़ी बचाएच़ा अंऊ अपिमी तोह।

2 थिस्सलुनीकियों 2:10

दोई भत्ते पाहठी मदम कम लोहतो दंङ दुह मीहतिंङ धोखा रमतो अंऊ परमेश्वरो दोरच़ी नाश शोर, छना कुचे दोर दुह सच्चाई ऊ टोहकठे विशवास लहज़िमी रंङ साते इन्कार लहज़ातोर अंऊ दोतिंङ बचाके तरच़ा।

1 तीमुथियुस 2:4

दोई जुंज़ा कि, कि भत्ते मीहतु उद्धार शुहबी जूंस; दंङ दोरे सच्चाई बि रूठे रंङ सेहषी तरपोर।

इब्रानियों 6:8

ऊई मीहरे ज़मीनो ठ्रोह तोतोर अंऊ छ्वक ए पोंड्रातंई, अंऊ दोतु छल्ले लस माह। दि परमेश्वरो दोरच़ी शापित शुहबिमी खतरा रिंङ तोतोर दंङ दि मेह रंङ साते योह्सा योतो।

प्रकाशित वाक्य 22:11

दंङ दिऊ थल्जी भत्ते मीहरे अंऊ मदम लहज़ातोर दोतिंङ ज़रूरी ए दोरे कम लेह रांई। दंङ अंऊ मीहरे मदम कम लहज़ातोर, दोतिंङ मदम कम लेह जूंशी तोह। झांह ठ्रोह अगर अरिया रूठे ए पवित्र कम लहज़ा, दोतिंङ दोतु रूठे ए पवित्र कम लेह रांई।