1 थिस्सलुनीकियों 1:1 - लाहौली बाइबिल

¹ दि डाक पोलुसे सिलवानुस ए तीमुथियुसो तरफे। ञेंहच़ी दि डाक थिस्लुनीकियो शहरो कलीसियाबि च़ेहसी लेहकी तोतोंई, अंऊ हेंदु बाह परमेश्वर ए प्रभु यीशु मसीहरिंङ तोह। ञेंहच़ी प्रार्थना लहज़ातंई कि परमेश्वर केतिंङ मोह्ड़े दाह ए शांति रमतो।

1 थिस्सलुनीकियों 1:1 Iomraidhean Croise

प्रेरित 15:22

दोपहल यरूशलेम शहरारिंङ भत्ते कलीसिया रंङ साते प्रेरित ए सेंहणा मीहतिंङ रुठे लेहती, कि ऐनातु बिचंङ ज़ि रेह मीहरे अंङे च़रतिर, मतलब यहूदा अतु मिन बरनबास लाह तोहई, दंङ सीलास अंऊ विशवासी तु बिचंङ मुखिया तोहई; दंङ दोतिंङ पोलुस ए बरनबास रंङ साते अन्ताकिया शहर हखा च़रपोंई।

प्रेरित 15:27

दंङ ञेंहच़ी यहूदा ए सीलास बि अंङे च़रतिन कि दोरे दोतंङ साते योर ताकि दोरे दि गप्पा तिंङ पक्‍का लोहर अंऊ ञेंहच़ी च़ेहसी शुई।

प्रेरित 15:40

पर विशवासी तिंङ परमेश्वरो देख-भाल रिंङ केहट्रिमी थल पोलुस सीलास बि रेंज़ा अच़ा इलि।

प्रेरित 16:19

अपेहल दोऊ मालिक ए दुह खांई, कि ञेंहतु कमाईऊ साधन योह्सा इलि, दंङ पोलुस ए सीलास बि च़ुमने चोको प्राधनो कछंङ षोह्के हतिर।

प्रेरित 16:25

अधा राता रिंङ लगभग पोलुस ए सीलास प्रार्थना लहज़ी दंङ परमेश्वरो भजन कुट्री लेह्की तोहरे, दंङ कैदी रे दोतु रेड्री लेह्की तोईरे।

प्रेरित 16:29

दोहपल दुह लम्प पेट्री ज़रका रें तोंखा अति, दंङ डकेके पोलुस ए सीलासो तुईज़ी दह्चे इलि;

प्रेरित 17:11

बिरिया ओ दि मीहतिंङ थिस्लुनीके शहरो यहुदी मीहतु तुलना रिंङ सिखेसिमी महस दिलचस्पी तोहई, दंङ दोह्ची महस खुशी रंङ साते दि बचन ग्रहण लहरिर, दंङ रोज पवित्रशास्त्रो अन्द्रेग दिह पेट्री लेहतिर कि दिह गप्पा अंऊर च़ेहसी तोह।

प्रेरित 18:5

अपेहल सीलास ए तीमुथियुस मकिदुनिया प्रदेशंङ ज़ि बिरिया शहरो ज़ि कुरिन्थस शहरा रिंङ अतिरे, दोहपल पोलुसे तम्बू बणाएट्रिमी कम बंद लेह चरच़ाते दंङ पोलुस बचन सुनाएच़िमी धुना रिंङ यहुदी तिंङ गवाही रंड्री लेह्की तोहई कि यीशु ए मसीह शुह।

प्रेरित 19:22

झांह लेह एनोह सेवा लहज़ा तु बिचंङ ज़ि तीमुथियुस ए इरास्तुस बि मकिदुनियो हखा एनोह तुईज़ी च़रति दंङ ऐनाह आसिया रिंङ बंङज़िरी।

प्रेरित 20:4

दिह यात्रा रिंङ बिरयो नगरङ बंङज़ा पुरूर्सो योह सोपत्रुस, थिस्लुनीकिया शहर ओ अरिस्तखुर्स ए सिकुन्दुस, दंङ दिरबे नगरो गयुस, दंङ तीमुथियुस, ए असिया प्रदेशो तुखिकुस दंङ त्रुफिमुस असिया प्रदेश तचेक हेंदंङ साते यात्रा रिंङ साते तोईरे।

रोमियो 1:7

गेह दि डाक रोम शहरो दुह भत्ते मीहतु थल्जी च़ेहसी लेहकी तोतोग, अंऊ परमेश्वरो प्यारे तोतोर, दंङ अतिंङ परमेश्वरे एनोह मीहरे शुहबिमी थल्जी अंङषी ततो; हेंदु बाह परमेश्वर ए प्रभु यीशु मसीहू दोरच़ी केतिंङ मोह्ड़े दाह ए शांति खोकसा लोहतो।

1 कुरिन्थियों 1:2

गेह दि डाक कुरिन्थुस शहरो विशवासी तु थल्जी च़ेहसी लेहकी तोतोग। अतिंङ परमेश्वरे एनोह पवित्र मीहरे शुहबिमी थल्जी अंङे चरच़ाते, ध्वांए ए छना दोई दू भत्ते मीहतिंङ अंङे चरच़ाते अंऊ भत्ते ठहरिंङ हेंदु प्रभु यीशु मसीहू अराधना लहज़ातोर, छना कुचे दू हेंदु भत्ते तु प्रभु शुह।

