1 थिस्सलुनीकियों 2:14 - लाहौली बाइबिल

¹⁴ झांह लेह, हे गिऊ प्यारे साथी विशवासी रे, केहच़ी ध्वांए ठ्रोह दुख सहन लाहतंई छना परमेश्वरो कलीसिया ए सहन लहरी अंऊ यहूदिया प्रदेशा रिंङ मसीह यीशु रिंङ तोतोर। छना कुचे केहच़ी ला केनातु मीहतु दोरच़ी ध्वांए ए दुख खोकच़ातंई, छना दोच़ी यहुदी मीहतु दोरच़ी खोकषातेर।

1 थिस्सलुनीकियों 2:14 Iomraidhean Croise

प्रेरित 11:19

स्तिफनुस ओ हत्या ओ थल, महसे बिशवासी ज़ि सताएतिर दंङ दिऊ थल्जी विशवासी ज़ि यरूशलेम शहर छोड़ेके च़रतिर, दंङ दोरे दरबदर शुहचे फीनीके प्रदेश, साइप्रस द्वीप दंङ सीरिया प्रदेशो अन्ताकिया शहरंङ पिचे इलिर; पर यहुदी मीहतिंङ केट्रा ऊई अतिंङ ला यीशु पाहठी बचन माह सुनाएच़ातेर।

प्रेरित 13:50

तांला यहुदी मीहतु सेंहणा ज़ि भक्त ए रूठे मेच़िमीतिंङ दंङ शहरो अगुवा तिंङ भड़काएतिर, कि दोच़ी पोलुस ए बरनबासा बि सताएपोर। दोच़ी दोतिंङ दुह एनोह इलाका ओ दोरच़ी धह्तेका हुंच़े च़रतिर।

प्रेरित 14:19

पर रे यहुदी मीहज़ी अन्ताकिया ए इकुनियुम शहरंङ च़ि अंज़े मीहतिंङ याकिन रेंईर कि पोलुस ए बरनबासो टोईच़ी विशवास थालंही। दंङ दोतिंङ मज़बूर लहरिर कि पोलुसा बि रघ द्रले बहाके च़रतिन। दोच़ी झांह लेह दि चेहके च़रतिर कि दुह सिए चेहकी नगरो धकते शोकिह रेंज़ा हतिर।

प्रेरित 14:2

पर विशवास माह लहज़ा यहुदी मीहज़ी ऊईजाति ऊ मीहतु सेहम बिशवासी तु खिलाप भड़काएतिर, दंङ कड़वाहट पैदा लेह च़रति।

प्रेरित 14:4

पर शहरो ओ मीहतु बिचंङ फूट अच़ा इलजी तोहई; दिरंङ रेह मीहरे यहुदी मीहतु हखा दंङ रेह मीहरे प्रेरितातु हखा शुहचे इलिर।

प्रेरित 14:5

दोहपल यहुदी मीहरे ए ऊईजाति दंङ मीहतु अगुवा रे सहमत शुचि इलिर दोतिंङ सताएच़िमी थल्जी दंङ दोतिंङ रघतु द्रले केट्रिमी थल्जी ताकि दोरे सिए इबि जूंस।

प्रेरित 17:13

पर अपेहल थिस्लुनीके शहरो यहुदी ञेंए केहरी कि पोलुस बिरिया नगराङ ला परमेश्वरो बचन सुनाएच़ा, दंङ दोर ला अंज़े मीहतिंङ भड़कासी लेहतिर दंङ हलचल लहज़ी लेहती।

प्रेरित 18:12

अपेहल गल्लियो अखाया प्रदेशो राज्यपाल तोहई दंङ यहुदी मीहरे ठ्रोहका शुहचे पोलुसो खिलाप खड़े शुहचे इलिर, दंङ दोबि कोर्टो तुहई ज़ि हंजे कुट्री लेहतिर,

प्रेरित 8:1

शाऊल, स्तिफनुस ओ हत्या शुहबी रंङ साते पुरा सहमत तोहई। दुहए ध्याड़ा यरूशलेम शहरो कलीसियाओ टोहकठे महसे सताव शुहबी लेहती दंङ प्रेरिता तिंङ केट्रा भत्ते कि भत्ते मीहरे यहुदिया ए सामरिया प्रदेशंङ तितर-बितर शुचि इलिर।

प्रेरित 8:3

पर शाऊल कलीसियाओ मीहतिंङ परेशान लहज़ी लेहकी तोहई; दंङ हर इच्च़ा ओ चुंङ इलज़ा-इलज़ा बिशवासी मीह तिंङ च़ुमने जेलंङ केट्री चरच़ाते।

