1 थिस्सलुनीकियों 1:8 - लाहौली बाइबिल

⁸ छना कुचे केहतु दोरच़ी माह सिर्फ मकिदुनिया ए अखयारिंङ प्रभु वचन सुनाई केहरी पर केहतु विशवास अंऊ परमेश्वरो टोईच़ी तोह भत्ते ठाहरीरिंङ दोऊ गप्पा फेलेगी इलजी तोद कि ञेंतिंङ कुट्रीमी ज़रूरत माह।

1 थिस्सलुनीकियों 1:8 Iomraidhean Croise

प्रेरित 18:12

अपेहल गल्लियो अखाया प्रदेशो राज्यपाल तोहई दंङ यहुदी मीहरे ठ्रोहका शुहचे पोलुसो खिलाप खड़े शुहचे इलिर, दंङ दोबि कोर्टो तुहई ज़ि हंजे कुट्री लेहतिर,

रोमियो 1:8

भत्ते बे तुहई गेह केहतु भत्ते तु थल्जी यीशु मसीहू दोरच़ी घेंङौ बाह परमेश्वरो धन्यवाद लहज़ातग, छना कुचे यीशु मसीहू टोहकठे केहतु विशवासो पाहठी महस ठाहरीरिंङ मीहच़ी गप्पा लहज़ी लेहकी तोतोर।

रोमियो 15:26

छना कुचे मकिदुनिया ए अखाया प्रदेशो कलीसिया ओ मीहतिंङ दि रूठे चेहतिर, कि दोरे यरूशलेम शहरो मीहतिंङ अंऊ गरीब तोतोर, छा दान रमोर।

रोमियो 16:19

भत्ते ज़ि ञेंहच़ातोर कि केरे अंयों रूठे रंङ प्रभु हुकुमो भाषे लहज़ातंई। झांह लेह गेह केहतु पाहठी सोचेके खुश शवाहतग; पर गेह दि जुंज़ातग कि, केरे भलाई लहज़िमी थल्जी बुद्धिमान, पर बुराई लहज़िमी थल्जी शरीफ बणेंके तोंई।

1 कुरिन्थियों 14:36

झांह ठ्रोह छना तोह कि केहतु बिचंङ तुहई कांहषी कानूनो भाषे लहज़ी माह जुन्ज़ातंई? छि कनिंङ झांह च़ेहसा कि परमेश्वर बचन सिर्फ कनिंङ ए रांहषी तोहई?

2 कुरिन्थियों 2:14

दंङ परमेश्वरो धन्यवाद शोतो, अंऊ मसीह रंङ साते हेंदु संबधो वहज़ा ज़ि, हेंदिंङ हमेशा ऐनाहरंङ साते चलाच़ा। दिऊ मतलब दि तोह कि हेनर अंऊर ला य्वातंई, हेनर रूठे खबर सुनाच़ातंई ताकि भत्ते मीहरे परमेश्वरो बि ञेंओर ए रेड्रोर।

2 कुरिन्थियों 3:4

हेनर दि दिऊ थल्जी कुट्रातंई हेंदिंङ मसीहू दोरच़ी परमेश्वरो टोईच़ी विशवास तोह।

कुलुस्सियों 3:16

मसीहू बचन रे केनातु सेहमरिंङ महसे बसेकपि रांई, दंङ सिद्ध ज्ञाना रंङ साते इदि अईदि बि सिखाएतुंई दंङ सलाह रांई, दंङ केनातु सेहमरिंङ धन्यवाद रंङ साते परमेश्वरो थल्जी भजन ए स्तुतिगान दंङ आत्मिक गीत कुंई।

2 थिस्सलुनीकियों 1:4

झांह लेह ञेंरे परमेश्वरो कलीसिया ओ बिचंङ केहतु पाहठी घमण्ड लहज़ातंई, छना कुचे केरे धीरज़ ए विशवासारंङ साते भत्ते पाहठी मुसीबत सहन लहज़ातंई दंङ केरे हेंतेग ला यीशु मसीहू टोहकठे विशवास लहज़ातंई।

2 थिस्सलुनीकियों 3:1

हे गिऊ प्यारे साथी विशवासी रे, थल मुखंङ ञेंहतु थल्जी प्रार्थना लोहवा लंहि, ताकि ञेंरे युरनाह भत्ते ठाहरीरिंङ प्रभु यीशु मसीहू पाहठी रूठे खबर फैलाके तरपोंई दंङ मीहरे दिऊ टोहकठे ध्वांए विशवास लोहर छना केहच़ी लाहतंई।

1 तीमुथियुस 2:8

गेह जुंज़ातग कि हर सभारिंङ गंङमी अंऊ रूठे जीवन श्रींङमातोर, रोहष मेह ए झगड़ा मेह केनातु गुह्ट्र खेका लहच़ी प्रार्थना लोहवा लंहि।

2 तीमुथियुस 2:9

दिए रूठे खबरो प्रचार लहज़िमी रंङ साते गेह कैदारिंङ इच्च़ा अपराधी ओ ठ्रोह दुख उठाएच़ातोग। तांला परमेश्वरो बचन प्रचार लहज़िमी रंङ साते अरिला रोकेकी मरपोतो।

3 यूहन्ना 1:12

कलीसिया रिंङ दंङ दिमेत्रियुसो बारे भत्ते ज़ि, वरन सच्चाई ला ऐने गवाही रांई; दंङ हेंज़ी ला गवाही रंड्रातंई दंङ केई ञेंच़ातंई कि केहतु गवाही हेले शुह।

प्रकाशित वाक्य 14:6

दंङ गेह अई इच्च़ा स्वर्गदूता बि सर्गो टोईच़ी फन्ज़ि तंङरिगा। दुह स्वर्गदूते दुह रूठे खबर कुरच़ा तोहई अंऊ अपेहल ला माह लेहक्सा, दोई संसारा रिंङ बंङज़ा मीहतु, हर इच्च़ा देश, हर इच्च़ा गोत्र दंङ भत्ते पाहठी भाषा रिंङ दिऊ घोषणा लहरिर।

प्रकाशित वाक्य 22:17

परमेश्वरो आत्मा ए ब्याहुत्री जबाब रेंई, “अता!” अरिला दि सग रेड्रा, दोबि ला कुट्री जूंशी तोह, “अता!” अरिला तिस्करे तोह, दुह देर अपतो। दुह ती तुंङरेंई अंऊ दोई जीवन रंड्रा, अंऊ कि दुह भत्ते तिंङ मुफ्ता रिंङ खोकसा अंऊ दिबी तुंङमी तातोर।