2 कुरिन्थियों 1:1

गेह, पोलुस दि डाक च़ेहच़ी लेहकी तोतोग। गेह परमेश्वरो हिटी रंङ यीशु मसीहू प्रेरित शुगाह। दंङ हेंदु साथी विशवासी तीमुथियुसो तरफे परमेश्वरो दू कलीसिया बि च़ेहच़ी लेहकी तोतोग अंऊ कुरिन्थुस नगरंङ तोह, दंङ परमेश्वरो भत्ते मीहतिंङ अंऊ अखाया ओ नगरंङ बंङज़ातोर।

2 कुरिन्थियों 1:19

छना कुचे परमेश्वरो योह यीशु मसीह अतु हेंदु दोरच़ी मतलब गिऊ ए सिलवानुस, ए तीमुथियुसो दोरच़ी केहतु बिचंङ प्रचार शुई, दोर्तिंङ, “वोई” ए “माह” झुल्ला माह तोहई; पर देहर तिंङ “वोई” ओ “वोई” शुहचे तोह।

गलातियों 1:2

गेह दि गेरंङ साते देरतिंङ अंयों विशवासी न्वा-रिंङ रे तोतोर, गलातिया प्रदेशो भत्ते कलीसिया ओ भत्ते विशवासी तिंङ नमस्कार कुट्रातोर।

गलातियों 1:22

पर दू मुक्का यहुदिया प्रदेशो कलीसिया, अंऊ मसीह रिंङ तोईरे, दोरे गेरंङ साते दोइरे माह।

इफिसियों 1:2

गेह प्रार्थना लहज़ातग कि हेंदु बाह परमेश्वरो ए प्रभु यीशु मसीहू दोरच़ी केतिंङ मोह्ड़े दाह ए शांति खोकसा लोहतो।

फिलिपियों 1:1

गेह पोलुस ए तीमुथियुस अंऊ यीशु मसीहू सेवक शुई, ञेंहतु तरफे केरे परमेश्वरो मीहतिंङ दंङ मुख्या तिंङ ए सेवका तिंङ दि डाक चेहच़ातग। अंऊ यीशु मसीह रिंङ शुहचे फिलिप्पी शहरारिंङ बंङज़ातोर।

कुलुस्सियों 1:1

गेह पोलुस, गिऊ साथी विशवासी तीमुथियुस तरफे दि डाक चेहच़ातग। गेह परमेश्वरो हिटी रंङ यीशु मसीहू प्रेरित शुगाह।

2 थिस्सलुनीकियों 1:1

दि डाक पोलुस सिलवानुस ए तीमुथियुस तरफे। ञेंहच़ी दि डाक थिस्लुनीकियो शहरो कलीसियाबि च़ेहसी लेहकी तोतोंई, अंऊ हेंदु बाह परमेश्वर ए प्रभु यीशु मसीहू तोतोर।

1 तीमुथियुस 1:2

गेह दि डाक तीमुथियुस बि चेहच़ा तोग अंऊ गिऊ थल्जी इच्च़ा योह ठ्रोह तोह छना कुचे केई ला मसीहू टोहकठे विशवास लहज़ातन छना गेह लहज़ातग। गेह प्रार्थना लहज़ातग कि बाह परमेश्वर ए हेंदु प्रभु यीशु मसीह कनिंङ मोह्ड़े दाह ए शांति रम्मा लोहतो।

2 तीमुथियुस 1:2

गेह दि डाक तीमुथियुस बि चेहच़ातग, अंऊ गिऊ थल्जी इच्च़ा योह ठ्रोह तोह। गेह प्रार्थना लहज़ातग कि बाह परमेश्वराबि ए हेंदु प्रभु यीशु मसीह कनिंङ मोह्ड़े दाह कृपा ए शांति रम्मा लोहतो।

इब्रानियों 13:23

केतिंङ दि हिद शोतो कि, हेंदु विशवासी न्वा तीमुथियुस कैदो दोरच़ी रिहा शुहचे इलज़ा, दंङ अगर दू युरनाह अच़ा अति, दंङ गेह दोरंङ साते केहतु कछंङ दोहई अपोग।

1 पतरस 5:12

गेह दि कवचि डाक सिलवानुसो मदते चेहच़ातग दंङ केतिंङ चरच़ातग। गेह दोबि मसीह रिंङ इच्च़ा विशवासो जोगे साथी मनेक्च़ातेग। गिऊ दि डाक चेहच़िमी खास वहज़ा केतिंङ उत्साहित लहज़ी ए केतिंङ भरोसा रंड्रीमी तोहई, कि छिल्ला धिर केहच़ी महसूस लहज़ातंई दू हेले रिंङ केहतु थल्जी परमेश्वरो मोह्ड़े दाह ऊ हिस्सा शुह। दि मोह्ड़े दाह रिंङ खड़े बंङज़ुंई।

1 यूहन्ना 1:3

ञेंहच़ी यीशु मसीहू पाहठी छिल्ला ञेंहच़ी तंङातेंई या रेहशी तातंई दोऊ गवाही केतिंङ रंड्रातंई, झांह लेह कि ञेंतंङ साते केहतु संगति शुहबी जूंस। दंङ ञेंहतु दिह संगति बाह परमेश्वरा रंङ साते ए दोऊ योह यीशु मसीह रंङ साते तोह।

यहूदा 1:1

गेह, यहूदा, अंऊ यीशु मसीहू इच्च़ा सेवक ए याकूबो कवचि न्वा शुगाह, केतिंङ दि डाक चेहच़ातग, अंऊ दोतिंङ परमेश्वरे एनोह टोईच़ी विशवास लहज़िमी थल्जी बुलासी ततो। हेंदु परमेश्वर बाह केतंङ साते दाह लहज़ा दंङ केतिंङ यीशु मसीह रिंङ बचाके तहज़ा।