1 थिस्सलुनीकियों 1:5 - लाहौली बाइबिल

⁵ छना कुचे हेंदु यीशु मसीहू पाहठी रूठे खबर केहतु कछंङ माह सिर्फ कुट्री रंङ साते ए पर पवित्र आत्मो सामर्थे ए भत्ते याहबा रंङ अंजा कि दि रूठे खबर हेले शुह, केहच़ी ञेंच़ातंई कि अपेहल ञेंरे केतंङ साते तोईनी दंङ ञेंहच़ी केहतु भलाई ऊ थल्जी छना ठ्रोह जीवन श्रींङज़ातंई।

1 थिस्सलुनीकियों 1:5 Iomraidhean Croise

मरकुसो 16:20

दोऊ थल प्रभु यीशु ऊ चेलाज़ि दोहरची इलजी भत्ते ठाहरीरिंङ रुठे खबर सुनाएची लेहतिर। दंङ प्रभु यीशुज़ि दोतु दोहरची हेरानी ऊ कम लहज़ातेर। झांह लेह मीहतिंङ पता लेहती कि रुठे खबर सच्चे शुह। आमीन। (ध्वांए शुहबी जूंस)

लूको 1:1

आदरणीय थियुफिलुस, महसे मीहज़ी ञेंहतु बिचंङ शुहचे दुह गप्पाओ पाहठी च़ेचिमी कोशिश लहसी ततो।

प्रेरित 11:21

दंङ प्रभु ऊ सामर्थ दोतु टोईच़ी तोहई, दंङ महसे ऊईजाति ऊ मीहज़ी दोतु रूठे खबरो टोईच़ी बिशवास लहरिर दंङ दोरे यीशु मसीहू हखा किरच़ा इलिर।

प्रेरित 16:14

दंङ लुदिया मिंदंङ थुआतीरा नगरो पोरलो खमज़े लंङज़ा अंऊ परमेश्वरो अराधना लहज़ार तोहई, रेड्राते, दंङ प्रभु ज़ि दोऊ सेहम अल्ज़े च़रति, कि दोई पोलुसो गप्पारिंङ ध्यान रमोतो।

प्रेरित 2:33

परमेश्वरे यीशु बि भत्ते बे उथड़े ठहरि तचेक खेका लहरी। हेंतेग दुह भत्ते बे उथड़े ठहरि बंङज़ा तोह स्वर्गंङ परमेश्वरो सुचंङ गुहडो हासी। दोबि पवित्र आत्मा रांहषी ततो, दंङ दोई पवित्र आत्मा ञेंतिंङ रांहषी ततो छना कि केहरे तोग रेड्रातंई ए खंड्रातंई।

रोमियो 1:16

छना कुचे गेह यीशु मसीहू रूठे खबरो टोहकठे पूरा विशवास लहज़ातग, एनोह सामर्थो दोरच़ी परमेश्वर दू भत्ते तु उद्धार लहज़ा, अंऊ दि रूठे खबरो टोईच़ी विशवास लहज़ातोर, भत्ते बे मुन्डा यहुदी मीहतु दंङ दोतु अंऊ यहुदी मीह माह तोहर।

रोमियो 15:13

गेह प्रार्थना लहज़ातग कि परमेश्वर अंऊ उम्मीदो दाता तोह, केतिंङ विशवास लहज़िमी भत्ते पाहठी खुशी ए शांति रंङ साते पिंङे च़रपोतो, कि पवित्र आत्माओ सामर्थो दोरच़ी केहतु उम्मीद बणेंके योतो।

रोमियो 2:16

दि दुह ध्याड़ारिंङ शोतो अपेहल परमेश्वरो गिऊ दोरच़ी प्रचार लहसी रूठे खबरो हिसाबे यीशु मसीहू दोरच़ी मीहतु ब्याके गप्पो फेंसला लोहतो।

