1 थिस्सलुनीकियों 1:6 - लाहौली बाइबिल

⁶ केहच़ी ञेंहतु ए प्रभु उदाहरण हिद लहरिन, अंऊ पवित्र आत्माओ दोरच़ी केतिंङ रांहषी तोहई, केहच़ी खुशी रंङ साते दू ग्रहण लहज़ातंई, दि तरीका रंङ केरे ला हेंदु ए प्रभु यीशु मसीहू शिष्य बणेंके इलांई।

1 थिस्सलुनीकियों 1:6 Iomraidhean Croise

मत्ती 16:24

दंङ यीशुज़ि एनोह चेला तिंङ कुहतो “अगर अरीला गिऊ चेला बणेकपी तातंई दोच़ी एनोह हिटी छोड़ेके एनोह दुख उठाके गिऊ थलेच़ि अच़ा अतंई।

यहून्नो 8:12

यहुदी मंदिरंङ एनोह शिक्षा यच़ाह शुरू लेह यीशु ज़ि मीहतु हखा कुंई, “गेह ए दिह संसारो छंङी शुगाह; अरीला गिऊ थले जोज़ा दुह अपेहला हंयारा रिंङ माह ज़ोतो, पर दुह छंङी बि खोक्पोतो अच़ि अनंत जीवन रंड्रा।”

प्रेरित 13:52

दंङ अन्ताकिया शहरंङ विशवासी खुशी रंङ ए पवित्र आत्मा रंङ साते परिपूर्ण शुहवा लहरिर।

प्रेरित 5:41

दंङ दोरे यहुदी सभा ओ तुईज़ी हुंच़ा इलिर। दंङ छना दोरे वापिस यवातेर दोरे दि गप्पा रंङ खुश शुचे तोईरे कि ञेंरे यीशु थल्जी निरादर शुहबिमी जोगे शुईरे।

प्रेरित 9:31

झांह लेह भत्ते यहुदिया प्रदेश, गलील प्रदेश दङ सामरिया प्रदेशंङ कलीसियाओ मीहतिंङ शांति खोकसिरी, दंङ कलीसियाओ तरक्की शुहवा लहरी; दंङ प्रभु ऊ बेह्द ए पवित्र आत्माओ मदत रंङ साते महसे मीहतिंङ हौंसला खोकसिरी दंङ प्रभु यीशु ऊ टोहकठे बिशवास लहरीर।

रोमियो 15:13

गेह प्रार्थना लहज़ातग कि परमेश्वर अंऊ उम्मीदो दाता तोह, केतिंङ विशवास लहज़िमी भत्ते पाहठी खुशी ए शांति रंङ साते पिंङे च़रपोतो, कि पवित्र आत्माओ सामर्थो दोरच़ी केहतु उम्मीद बणेंके योतो।

1 कुरिन्थियों 11:1

छना ठ्रोह गेह मसीहू ठ्रोह चाल ज़ोआतग, ध्वांए केरे ला गिऊ ठ्रोह चाल जोंई।

1 कुरिन्थियों 11:2

गेह घेंङौ तरीफ लहज़ातग, छना कुचे केरे गिह्बी भत्ते टेमारिंङ हिद लहज़ातंई; दंङ अंऊ शिक्षा गेह केतिंङ रांहषी तातग, दोतु खबरदार रंङ साते इस्तेमाल लहज़ातंई।

1 कुरिन्थियों 4:16

झांह लेह गेह केतंङ साते बिनती लहज़ातग, कि गिऊ ठ्रोह मसीह रिंङ केनातु जीवन‍ जोंई।

2 कुरिन्थियों 6:10

हेंदु कछंङ हेंदु टेम तोहई, पर हमेशा खुश बंङज़ातंई। हेनर कंगाल तोतोंई, पर महस मीहतिंङ आत्मिक तरीका रंङ साहुकार बणाके चरच़ातंई। हेनर झांह तोतोंई कि हेंदु कछंङ छल्ले माह, तांला हेंदु कछंङ भत्ते धिर तोह।

2 कुरिन्थियों 8:5

ञेंहच़ी दि माह सोचेक्तंई कि दोरे झांह ठ्रोह रें तरपोर। दोच़ी एनाबि तुहई प्रभु बि दंङ दोऊ थल हेंदिंङ रें च़रतिर, ठीक ध्वांए छना कि परमेश्वरे जुंज़ाते कि दोच़ी लोहर।

गलातियों 5:22

पर अपेहल पवित्र आत्मा हेंदिंङ काबू लहज़ा दंङ दोऊ गुण दि तोह “दाह, खुशी, शांति, धीरज़, दया, भलाई, विशवासो जोगे, नम्रता दंङ हेंदु टोईच़ी काबू लहज़ी।”

