1 पतरस 5:8 - लाहौली बाइबिल

⁸ हमेशा खबरदार ए दंङ चेहके बंङज़ुंई, छना कुचे शेतान, केहतु विरोधी केहतु टोईच़ी हमला लहज़ी ततो ताकि केरे परमेश्वरो हुकुमो भाषे माह लोहनि। दुह फ्रक्शे ज़ज़ा ब्राघो ठ्रोह तोह, अंऊ तुंखा थलका खंड्रा कि अपि ज़ोओग।

1 पतरस 5:8 Iomraidhean Croise

मत्ती 13:39

अच़ि दुश्मने दोरे एहच़ते दुह शेतान शुह; वलज़ी संसारो योहसी, दंङ वलज़ारे स्वर्गदूतारे शुहरे।

मत्ती 24:42

दिऊ थल्जी केहच़ी चेहकी तोईनी, छना कुचे केहच़ी माह ञेंहई कि केहतु प्रभु अपेहल अपतो।

मत्ती 25:41

दंङ दोई फुचंङ हासी दोतंङ कोतो हे शापित मीहरे, गिऊ तुईज़ी हिसाब मेह मेहरिंङ अच्च़ा ईलांई अंऊ शेतान ए दोऊ मांजी आत्मातु थल्जी परमेश्वरे त्याहर लहसी शुह।

मत्ती 4:1

दंङ दुह मुक्का पवित्र आत्मा यीशुबि सुनसान ठाहरीरिंङ रेंज़ा इलि ताकि शेतानो दोरच़ी दुह परखेक्सी जूंस।

मत्ती 4:11

दंङ शेतान यीशु कछंङ ज़ि अच्च़ा इलि, दंङ स्वर्गदूतारे अंज़े दोऊ सेवा टहल लहज़ी लेहतिरे।

मरकुसो 4:15

अंऊ बैएजा अमू मुखरिङ दहछा, दोऊ मतलब झांह ठ्रोह तोह कि रेह मीहच़ी परमेश्वरो बचन ता रेड्री, पर एनोह सेमारिङ माह तहच़ि। दोहर अपेहल ला फलेक्पि माह। छना प्याज़ि बैएजा पेहषे चरच़ि दंङ ध्वांए शेताने दोहपले अंज़े दोतु अंद्रेगज़ि बचन लेन्ज़ा शिल्ज़ी।

लूको 21:34

“दिऊ थल्जी खबरदार तोहई, झांह शुहबी माह जूंस कि केहतु सेहम मस्त ए मतवाला, दंङ दिह ज़िन्दगीऊ चिंदे सुस्त शुहचे योतो। दंङ दुह ध्याड़ा फन्दा ओ ठ्रोह अचानक केहतु तुईज़ी अपतो।

लूको 21:36

दिऊ थल्जी चेहके तोहई दंङ हमेशा प्रार्थना लोहवा लांई कि केरे दिह अंजा मुसीबतो दोरच़ी बचेक्पी गेह मीहू योहू तुईज़ी खड़े शुहबिमी जोहगे शुई।”

लूको 22:31

शमौन, “हे शमौन, शेताने परमेश्वरो दोरच़ी केतिंङ भत्ते तिंङ परखेक्च़िमी आज्ञा लेहपच़ी ततो कि रुठे तिंङ मदमो दोरच़ी शता लोहतो, छना इच्च़ा ज़िमदारे छ्वा बि भूसो दोरच़ी शता लेह चरच़ि।

यहून्नो 8:44

केहरे केनातु बाह शेतानो दोरच़ी शुईं, दंङ केनातु बाहो हिटी लेह तातंई। दुह त तुहई बे हत्त्यारा शुह दंङ सच्चाई टोहकठे चसा मरति, छना कुचे सच्चाई दोऊ अन्द्रेग माह; अपेहल दोई हप्सी कुट्रा ता एनोह चाल चलनो हिसाबे कुट्रा; छना कुचे दुह हप्साड़ शुह दंङ हप्सिऊ बाह शुह।

2 कुरिन्थियों 2:11

ताकि शेतान हेंदु हालातो फायदा उठाएच़ी माह जूंस; छना कुचे हेनर दोऊ मदम योजना रूठे रंङ ञेंहच़ातंई।