1 कुरिन्थियों 1:24

पर दोरे अतिंङ परमेश्वरे एनोह मीहरे शुहबी थल्जी अंङे चरच़तो, छि यहुदी छि ऊई जाति, दिए मसीहू सामर्थ ए परमेश्वरो ज्ञान तोह।

1 कुरिन्थियों 3:16

केतिंङ पक्‍का पता तोह, कि केरे परमेश्वरो मन्दिर शुई, दंङ परमेश्वरो रांहषी आत्मा केहतु अंदरेग बास लहज़ा।

1 कुरिन्थियों 3:6

केतिंङ परमेश्वरो खबर कंड्रा गेह मुण्डो मीह तोईगा झांह लेह गेह दू मीहू ठ्रोह शुगाह अच़ि रीहरिंङ बेईज़ा एच़ी च़रति। दोऊ थल अपुल्लोस ए केहतु विशवासा रिंङ पक्‍का शुहबिमी थल्जी मदत लहरी, ठीक ध्वांए छना ऊई मीह दूह पौधा रिंङ ती रंड्रा अंऊ मोह्ड़े शवाहतोर। पर परमेश्वरे केतिंङ खरकोई जीवन रांई दंङ केतिंङ आत्मिक तरीका रंङ साते बणेक्पिमी मदत लहज़ा, छना परमेश्वरे पौधार मोह्ड़े लहज़ा।

1 कुरिन्थियों 4:20

छना कुचे परमेश्वरो राज सिर्फ महसे गप्पा लहज़ी माह शुह; पर परमेश्वरो सामर्थो दोरच़ी श्रींङमी तोह।

1 कुरिन्थियों 9:14

दि रीतिरंङ प्रभु ज़ि ला हुकुम रांहषी ततो कि अंऊ मीहरे रूठे खबरो प्रचार लहज़ातोर दोतु खर्चा ला दू ए मीहतु दोरच़ी खोकसी जूंस अंऊ दोच़ी रूठे खबर रेड्रातोर।

2 कुरिन्थियों 3:6

अच़ि हेंदिंङ खरकोई वाईदाऊ सेवक शुहबिमी जोगे, बणाकतो। दि मूसा ओ च़ेहसी कानून माह शुह बल्कि पवित्र आत्माओ वाईदा शुह, छना कुचे मूसा ओ नियम ओ भाषे माह लहज़िमी परिणाम मौत तोह, पर पवित्र आत्माज़ि अनंत जीवन रंड्री।

गलातियों 2:2

गेह दोर दिऊ थल्जी इलिगा छना कुचे परमेश्वरे गिह्बी इबिमी थल्जी कुहते। दंङ अपेहल गेह दोर तोईग दंङ गेह अगुवा तंङ साते सामटे ठ्रोह दोहरिगा दंङ दोतिंङ दू रूठे खबरो पाहठी कंड्रीगा अंऊ गेह ऊईजाति तु बिचंङ प्रचार लहज़ी लेहकी तोईगा। ताकि झांह शुहबी मेस, कि गिऊ दि टेमो या थलेकी दू मेहनत शुहके शोतो।

गलातियों 5:5

गेह झांह कुट्री तरच़ातग छना कुचे हेंदिंङ पवित्र आत्माओ दोरच़ी पूरा भरोसा तोह कि परमेश्वर हेंदिंङ धर्मी रूपारिंङ ग्रहण लोहतो छना कुचे हेनर यीशु मसीहू टोहकठे विशवास लहज़ातंई।

इफिसियों 2:10

छना कुचे हेनर परमेश्वरे बणाषी शुई; दंङ यीशु मसीह रिंङ दू रूठे कमो थल्जी बणाषी अपि परमेश्वरे तुहई बेहच़ी हेंदु लहज़िमी थल्जी तेयार लहसी ततो।

