1 थिस्सलुनीकियों 2:10 - लाहौली बाइबिल

¹⁰ केरे केनर ए गवाह शुई, दंङ परमेश्वर ला गवाह तोह, कि केरे भत्ते विशवासी तंङ साते ञेंहतु व्यवहार छना ठ्रोह सच्चा, धर्मी ए निर्दोष तोहई।

1 थिस्सलुनीकियों 2:10 Iomraidhean Croise

लूको 23:41

दंङ हेनारे ता कानूनो हिसाबे सज़ा खोकच़ातंई, छना कुचे हेंज़ी हेंदु कर्मो फल खोक्चातंई; पर दिह छले मांजी कम लहसी माह।”

प्रेरित 20:18

दोरे दोऊ कछंङ अतिर दंङ दोतंङ साते कुई, “केरे गेरंङ साते बंङज़िमी मुक्का गिऊ जीवन ओ तरीका ञेंहनि, अंऊ कि गिऊ मुन्डा ध्याड़ा रिंङ आसिया प्रदेशा रिंङ अपिमी थल शुरू शुह्ते।”

प्रेरित 20:26

झांह लेह गेह तोग कि ध्याड़ा रिंङ केतंङ साते गवाही रंड्रा कुट्रातग, अगर केहतु बिचंङ अरिया यीशु ऊ टोकठे विशवास मेह सिए यवात, दंङ दुह गिऊ ज़िम्मेवारी माह शुह।

प्रेरित 24:16

दिए नज़रिया रंङ साते गेह परमेश्वर ए मीह झुल्ला तु तुईज़ी हमेशा इच्च़ा निष्कलंक अन्तरात्मा बणाएच़िमी भरपूर कोशिश लोहग।

2 कुरिन्थियों 1:12

छना कुचे हेंदिंङ इच्च़ा गप्पो माह घमण्ड तोह, हेंदु अन्तरात्मा हेंदिंङ विशवास रंड्रा कि हेंज़ी मीहतंङ साते छि बर्ताब लहसी तातंई, दू संसारो मीहतु बुद्धिमानो हिसाबे मशत, पर दू सच्चाई ए ईमानदारीऊ हिसाबे तोहई अंऊ परमेश्वरो कृपा ओ वरदान तोहई।

2 कुरिन्थियों 11:11

गेह केहतु ढबाह छिल्ले माह लेहपच़ातग? छि गेह दि दिऊ थल्जी लहरिगा छना कुचे गेह केतंङ साते दाह माह लहज़ातग? परमेश्वरे दि ञेंहच़ा कि गेह केतंङ साते दाह लहज़ातग।

2 कुरिन्थियों 11:31

परमेश्वर, हेंदु प्रभु यीशु मसीहू बाह अंऊ हमेशा धन्य तोह, ञेंहच़ा, कि गेह हप्सी माह कुट्रातग।

2 कुरिन्थियों 4:2

पर हेंज़ी षेह्द अपिमी जोगे ए गुप्तो कम छोड़ेके चरच़ातंई, दंङ माह ए चालाकी रंङ साते ज़ोवातंई, दंङ माह परमेश्वरो बचना रिंङ मिलावट लहज़ातंई, पर हेनर परमेश्वरो तुईज़ी सिर्फ हेले कंड्रातंई। परमेश्वरो तुईज़ी हर इच्च़ा गवाही रंड्री तरपोतो कि दि हेले तोह।

2 कुरिन्थियों 5:11

झांह लेह प्रभु बेह्द मनेक्च़ा हेनर हेले ओ टोहकठे विशवास लहज़िमी थल्जी मीहतु हखा विनती लहज़ातंई। परमेश्वर हेंदिंङ रूठे रंङ ञेंहच़ा; दंङ गिह्बी उम्मीद तोह कि केहतु अन्तरात्मा हेंदिंङ रूठे रंङ ञेंहच़ा।

2 कुरिन्थियों 7:2

हेंदिंङ केनातु भत्ते सेहमे दाह लंहि। ञेंहच़ी माह अतुआ मदम लाहतंई, माह अतुआ नुकसान लहज़ातंई, माह अतिया हेंदु फायदा ओ थल्जी ठगेकातंई।

1 थिस्सलुनीकियों 1:5

छना कुचे हेंदु यीशु मसीहू पाहठी रूठे खबर केहतु कछंङ माह सिर्फ कुट्री रंङ साते ए पर पवित्र आत्मो सामर्थे ए भत्ते याहबा रंङ अंजा कि दि रूठे खबर हेले शुह, केहच़ी ञेंच़ातंई कि अपेहल ञेंरे केतंङ साते तोईनी दंङ ञेंहच़ी केहतु भलाई ऊ थल्जी छना ठ्रोह जीवन श्रींङज़ातंई।

1 थिस्सलुनीकियों 2:5

केहच़ी ञेंच़ातंई, कि हेनर माह ता अपेहल लाह चापलूस गप्पारे लहज़ातंई, दंङ माह ए ञेंहच़ी केहतु दोरच़ी ढबाह खोकच़िमी थल्जी झांह ठ्रोह लहज़ातंई दि गप्पो परमेश्वरो गवाह तोह।

2 थिस्सलुनीकियों 3:7

केहच़ी केनाच़ि ए रूठे रंङ ञेंच़ातंई कि केतिंङ ध्यांए ठ्रोह श्रींङमी जूंस। छना ञेंरे श्रींङमातेंई, छना कुचे अपेहल ञेंरे केहतु बिचंङ तोईनी दंङ ञेंरे सुस्त माह तोहनी।

1 तीमुथियुस 4:12

अच़िया काह तुच्छ (बेकार) समझेक्सी माह जूंस छना कुचे काह जवान तोतोन पर कांह बोल-चाल ए चाल-चलनारिंङ, ऊईतु थल्जी दाह रिंङ मसीहू टोहकठे कनु विशवासरिंङ दंङ कनु निर्दोष जीवनारिंङ, विशवासी मीहतु थल्जी इच्च़ा उदाहरण बणेंक्तु।

2 तीमुथियुस 3:10

पर हे तीमुथियुस, केई रूठे रंङ ञेंहच़ातन कि गेह छि सिखाक्च़ातग, दंङ छना श्रींङमातग, ज़िंदगी रिंङ गिऊ मकसद छि तोह दंङ गेह छि विशवास लहज़ातग। केई ञेंहच़ातन कि गेह धीरज़ तहज़ातग, दंङ भत्ते मीहतंङ साते दाह लहज़ातग, गेह मुसीबत सहन लाहतेर,

1 पतरस 5:3

अंऊ मीहरे केतिंङ सोंपेगी तोतोर, दोतु टोईच़ी इच्च़ा अधिकारी ठ्रोह था बणेक्तुंई, बल्कि दोतु थल्जी इच्च़ा रूठे उदाहरण बणेक्तुंई।