1 थिस्सलुनीकियों 1:3 - लाहौली बाइबिल

³ अपेहल ञेंहच़ी हेंदु बाह परमेश्वरो हखा प्रार्थना लहज़ातंई अंऊ कम केहच़ी विशवासो दोरच़ी लहज़ातंई, दंङ विशवासी तु मदत लहज़िमी थल्जी महस मेहनत लहज़ातंई, दंङ प्रभु यीशु मसीहू वापिस अपिमी उम्मीद रिंङ केहच़ी धीरज़ ला लगातार हिद लोहवातंई।

1 थिस्सलुनीकियों 1:3 Iomraidhean Croise

यहून्नो 14:15

“अगर केहच़ी गेरंङ दाह लोहनी, ता गिऊ हुकुम मनेक्पोंई।

यहून्नो 15:10

अगर केहच़ी गिऊ हुकुम मनेक्फोई, ता गिऊ दाह रिंङ बणेंके बंङज़ोन; छना कि गेह घेंङौ पिता परमेश्वरो हुकुम मनेक्च़ातेग, दंङ दोऊ दाह रिंङ बणेंक बंङज़ातग।

प्रेरित 10:31

दंङ कुट्री लेहती, “हे कुरनेलियुस, परमेश्वरे कांह प्रार्थना रेड्री केहतो। दंङ दि ला खांई केहतो कि अंयों फेरा केई गरीब यहुदी मीहतिंङ दान रदेन।

प्रेरित 3:19

झांह लेह केनातु मदम कमो दोरच़ी सेहम किर्तुंई दंङ परमेश्वरो हखा यह्च़ा अतंई कि केतिंङ केनातु पापो दोरच़ी माफी खोकसोतो।

रोमियो 12:12

हेंदु कछंङ छि उम्मीद तोह दोऊ वहज़ा ज़ि खुशी मनेक्तुंई; मुसीबता रिंङ धीरज़ तंही भत्ते टेमारिंङ प्रार्थना लोहवा लंहि।

रोमियो 15:13

गेह प्रार्थना लहज़ातग कि परमेश्वर अंऊ उम्मीदो दाता तोह, केतिंङ विशवास लहज़िमी भत्ते पाहठी खुशी ए शांति रंङ साते पिंङे च़रपोतो, कि पवित्र आत्माओ सामर्थो दोरच़ी केहतु उम्मीद बणेंके योतो।

रोमियो 15:4

अंयों गप्पा तुहई बेहच़ी पवित्रशास्त्रारिंङ च़ेहसी तोह, दू हेंदु ए शिक्षा ओ थल्जी च़ेहसी तोह, ताकि हेनर धीरज़ ए पवित्रशास्त्रो दोरच़ी छि याहब ओ दोरच़ी उम्मीद लोंहई, कि पवित्रशास्त्रे छि वाईदा लाहते, दू पूरा लोहतो।

रोमियो 16:26

पर हेंतेग परमेश्वरो हुकुमो हिसाबे परमेश्वरो रूठे खबर भविष्यवक्ता तु कताबो दोरच़ी भत्ते जातिऊ मीहतिंङ कांहषी तोह, कि विशवासा रंङ साते हुकुमो भाषे लहज़ा बणेंके इलांई।

रोमियो 16:6

मरियम ला अच़ि केहतु थल्जी महसे मेहनत लहरी, दोबि ला गिऊ नमस्कार।

रोमियो 2:7

अंऊ मीहरे ड्काह बंङज़ा ते भलाई लहज़ा ते महिमा ए आदरो, अपेहल ला माह योह्सा जीवनो खोजारिंङ लेहकी बंङज़ातोर, परमेश्वर दोतिंङ अनंत जीवन रमतो;

1 कुरिन्थियों 13:13

झांह लेह, हेंतेग, दि षुमु पाहठी कम लहज़ी ज़रूरी जूंशी तोह: परमेश्वरो टोईच़ी विशवास परमेश्वरो वाईदा रिंङ उम्मीद तहच़ि, दंङ ऊईतिंङ साते दाह लहज़ी। पर दि भत्ते बे इच्च़ा ए मोह्ड़े तोह, दू तोह ऊईतिंङ साते दाह लहज़ी।

1 कुरिन्थियों 15:58

झांह लेह हे गिऊ प्यारे साथी विशवासी रे, केनातु विशवासा रिंङ पक्‍का बंङज़ुंई दंङ गलत शिक्षा ओ वहज़ा ज़ि भटक्तेतुंई था, प्रभु थल्जी छि कम केहच़ी लहज़ातंई दोरिंङ हमेशा तुंखा शुई। छना कुचे दि ञेंहच़ा, कि छिल्ला धिर केहच़ी प्रभु थल्जी लोहनि दोऊ ईनाम केतिंङ पक्‍का खोकसोतो।

