1 थिस्सलुनीकियों 2:13 - लाहौली बाइबिल

¹³ झांह लेह ञेंरे ला रोज परमेश्वरो धन्यवाद लहज़ातंई, कि अपेहल केहच़ी दुह रूठे खबर थाशातंई अंऊ ञेंहच़ी केहतु बिचंङ प्रचार लाहतंई, दंङ केहच़ी दुह मीहतु मशत पर परमेश्वरो वचन समझेगी (दंङ अंऊ हेले परमेश्वरो दोरच़ी तोह) ग्रहण लहरिन; दंङ हेंतेग परमेश्वरो दि खबर केहतु अंद्रेग कम लहज़ी लेहकी तोह अंऊ मसीहू टोहकठे विशवास लहज़ातंई।

1 थिस्सलुनीकियों 2:13 Iomraidhean Croise

मत्ती 10:20

छना कुंई साते ता कुट्रा दुह, केरे माह शुह दंङ पवित्र आत्मा शोतो।

मत्ती 10:40

अच़ि केरे ग्रहण लाह दोई गेह ग्रहण दंङ अच़िला गेह ग्रहण दोई परमेश्वरा बि अपनाच़ा।

लूको 11:28

यीशु ज़ि कुतोह, “वेई; पर धन्य शुहरे दोरे अंऊ परमेश्वरो बचन रेड्रातोर दंङ दोऊ भाषे लहज़ातोर।”

लूको 5:1

इच्च़ा ध्याड़ा यीशु गलील झीलो मुखारिंङ खड़े तोहई। दोर तिंङ परमेश्वरो बचन रेड्रीमी थल्जी धोंण भीड़ ठ्रोहका शुहचे इलि कि यीशु टोईच़ी दह्पी लेहतिर, दोहपल झांह शुई कि,

लूको 8:11

कथाओ मतलब दी शुह; बेजो मतलब परमेश्वरो वचन शुह।

लूको 8:21

दोई दिऊ जुबाब दोतंङ साते कुंई, “गिऊ याह ए गिऊ न्वा दिहरे शुहरे, अरी परमेश्वरो बचन रेड्रा ए मनेक्च़ा।”

यहून्नो 15:3

केहरे ता दुह शिक्षा ओ बजह च़ि अंऊ गेह केतंङ साते कुहषी तातग, शुद्ध तोतोन।

यहून्नो 17:17

कांह बचन सच्चाई शुह। दिऊ थल्जी दोतिंङ सच्चाई रिंङ केनोह थल्जी शत्‌ह लोहू

यहून्नो 17:19

दंङ दोतु फायदा ओ थल्जी गेह घेंङा बि पवित्र लहज़ातग कि दोरे ला सच्चाई ऊ दोरच़ी पवित्र लेह जूंस।

प्रेरित 10:33

दोथर दोहपले गेह कांह कछंङ मीहरे च़रतिगा, दंङ केई रुठे लहतन कि अच्च़ा अतिन। दा हेनर भत्ते देर्तिंङ परमेश्वरो तुईज़ी तोतोन, कि छिला धिर परमेश्वरे करंङ साते कुहतो दुह रेड्रोंई।”

प्रेरित 13:48

अपेहल ऊईजाति ज़ि दिह रेड्रीर ता दोरे महस खुश शुहचे इलिर, दंङ दोऊ दि खबरो थल्जी प्रभु बि धन्यवाद रंड्री लेहतिर, दंङ अंयों ला अनंत जीवनो थल्जी ठहराएसी तातेर दोच़ी बिशवास लहरिर।

प्रेरित 16:14

दंङ लुदिया मिंदंङ थुआतीरा नगरो पोरलो खमज़े लंङज़ा अंऊ परमेश्वरो अराधना लहज़ार तोहई, रेड्राते, दंङ प्रभु ज़ि दोऊ सेहम अल्ज़े च़रति, कि दोई पोलुसो गप्पारिंङ ध्यान रमोतो।

प्रेरित 17:11

बिरिया ओ दि मीहतिंङ थिस्लुनीके शहरो यहुदी मीहतु तुलना रिंङ सिखेसिमी महस दिलचस्पी तोहई, दंङ दोह्ची महस खुशी रंङ साते दि बचन ग्रहण लहरिर, दंङ रोज पवित्रशास्त्रो अन्द्रेग दिह पेट्री लेहतिर कि दिह गप्पा अंऊर च़ेहसी तोह।

प्रेरित 17:32

सिमी दोतु श्रींङमी मि गप्पा रेड्री थल रेह ता मज़ाक लहज़ी लेहतिर, पर रेह मीहच़ी मज़ाक माह लहरिर दंङ दोच़ी कुईर ञेंरे कांह दोरच़ी दि पाहठी ऊई ला रेड्रोनि, दंङ रेह ज़ि कुट्री लेहतिर, दिह गप्पा ञेंहच़ी कनु दोरच़ी यह्च़ा रेड्रोंई।

प्रेरित 2:41

छिला धिर परतसे कुंई, अच़िला दोऊ टोहकठे बिशवास लहरिर दोच़ी बपतिस्मा लेहप्तिर; दंङ दुह ए ध्याड़ा रिंङ दुह (बिशवासी मीहतु) झुंडो बिचंङ लगभग षुमु हज़ार मीहरे दोतंङ साते शुहचे इलि।