इफिसियों 4:27

दंङ झांह लहच़ी शेतानाबि मौका थारांई, कि दोई केहतु दोरच़ी मदम कम लेह लोहतो।

इफिसियों 6:11

हेनर मीहतु खिलाप लड़ाई माह लड़ेक्पातंई। पर हेनर प्रधान ए अधिकारी तु खिलाप ए हन्यारो शाक्ति ए आत्मिक संसारो सामर्थो खिलाप तेंङसी लेहकी तोतोंई। झांह लेह भत्ते हथियार छ़ुह्च़ी च़रतुंई अंऊ परमेश्वरे रंड्रा। ताकि यह्च़ा अपेहल दू मदम ध्याड़ा अपतो, दंङ केरे शेतानो चालो दोरच़ी बचेके बंङज़ुंई। दंङ अपेहल दि लड़ाई योह्सा योतो, तांला केरे पक्‍का शुहचे खड़े बंङज़ी तरपोंई।

1 तीमुथियुस 2:15

तांला मेच़िमीर अगर ज़हके ते विशवास, दाह ए पवित्रता रंङ साते पक्‍का शुहचे बंङज़ोर, दंङ परमेश्वर मेच़िमी बि कटु जेह्कपिमी दोरच़ी बचाके च़रपोतो।

1 तीमुथियुस 2:9

ध्यांए गेह जुंज़ातग कि मसीही मेच़िमीतिंङ रूठे रंङ साते खमज़ेर लहज़ी जूंशी तोह, झांह ठ्रोह खमज़ेरे अंऊ रूठे ए ग्रहण लहच़िमी जोगे शोर। माह कि सिर्फ क्रा लहज़ी ए ज़ंङ लेह्चा या मुतिकरे लेह्चा या माहङे खमज़ेर लहज़ा एनाबि सलटे लोहतो।

1 तीमुथियुस 3:11

झांह ए दोतु मेच़ातिंङ ला आदरो जोगे शुहबी जूंस; दंङ ऊईतु पाहठी मदम कुट्रा शुहबी मेस, पर हर हालातरिंङ एनोह टोहकठे काबू लहज़ा, दंङ भत्ते रिति रिंङ विशवासो जोगे शुहबी जूंस।

1 तीमुथियुस 3:2

दंङ दि ज़रूरी तोह कि कलीसिया ओ मुख्या बि दि गुण शुहबी जूंस, कि दुह निर्दोष शुहबी जूंस, दंङ इच्च़ा मेच़ो गगसा शुहबी जूंस, हर हालातरिंङ एनोह टोहकठे काबू लहज़ा, रूठे, ए पौहना तु आदर लहज़ा, दंङ परमेश्वरो बचन रूठे रंङ सिखाएच़ा शुहबी जूंस।

2 तीमुथियुस 4:17

पर प्रभु ज़ि गिऊ मदत लहरी दंङ गिह्बी सामर्थ रांई, ताकि गेह यीशु मसीहू पाहठी रूठे खबरो प्रचार रूठे रंङ लहज़िमी जोगे बणेंके तरपोग, दंङ ऊई जातिऊ भत्ते मीहरे दि रेड्री तरपोर; दंङ दोई गेह सिमी दोरच़ी झांह ठ्रोह बचाएके च़रति छना गेह योंञें ब्राघातु दोरच़ी बचाएकतो।

तीतुस 1:8

पर पौहना तु आदर लहज़ा ए ऊईतिंङ साते भलाई लहज़ा, समझदार, धर्मी, दंङ पवित्र जीवन श्रींङज़ाड़, दंङ एनोह हिटीतिंङ काबू लहज़ा शुहबी जूंस।

तीतुस 2:12

दि मोह्ड़े दाह ओ दोरच़ी परमेश्वर हेंदिंङ हुकुम रंड्रा, कि हेनर ध्वांए ठ्रोह व्यवहार लेह बन्द लेह च़रपोंई, अंऊ दोबि खुश माह लहज़ा, दंङ दुह चीज़ा तु लालच लेह बंद लंहि अतु हिटी अविशवासी ज़ि तहच़ातेर, दंङ अपेहल हेनर हेंतेग दि धरतीऊ टोहकठे ए तोतोंई दंङ बुद्धिमानी ए धर्मिकता रंङ दि तरीका रंङ साते कम लंहि कि अंऊ परमेश्वराबि खुश लहज़ा।

तीतुस 2:2

कलीसिया ओ सेंहणा बि एनोह टोहकठे काबू लहच़ी जूंशी तोह, दंङ झांह ठ्रोह व्यवहार लेह जूंशी तोह ताकि मीहच़ी दोऊ आदर लोहर, दंङ समझदार शुहबी जूंस। दोतिंङ परमेश्वरो टोहकठे पक्‍का रंङ विशवास लेह जूंशी तोह, दंङ ऊई मीहतंङ साते सच्चाई रंङ साते दाह लेह जूंशी तोह दंङ सहन लहज़ार शुहबी जूंस।