2 कुरिन्थियों 2:17

छना कुचे हेनर दू महसे तु बराबर माह तोंई, अंऊ परमेश्वरो बचन एनोह फायदा ओ थल्जी प्रचार लहज़ा; पर हेनर परमेश्वरो बचनो प्रचार सच्चाई ए मसीहू अधिकारारंङ साते लहज़ातंई, दि ञेंई कि परमेश्वर हेंदिंङ खंड्रा बंङज़ा तोह।

गलातियों 1:4

हेंदु परमेश्वर ए बाह ओ हिटीऊ हिसाबे यीशु मसीह ज़ि एनाबि हेंदु पापो वहज़ा ज़ि बलिदान लेह च़रति ताकि दोई हेंदिंङ दू मदम शाक्ति ओ दोरच़ी बचाके च़रपोतो अंऊ तोग दि संसारारंङ कम लहच़ी लेहकी तोह।

गलातियों 5:13

हे गिऊ प्यारे साथी विशवासी रे, केतिंङ परमेश्वरो केतिंङ आज़ाद शुहबिमी अंङे चरच़ाते, झांह लेह केतिंङ मूसा ओ कानूनो भाषे लहज़िमी ज़रूरत माह। केनोह दि आज़ादी बि केनोह फुको हिटी पूरा लहज़िमी ज़रिया थाबणेएक्तुं, पर इदि-अई दिरंङ साते दाह लंहि दंङ इदि-अई दिऊ सेवा लंहि।

गलातियों 5:6

अगर हेनर यीशु मसीहू टोईच़ी विशवास लहज़ातंई दंङ खतना शुहबी ए खतना माह शुहबिमी छल्ले फायदा माह। पर ज़रूरी गप्पा दि तोह कि हेनर मसीहू टोहकठे विशवास लहज़ातंई दंङ परमेश्वर ए ऊई मीहतु थल्जी दाह तहच़ातंई।

गलातियों 6:9

हेनर रूठे कम लहज़िमी रंङ साते परेशान शुहबी माह जूंस, छना कुचे अगर हेनर परेशान माह शोंई, दंङ परमेश्वरो ठीक टेमारिंङ ईनाम खोकपोंई।

1 थिस्सलुनीकियों 3:6

दंङ हेंतेग तीमुथियुस अंऊ केहतु कछंङ ज़ि ञेंहतु दोहर अंज़े केहतु विशवास ए दाह ओ रूठे खबर सुनाके च़रति दंङ दि गप्पा ला सुनाके च़रति कि केहच़ी हमेशा दाह रंङ साते ञेंतिंङ हिद लहज़ातंई, दंङ ञेंतिंङ खंड्रिमी हिटी शवात, ध्वांए ञेंरे ला केतिंङ खंड्रिमी थल्जी लालसा शवात।

2 थिस्सलुनीकियों 1:11

झांह लेह ञेंहच़ी लगातार केहतु थल्जी प्रार्थना ला लहज़ातंई, ताकि परमेश्वर केतिंङ दुह जीवनो जोगे बणाएक्पोतो अतिंङ श्रींङमी थल्जी दोई केतिंङ बुलाएसी शुई, दंङ दोई केहतु भत्ते रूठे हिटी एनोह शाक्ति रें पूरा लोहतो दंङ दुह कम ला पूरा लोहतो अंऊ केहतु विशवासो नतीज़ा तोह।

2 थिस्सलुनीकियों 1:3

हे गिऊ प्यारे साथी विशवासी रे, केहतु पाहठी ञेंतिंङ लगातार परमेश्वरो धन्यवाद लहच़ी जूंशी तोह, झांह लेह ञेंहतु थल्जी ठीक ला तोह, छना कुचे प्रभु यीशु मसीहरिंङ केहतु विशवास लगातार बड़ेक्पी लेहकी तोह, दंङ इदि अई दिऊ थल्जी केहतु दाह ला महस बड़ेक्पी लेहकी तोह।

1 तीमुथियुस 1:14

दंङ हेंदु प्रभु मोह्ड़े दाह दुह विशवास ए दाह रंङ साते अंऊ मसीह यीशु रिंङ तोह, महसरंङ साते शुई।