प्रेरित 8:14

अंऊ मुक्का प्रेरिता ज़ि अंऊ यरूशलेम शहरंङ तोईरे, रेड्रीर कि सामरिया प्रदेशो मीहच़ी परमेश्वरो बचन ग्रहण लेह केहतोर ता पतरस ए यूहन्ना बि दोतु कछंङ च़रतिर।

रोमियो 10:17

झांह लेह विशवास दू मुक्का अपा अपेहल केरे खबर रेड्रातंई, दंङ दि खबर मसीहू पाहठी बचन तोह।”

2 कुरिन्थियों 3:18

हेनर भत्तेर इच्च़ा अर्शिऊ ठ्रोह तोतोंई, अंऊ परमेश्वरो तेज झांह ठ्रोह मोह्दु खंड्रातंई अंऊ दोतु टोहकठे परदा पड़ेके तोह, दंङ परमेश्वर हेंदिंङ लगातार बढाईक्च़ा तेज रिंङ महस बे महस एनोह ठ्रोह बणाएच़ा। दि तेज प्रभु दोरच़ी खोकसा, अंऊ पवित्र आत्मा तोह।

गलातियों 4:14

हालांकि गिऊ बीमारी केहतु थल्जी इच्च़ा परेशानी तोहई, तांला यह्च़ा केहच़ी गेरंङ नफरत माह लहज़ातंई दंङ माह ए गिह्बी इबि रांई। बल्कि केहच़ी गिह्बी झांह ठ्रोह ग्रहण लहरिन, मानो गेह ए परमेश्वरो स्वर्गदूत या एनाह ए यीशु मसीहू शुगाह।

कुलुस्सियों 1:6

दि रूठे खबर भत्ते संसारारिंङ फेलेक्पि लेहकी तोह दंङ महसे मीहरे विशवासी बणेक्पी लेहकी तोतोर। दि हर इच्च़ा ज़िंदगी बदलेक्पि लेहकी तोह, ठीक ध्वांए छना कि केहच़ी मुण्डा फेरा रूठे खबर रेड्रातेंई, दंङ दिह सच्चाई समझेकी चरच़ातंई कि परमेश्वर दुह मीहतु पाप माफ लेह च़रच़ा अच़ि मसीहू टोहकठे विशवास लहज़ातोर।

इब्रानियों 4:12

छना कुचे परमेश्वरो वचन श्रींङे, असरदार दंङ अंऊ ला झुह्ट धारी तलवार बेहच़ी ला तेज तोह। दोई जहानो ए आत्माओ गांठ-गांठ ए, जोड़-जोड़ शत्‌ह लहच़ी, आर-पार तिरच़ा; दंङ सेहमो भावना ए विचार ओ जांच लहज़ा।

इब्रानियों 4:2

छना कुचे हेंज़ी यीशु मसीहू पाहठी रूठे खबर थाह्सी तातंई। पर दोच़ी दिऊ टोहकठे विशवास माह लहरिर। झांह लेह, दू खबर दोतु थल्जी शुहके तोहई।

याकूब 1:18

दोई एनोह ए हिटीरंङ साते हेंदिंङ हेले बचनो दोरच़ी खरकोई जीवन रांहषी ततो, दोई दि झांह लेह लहरी ताकि ञेंरे विशवासी हर दुह चीज़ो खास हिस्सा शोंई, अंऊ दोऊ दोरच़ी बणाषी शुह।

1 पतरस 1:23

केतिंङ इदि-अई दिरंङ साते दाह लेह जूंशी तोह छना कुचे केतिंङ परमेश्वरो दोरच़ी इच्च़ा खरकोई जीवन खोकसा तोह। केतिंङ दि जीवन इच्च़ा झांह ठ्रोह चीज़ो वहज़ा माह खोकसिरी अंऊ हमेशा ओ थल्जी बंङज़ोतो। मतलब, परमेश्वरो श्रींङे ए अनंत बचनो दोरच़ी खोकसा शुह।

1 पतरस 1:25

पर परमेश्वरो बचन हमेशा बणेंके बंङज़ोतो। दि बचन मसीहू पाहठी रूठे खबर‍ शुह अंऊ केहतु बिचंङ प्रचार लहसी तोह।

1 पतरस 2:2

छना ठ्रोह कवचि कटु एनोह याह ओ शुद्ध पानु लालच लहज़ा, ध्वांए ठ्रोह केतिंङ परमेश्वरो बचन सिखेच़िमी हिटी तहच़ि जूंशी तोह ताकि केरे आत्मिक रूपारिंङ सेंहणा शुहचे योंई। दोहथल थल मुखंङ, परमेश्वर केतिंङ दि संसारो मदम चीज़ो दोरच़ी बचाएके च़रपोतो।

2 पतरस 3:2

गेह दि दिऊ थल्जी लहज़ातग, छना कुचे गेह जुंज़ातग कि केहच़ी दुह बचन हिद तंही, अंऊ परमेश्वरो भविष्यवक्ता ज़ि महस तुहई बेहच़ी कुहषी ताहरेर दंङ उद्धारकर्ता हेंदु प्रभु यीशु मसीहू शिक्षा हिद तंही अंऊ केतिंङ दुह प्रेरिता ज़ि शिक्षा रांहषी तातोर अंऊ केहतु कछंङ अंज़े तोईरे।

1 यूहन्ना 3:3

दंङ अच़िला मसीहू टोईच़ी दि उम्मीद तहच़ा, दोई एनाबि ध्वांए पवित्र लहज़ा, छना दुह पवित्र तोह।