तीतुस 2:4

ताकि दोरे जवान मेच़िमीतु थल्जी रूठे उदाहरण बणेक्पि जूंस दंङ सलाह रंड्रा शुहबी जूंस कि एनातु गगसा ए कटुतंङ छना ठ्रोह दाह लेह जूंशी तोह।

तीतुस 2:6

ध्वांए जवान गंङमीतिंङ ला समझाए कि च़रतुंई, कि दोरे एनोह टोईच़ी काबू लहज़ा जूंशी तोह।

याकूब 4:7

झांह लेह परमेश्वरो अधीन शुहचे इलांई; दंङ शेतानो समाना लंहि, दंङ दुह केहतु कछंङ ज़ि पोकषे योतो।

1 पतरस 1:13

झांह लेह, केरे मीहरे सोचेक्सिमी थल्जी तेयार शुचि इलांई। खबरदार बंङज़ुंई दंङ केनातु उम्मीद पूरा ठ्रोह दुह मोह्ड़े दाह ओ टोईच़ी लगाके तंही, अंऊ यीशु मसीहू प्रकट शुहबिमी मुक्का केतिंङ खोकसोतो।

1 पतरस 4:7

भत्ते गप्पो अंत युरनाह शुहबिमी तोह; दिऊ थल्जी सहनशील शुहचे ए चौकस बंङज़ा प्रार्थना लंहि।

प्रकाशित वाक्य 12:10

दंङ गेह स्वर्गंङ ज़ि दि मोह्ड़े सग रेहशी, “हेंतेग हेंदु परमेश्वर हेंदु मीहतिंङ बचाएपोतो! हेंतेग दोई एनोह सामर्थो इस्तेमाल लोहतो दंङ रज्ज़ा ओ रूपारिंङ राज लोहतो! हेंतेग दोऊ मसीह संसारो टोईच़ी एनोह अधिकारो दावा लोहतो! छना कुचे हेंतेग शेतान परमेश्वरो हाज़िर रिंङ खड़े शुहचे हेंदु साथी सेवका तिंङ रात-दिन दोष माह लगाएती। दोबि स्वर्गो धकतेखा छंङी च़रति।”

प्रकाशित वाक्य 12:12

“झांह लेह केतिंङ भत्ते तिंङ खुश शुहबी जूंस अंऊर देर स्वर्गा रिंङ बंङज़ातंई। पर अंऊ केरे धरतीऊ टोईच़ी तोतोंई दंङ अंऊ समुंद्रारिंङ तोतोर केहतु टोईच़ी तरस लेह जूंशी तोह, छना कुचे मांजी आत्माओ अगुवा शेतान योंखा केहतु कछंङ अच़ा अति। दुह हेले रिंङ महस रोषेक्च़ा तोह छना कुचे दोई चेहच़ा कि युरनाह दोऊ अंत शुहचे योतो।”

प्रकाशित वाक्य 12:9

दिऊ थल्जी दोबि ए दोऊ साथी तिंङ धरती रिंङ छंङी च़रति। दि मोह्ड़े अजगर दुह ए तोह अंऊ महसे टेम तुहई ओमड्रो रूपारिंङ तंङातेंई, अतिंङ शेतान ए दोष लगाएच़ा ला कुट्रातोर। दि दुह ए तोह अंऊ दि संसारो मीहतिंङ धोखा रंड्रा।

प्रकाशित वाक्य 20:10

दोऊ थल शेतान च़ुमसा योतो, अच़ि देश-देशो मीहतिंङ भरमाच़ा दंङ दोबि गन्धको मेहू बिचंङ छङें च़रपोतो, मतलब दुह मेह रिंङ अंऊ झीलो ठ्रोह मोह्ड़े तोह। घ्वंण ए हप्सी भविष्यवक्ता बि तुहई ए दोर्तिंङ छङें केहषी तोहई। दंङ दोर्तिंङ दुह मेहरिंङ दोतिंङ हमेशा ओ थल्जी रात-दिन तंड़पेफी शोतो।

प्रकाशित वाक्य 20:2

दोई अजगर मतलब ऊई ओमड्रा अपि शेतान ला कुट्री, झपटेगी च़ुमने च़रति। दोई दोबि छ़ुह्च़ी च़रति दंङ महसे डुह्गे गड्डा रिंङ छङें च़रति, दोई पेतंङ बन्द लेह च़रति दंङ दोर्तिंङ मोहर लगाके च़रति ताकि दोबि इच्च़ा हज़ार साल तचेक युप्सी माह जूंस। झांह लेह, दुह मुक्का ओ टेमा रिंङ, शेतान इच्च़ा हज़ार साल तचेक मीहतिंङ धोखा रें मरपोतो। दोऊ थल, दोबि यह्च़ा थोड़े टेमो थल्जी आज़ाद लेह च़रपोतो।