प्रेरित 9:1

दिह ए मुक्का रिंङ शाऊल अंऊ हेंतेग तचेक प्रभु यीशु ऊ चेला तिंङ धमकाएच़ी ए दोती सच़िमी साकिम रिंङ तोहई, यहुदी महापुरोहितो कछंङ इलि।

प्रेरित 9:13

हनन्याह ज़ि जुबाब रेंई, हे प्रभु यीशु, गेह दिह मीहू पाहठी महसे तु आहच़ि रेड्री तातेग कि दिह यरूशलेम शहरंङ कांह कनु मीहतंङ साते अंयों मदम लहसी ततो।

प्रेरित 9:31

झांह लेह भत्ते यहुदिया प्रदेश, गलील प्रदेश दङ सामरिया प्रदेशंङ कलीसियाओ मीहतिंङ शांति खोकसिरी, दंङ कलीसियाओ तरक्की शुहवा लहरी; दंङ प्रभु ऊ बेह्द ए पवित्र आत्माओ मदत रंङ साते महसे मीहतिंङ हौंसला खोकसिरी दंङ प्रभु यीशु ऊ टोहकठे बिशवास लहरीर।

1 कुरिन्थियों 10:32

गेह भत्ते तिंङ खुश लहज़िमी कोशिश लहज़ातग, गेह घेंङौ भलाई ओ पाहठी माह सोचेक्च़ातग, बल्कि भत्ते तु भलाई ओ पाहठी सोचेक्च़ातग, ताकि दोरे उद्धार खोक्शे तरपोर। ध्वांए केरे ला झांह ठ्रोह बंङज़ेंई कि यहुदी या ऊईजाति तु परमेश्वरो कलीसिया ओ थल्जी छा परेशानी या ठोकर पैदा शुहबी मेस।

1 कुरिन्थियों 7:17

अंऊ गेह कुट्रातग दोऊ निचोड़ दि तोह, कि विशवासी बि दू हालातरिंङ बणेक्पि जूंस अंऊ हालातरिंङ परमेश्वरे केरे अंङे चरच़तो दंङ केतिंङ एनोह मीहरे शुहबिमी थल्जी बुलाएक्तो भत्ते विशवासी तु थल्जी गिऊ दिए हुकुम तोह।

गलातियों 1:22

पर दू मुक्का यहुदिया प्रदेशो कलीसिया, अंऊ मसीह रिंङ तोईरे, दोरे गेरंङ साते दोइरे माह।

1 थिस्सलुनीकियों 1:1

दि डाक पोलुसे सिलवानुस ए तीमुथियुसो तरफे। ञेंहच़ी दि डाक थिस्लुनीकियो शहरो कलीसियाबि च़ेहसी लेहकी तोतोंई, अंऊ हेंदु बाह परमेश्वर ए प्रभु यीशु मसीहरिंङ तोह। ञेंहच़ी प्रार्थना लहज़ातंई कि परमेश्वर केतिंङ मोह्ड़े दाह ए शांति रमतो।

1 थिस्सलुनीकियों 1:6

केहच़ी ञेंहतु ए प्रभु उदाहरण हिद लहरिन, अंऊ पवित्र आत्माओ दोरच़ी केतिंङ रांहषी तोहई, केहच़ी खुशी रंङ साते दू ग्रहण लहज़ातंई, दि तरीका रंङ केरे ला हेंदु ए प्रभु यीशु मसीहू शिष्य बणेंके इलांई।

1 थिस्सलुनीकियों 3:4

केहतु देर बंङज़िमी मुक्का ञेंरे केतंङ साते कुट्रातेंई कि ञेंहतु टोहकठे मुसीबत अपतो, दंङ ध्यांए शुई, केहच़ी ञेंहई ला।

2 थिस्सलुनीकियों 1:1

दि डाक पोलुस सिलवानुस ए तीमुथियुस तरफे। ञेंहच़ी दि डाक थिस्लुनीकियो शहरो कलीसियाबि च़ेहसी लेहकी तोतोंई, अंऊ हेंदु बाह परमेश्वर ए प्रभु यीशु मसीहू तोतोर।

2 थिस्सलुनीकियों 1:4

झांह लेह ञेंरे परमेश्वरो कलीसिया ओ बिचंङ केहतु पाहठी घमण्ड लहज़ातंई, छना कुचे केरे धीरज़ ए विशवासारंङ साते भत्ते पाहठी मुसीबत सहन लहज़ातंई दंङ केरे हेंतेग ला यीशु मसीहू टोहकठे विशवास लहज़ातंई।