इफिसियों 3:20

परमेश्वरो महिमा शुहबी जूंस! दुह झांह ठ्रोह सामर्थी परमेश्वर तोह, अंऊ हेंदु बिनती ए सोचेक्सी ए समझेक्सी बे ला महस लेह तरच़ा। दोई एनोह सामर्थ हेंदु अंदरेग कम लहज़ा। दोऊ महिमा विशवासी तु झुण्डा रिंङ ए मसीह यीशु पीढ़ी बे पीढ़ी तचेक हमेशा-हमेशा शुहवा लोहतो। अमीन।

फिलिपियों 2:13

छना कुचे परमेश्वर ए तोह, अच़ि केहतु अंदरेग कम लहज़ा दंङ दोई ए केतिंङ कम लहज़िमी हिटी ए शाक्ति रंड्रा अंऊ दोई दोबि खुश लहज़ा।

फिलिपियों 4:9

गिऊ गप्पा रंङ साते ए गिऊ कमो दोरच़ी अंऊ ला केहच़ी सिखेक्च़ातंई ए ग्रहण लहज़ातंई, दोऊ ए हिसाबे ज़ोई, दोथर शांति ऊ परमेश्वर केतंङ साते बंङज़ोतो।

कुलुस्सियों 2:2

गेह मेहनत दिऊ थल्जी लहतेग ताकि दोतु विशवास बणेक्पोतो दंङ दोरे दाह रंङ साते ऐनातु बिचंङ बणेंके बंङज़ोर, गेह जुंज़ातग कि दोतिंङ पूरा भरोसा शुहबी जूंस छना कुचे दोतिंङ परमेश्वरो गुप्त योजना ओ पूरा समझ तोह अंऊ ऐनाह ए मसीह तोह।

1 थिस्सलुनीकियों 2:13

झांह लेह ञेंरे ला रोज परमेश्वरो धन्यवाद लहज़ातंई, कि अपेहल केहच़ी दुह रूठे खबर थाशातंई अंऊ ञेंहच़ी केहतु बिचंङ प्रचार लाहतंई, दंङ केहच़ी दुह मीहतु मशत पर परमेश्वरो वचन समझेगी (दंङ अंऊ हेले परमेश्वरो दोरच़ी तोह) ग्रहण लहरिन; दंङ हेंतेग परमेश्वरो दि खबर केहतु अंद्रेग कम लहज़ी लेहकी तोह अंऊ मसीहू टोहकठे विशवास लहज़ातंई।

2 थिस्सलुनीकियों 2:14

परमेश्वरे केरे बचाएच़िमी रूठे खबरो थल्जी बुलासी ततो, अतु ञेंहच़ी केहतु बिचंङ प्रचार लहज़ातंई, ताकि केरे दुह महिमारिंङ शामिल शुहचे तरपोंई अंऊ परमेश्वरे हेंदु प्रभु यीशु मसीह बि रांहषी ततो।

2 तीमुथियुस 2:10

दिऊ थल्जी गेह दुह मीहतु थल्जी भत्ते दुख सहन लहज़ातग, अतिंङ परमेश्वरे अंङषी ततो, ताकि दोरे ला यीशु मसीहू टोहकठे विशवास लोहर दंङ उद्धार ए अनंत कालो महिमा खोक्पोर।

2 तीमुथियुस 2:8

लगातार यीशु मसीहू पाहठी सोचेक्सा लोह, अंऊ रज्ज़ा दाऊदो खानदानो दोरच़ी शुई, दंङ परमेश्वरे दुह सिऊ दोतु बिचंङ श्रींङमी लहरी; दंङ दिए दुह रूठे खबर शुह अंऊ गेह मीहतु बिचंङ प्रचार लहज़ातग।

इब्रानियों 10:22

दंङ अतंई हेनर, मसीहू शुई पुरच़ि ते हेंदु सेहम शुद्ध लहच़ी दंङ साफ ती रें हेंदु फुक शुहल्ज़े संङा सेहम ए पक्‍का विशवासा रंङ साते परमेश्वरो कछंङ योंई।

