1 थिस्सलुनीकियों 1:4 - लाहौली बाइबिल

⁴ हे गिऊ प्यारे साथी विशवासी रे, परमेश्वरो प्यारे मीहरे ञेंहच़ी ञेंच़ातंई कि परमेश्वरे केरे एनोह मीह शुहबिमी थल्जी अंङषी शुई।

1 थिस्सलुनीकियों 1:4 Iomraidhean Croise

रोमियो 1:7

गेह दि डाक रोम शहरो दुह भत्ते मीहतु थल्जी च़ेहसी लेहकी तोतोग, अंऊ परमेश्वरो प्यारे तोतोर, दंङ अतिंङ परमेश्वरे एनोह मीहरे शुहबिमी थल्जी अंङषी ततो; हेंदु बाह परमेश्वर ए प्रभु यीशु मसीहू दोरच़ी केतिंङ मोह्ड़े दाह ए शांति खोकसा लोहतो।

रोमियो 9:25

छना परमेश्वर होशे ऊ कताबारिंङ ला कुट्रा, “अंऊ गिऊ प्रजा माह तोहई, दोतिंङ गेह घेंङौ प्रजा कोहग, दंङ अंऊ प्यारे माह तोहई, दोबि प्यारे कोहग;

इफिसियों 1:4

परमेश्वरे सर्ग ए धरती बणाएषिमी तुहई, मसीहू दोरच़ी हेंदिंङ एनातु मीह शुहबिमी थल्जी अंङे च़रति। ताकि हेनर दोऊ नज़रारिंङ पवित्र ए निर्दोष शुहबी तरपोंई।

कुलुस्सियों 3:12

झांह लेह अपेहल केरे परमेश्वरे केतिंङ एनोह पवित्र मीह शुहबिमी थल्जी अंङे चरच़तो, दंङ दोई केतंङ साते दाह लहज़ा, केरे मोह्ड़े दाह ए, दंङ भलाई, दंङ दीनता, नम्रता, दंङ सहनशीलता धारण लंहि।

1 थिस्सलुनीकियों 1:3

अपेहल ञेंहच़ी हेंदु बाह परमेश्वरो हखा प्रार्थना लहज़ातंई अंऊ कम केहच़ी विशवासो दोरच़ी लहज़ातंई, दंङ विशवासी तु मदत लहज़िमी थल्जी महस मेहनत लहज़ातंई, दंङ प्रभु यीशु मसीहू वापिस अपिमी उम्मीद रिंङ केहच़ी धीरज़ ला लगातार हिद लोहवातंई।

2 थिस्सलुनीकियों 2:13

हे गिऊ प्यारे साथी विशवासी रे, हेंदिंङ हमेशा परमेश्वरो धन्यवाद लेह जुंशी तोह, छना कुचे परमेश्वरे केतंङ साते दाह लहज़ा। परमेश्वरे संसारो रचना बे तुहई केतिंङ अंङे चरच़तो ताकि केतिंङ बचाके तरपोतो केरे यीशु मसीहू पाहठी सच्चा खबरो टोईच़ी विशवास लहज़िमी दंङ दोऊ पवित्र आत्मा दोरच़ी पवित्र बणेषिमी थल्जी अंङषी ततो।

1 पतरस 1:2

बाह परमेश्वरे महसे तुहई केतिंङ एनोह मीहरे शुहबी थल्जी ए पवित्र आत्मा कमो दोरच़ी केतिंङ पवित्र शुहबिमी थल्जी अंङे चरच़तो। दोई दि दिऊ थल्जी लहरी ताकि केरे यीशु मसीहू हुकुमो भाषे लोहनि दंङ दोऊ शुहई दोरच़ी शुद्ध शुहचे तरपोंई। गेह प्रार्थना लहज़ातग कि परमेश्वर केतिंङ मोह्ड़े दाह ए भरपूर शांति रमतो।

2 पतरस 1:10

झांह लेह हे गिऊ प्यारे साथी विशवासी रे, केरे केनातिंङ ए ऊईतिंङ दि साबित लहज़िमी थल्जी कि परमेश्वरे केतिंङ हेले रिंङ दोऊ थलेच़ि जोज़िमी थल्जी कुहषी ततो दंङ केतिंङ एनोह मीहरे शुहबिमी थल्जी अंङषी ततो, झांह ठ्रोह कम लहज़िमी ऊई ला कोशिश लंहि। अगर केरे दि गुण बि हिद तोहनि ता केरे अपेहला मसीहू टोईच़ी विशवास लहज़ी ब्याड़ा माह लोहनि;