इफिसियों 5:1

केरे परमेश्वरो कटुरे शुई अतंङ साते दोई दाह लहज़ा, झांह लेह दोऊ ठ्रोह बणेक्पिमी कोशिश लंहि।

फिलिपियों 3:17

हे गिऊ प्यारे साथी विशवासी रे, केरे भत्ते ठ्रोहका शुहचे गिऊ ठ्रोह जीवन श्रींङी, दंङ दोतिंङ सेहषी च़रतेंई, अंऊ दि रीतिऊ टोईच़ी ज़ोवातोर अतु उदाहरण केहच़ी हेंदि व्यवहार लहज़ी तंङातेंई। अपेहल केरे ञेंतंङ साते तोहनी।

2 थिस्सलुनीकियों 1:4

झांह लेह ञेंरे परमेश्वरो कलीसिया ओ बिचंङ केहतु पाहठी घमण्ड लहज़ातंई, छना कुचे केरे धीरज़ ए विशवासारंङ साते भत्ते पाहठी मुसीबत सहन लहज़ातंई दंङ केरे हेंतेग ला यीशु मसीहू टोहकठे विशवास लहज़ातंई।

2 थिस्सलुनीकियों 3:7

केहच़ी केनाच़ि ए रूठे रंङ ञेंच़ातंई कि केतिंङ ध्यांए ठ्रोह श्रींङमी जूंस। छना ञेंरे श्रींङमातेंई, छना कुचे अपेहल ञेंरे केहतु बिचंङ तोईनी दंङ ञेंरे सुस्त माह तोहनी।

2 थिस्सलुनीकियों 3:9

झांह माह कि केहतु दोरच़ी मदत लेहपच़ी ञेंहतु अधिकार माह तोहई; पर दिऊ थल्जी कि एनाबि केहतु थल्जी इच्च़ा नमूना बणाएपोर, कि केरे ञेंहतु ठ्रोह चाल ज़ोई।

2 तीमुथियुस 4:2

कि काह परमेश्वरो बचन प्रचार लहज़िमी थल्जी हमेशा तेयार बंङज़ु, मीहच़ी चाहे दि रेड्रोर या माह रेड्रोर। कनिंङ दोतिंङ दि कंड्री ज़रूरी तोह कि दोच़ी छि गलती लहतोर दंङ कांह दोतु पापो थल्जी दोतिंङ रैहचु। पर कनिंङ मीहतिंङ हिम्मत रंड्री जूंशी तोह दंङ कनिंङ धीरज़ा रंङ साते दोतिंङ शिक्षा रंड्री जुंशी तोह।

इब्रानियों 10:34

केरे कैदी तु दुखा रिंङ ला दुखी शुहचे इलिन, दंङ केनातु टंगा ढबाह ला खुशी रंङ लुटाके च़रतिन; छना कुचे केहच़ी ञेंहच़ातंई कि केहतु कछंङ हेंतेग ला दू चीज़ारे तोतोर अतु वाईदा परमेश्वरे लाहते, अंऊ कि महस खास तोह दंङ हमेशा ओ थल्जी बणेंके बंङज़ा।

1 पतरस 1:6

केतिंङ दि भत्ते चीज़ा तु थल्जी खुश शुहबी लेह्पोतो, चाहे हेंतेग थोड़े टेमो थल्जी शत्‌ह-शत्‌ह पाहठी परेशानी केतिंङ दुखी लहज़ा।

1 पतरस 1:8

केहच़ी यीशु बि अपेहला तंङसी माह तंई, तांला केहच़ी दोरंङ साते दाह लहज़ातंई। केहच़ी दू हेंतेग ला माह तंङज़ातंई, पर केहच़ी विशवास लहज़ातंई। झांह लेह, केरे खुशीऊ मोह्ड़े दाह ज़ि महस खुश तोतोंई अंऊ दोबि शब्दा रिंङ बयान लेह मरपोंई।

1 पतरस 3:13

अगर केरे हमेशा रूठे कम लहज़िमी कोशिश लहज़ातंई, दंङ अरिला केतिंङ हेले रिंङ दुख रंड्री मरपोतो।

3 यूहन्ना 1:11

प्यारे मित्रा, दुह मीहतु नकल थालोहू अंऊ बुराईओ कम लहज़ातोर, पर दुह मीहतु थले ज़ोज़ा अंऊ रूठे कम लहज़ातोर। अपेहल अच़िया रूठे कम लहज़ा दंङ दोई दि साबित लहज़ा कि गेह परमेश्वरो योह शुगाह दंङ अंऊ बुराई लहज़ा दोई परमेश्वर सेहतिर माह।