1 तीमुथियुस 2:3

झांह ठ्रोह प्रार्थना लहज़ी ठीक तोह, दंङ हेंदु उद्धारकर्ता परमेश्वरे दोबि ग्रहण लहज़ा।

इब्रानियों 10:36

झांह ठ्रोह टेमारिंङ केतिंङ विशवास धीरज़ा रंङ सहन लहज़िमी ज़रूरत तोह, ताकि केरे परमेश्वरो हिटी पूरे लेह तरपोंई। दोहपल केतिंङ दू भत्ते खोकसोतो अतु परमेश्वरे वाईदा लहसी ततो।

इब्रानियों 11:17

अपेहल परमेश्वरे अब्राहमा बि परखेक्ति, दंङ विशवासा रंङ साते अब्राहम, इसहाका बि बलिदान लेह तेयार शुहचे इलि। इसहाक अब्राहमो इच्च़ा ए योह तोहई। परमेश्वरे दू योह पाहठी अब्राहमा रंङ साते वाईदा लहसी तहरे कि, “दि इसहाको दोरच़ी ए कांह खानदानो गिनती शोतो।” अब्राहमा बि पूरा भरोसा तोहई कि, कि परमेश्वर सिए दोतिंङ श्रींङमी लेह तरच़ा। दंङ झांह ठ्रोह अब्राहमा बि इसहाक सिए दोतु बिचंङ ज़ि यह्च़ा खोकसिरी।

इब्रानियों 4:11

झांह लेह हेनर दू नहच़िमी ठहरि इबिमी थल्जी महस मेहनत लोहनि, अंऊ ला मीहबी दू मीहतु उदाहरणो नकल लहज़ी माह जूंस अंऊ दोच़ी परमेश्वरो भाषे लहज़िमी रंङ साते इन्कार लेह च़रति। दोहपल हेनर दू नहच़िमी ठाहरीरिंङ इबि तरपोंई।

इब्रानियों 6:15

अब्राहमे धीरज़ा रंङ साते लम्हें टेम तचेक इंतज़ार लहरी। दोहपल दोइ, दू खोकसिरी अतु वाईदा परमेश्वरे दोरंङ साते लाहते।

1 पतरस 3:4

पर केतिंङ केनातु नह्की ए शांत व्यवहारो दोरच़ी केनातिंङ सलटे लेह जूंशी तोह अंऊ सलटे अपेहल ला योहसिमी माह। दंङ अंऊ परमेश्वरो नज़रारिंङ महस कीमती तोह।

1 यूहन्ना 3:18

हे गिऊ प्यारे कटुरे, हेनर बचन ए गप्पा रंङ साते मशत, पर दोतु मदत लहज़ी दोतिंङ सच्चाई रंङ दाह लोहनि।

1 यूहन्ना 3:21

हे गिऊ प्यारे साथी विशवासी रे, अगर हेंदु सेहम हेन्दिंङ दोष माह रंड्रा, दंङ हेन्दिंङ परमेश्वरो तुईज़ी याहब शवाह;

1 यूहन्ना 3:3

दंङ अच़िला मसीहू टोईच़ी दि उम्मीद तहच़ा, दोई एनाबि ध्वांए पवित्र लहज़ा, छना दुह पवित्र तोह।

1 यूहन्ना 5:3

परमेश्वरारंङ साते दाह लहज़िमी मतलब तोह, दोऊ हुकुम मनेक्च़ी: दंङ दोऊ हुकुम मनेक्च़ी खरे माह।

प्रकाशित वाक्य 2:19

गेह ञेंच़ातग कि केई छि लहज़ातन केहच़ी इदि-अई दिरंङ साते दाह लहज़ातंई दंङ केरे गिऊ टोईच़ी पक्‍का विशवास लहज़ातंई। गेह ञेंहच़ातग कि केहच़ी छना इदि-अई दिऊ मदत लहज़ातंई। दंङ केहतु सहन शीलता ला ञेंहगा कि केरे हेंतेग दि रूठे कम दुह टेम बे महस लहज़ी लेहकी तोतोंई अपेहल केहच़ी गिऊ टोईच़ी मुण्डो विशवास लाहतंई।

प्रकाशित वाक्य 3:10

केई गिऊ खबरो भाषे लहज़ातन ताकि अपेहल केई दुख उठाएपोन दंङ दुह धीरज़ा रंङ साते सहन लेह तरपोन। झांह लेह, गेह मोह्ड़े परीक्षा ओ मुक्का कांह रक्षा लेह तरपोग। परीक्षा ओ दि मुक्का दि संसारो भत्ते मीहतु टोईच़ी अपतो।