इब्रानियों 6:11

ञेंहच़ी माह जुंज़ातंई कि केरे सुस्त शुई। पर ञेंहच़ी जुंज़ातंई कि केहच़ी महस मेहनत लहज़ा तु ठ्रोह दाह ओ कम लहज़ी ज़ारी तंही, थल मुक्का तचेक धीरज़ ए विशवासा रंङ पक्‍का बणेंके बंङज़ेंई। दंङ पक्‍का उम्मीद तंही ताकि परमेश्वरो वाईदा बि खोक्शे तरपोंई।

1 पतरस 1:12

पर परमेश्वरे दि भविष्यवक्ता तिंङ कंड्रिरी कि दोतु खबर दोतु एनातु थल्जी मशत पर केहतु थल्जी तोहई। दू खबर यीशु मसीहू पाहठी रूठे खबर शुह अंऊ केहच़ी हेंतेग रेड्रातंई। परमेश्वरे स्वर्गंङ ज़ि एनोह पवित्र आत्मा चरच़तो कि केतिंङ रूठे खबर प्रचार लहज़िमी थल्जी मीहतु मदत लोहतो। दि भत्ते धोंण अद्धभुत तोह कि देर तचेक कि स्वर्ग दूत कि स्वर्गदूत ला खुशी रंङ दि चीज़ा बि खंड्रातोर।

1 पतरस 1:3

हेंदु प्रभु यीशु मसीहू बाह ए परमेश्वरो धन्यवाद शुहबी जूंस, अच़ि हेंदु थल्जी एनोह मोह्ड़े दाह ओ दोरच़ी हेंदिंङ इच्च़ा खरकोई जीवन रांहषी ततो। छना कुचे परमेश्वरे यीशु मसीह बि सिए दोतु बिचंङ ज़ि श्रींङमी लहरी, दोई हेंदिंङ महस आत्मविशवास रंङ श्रींङमिमी जोगे बणाके च़रति; मतलब हेनर दू चीज़ खोकच़िमी पूरे उम्मीद लेह तरपोंई अंऊ दोई हेंदिंङ रंड्रीमी वाईदा लहसी ततो।

1 पतरस 5:3

अंऊ मीहरे केतिंङ सोंपेगी तोतोर, दोतु टोईच़ी इच्च़ा अधिकारी ठ्रोह था बणेक्तुंई, बल्कि दोतु थल्जी इच्च़ा रूठे उदाहरण बणेक्तुंई।

2 पतरस 1:10

झांह लेह हे गिऊ प्यारे साथी विशवासी रे, केरे केनातिंङ ए ऊईतिंङ दि साबित लहज़िमी थल्जी कि परमेश्वरे केतिंङ हेले रिंङ दोऊ थलेच़ि जोज़िमी थल्जी कुहषी ततो दंङ केतिंङ एनोह मीहरे शुहबिमी थल्जी अंङषी ततो, झांह ठ्रोह कम लहज़िमी ऊई ला कोशिश लंहि। अगर केरे दि गुण बि हिद तोहनि ता केरे अपेहला मसीहू टोईच़ी विशवास लहज़ी ब्याड़ा माह लोहनि;

2 पतरस 1:19

दिऊ थल्जी हेनर भविष्यवक्तातु दोरच़ी च़ेहसी बचनो टोईच़ी ऊई ला महस विशवास लहज़ातंई। अगर केरे दि रूठे खबरो टोईच़ी ध्यान रमोंई, दंङ केहच़ी इच्च़ा रूठे कम लोहनि, छना कुचे दि इच्च़ा संजवा ओ ठ्रोह तोह अंऊ हंयार ठाहरीरिंङ चमकेक्पा, अपेहल तचेक कि ध्याड़ा माह शवात दंङ मसीहू छंङी केहतु सेहम रिंङ चमकेक्पा, छना ठ्रोह मुंजे कि करज़े संसारा रिंङ छंङी हपा।