1 पतरस 5:5 - लाहौली बाइबिल

⁵ झांह लेह केरे जवान तिंङ सेंहणा मीहतु हुकुमो भाषे लहज़ी जूंशी तोह। केरे भत्ते तिंङ नम्रता रंङ साते इदि-अई दिऊ मदत लहज़ी जूंशी तोह। छना कुचे पवित्र शास्त्रा रिंङ च़ेहसी तोह, “परमेश्वरे घमण्डी तु विरोध लहज़ी, पर दीन दोतु टोईच़ी मोह्ड़े दाह लहज़ा।”

1 पतरस 5:5 Iomraidhean Croise

लूको 22:26

पर केरे झांह थाह शुई; बल्कि अरी केहतु बिचंङ मोह्ड़े तोह, दुह क्वाच़ी दोतु ठ्रोह दंङ अरी प्रधान तोह दुह परगरातु ठ्रोह बंङज़ुंई।

रोमियो 12:10

इच्च़ा टबरातु ठ्रोह इदि-अई दिरंङ साते दाह लोहवा लंहि, हर इच्च़ा मीहबी केनाबे बढ़कर ञेंहनि।

रोमियो 13:14

पर प्रभु मसीह यीशु बि धारण लेह च़रतेंई, दंङ फुको हिटी पूरा लहज़िमी कोशिश थालंही।

इफिसियों 5:21

मसीहू थल्जी श्रदा ए भक्ति तहज़िमी वहज़ा, केरे इदि-अई दिऊ अधीन बंङज़ुंई।

फिलिपियों 2:3

केनातु फायदा ए हप्सी घमण्डो थल्जी छल्ले थालंही, पर दीनता रंङ साते इच्च़ा इदि-इदि बि केनाह बे रूठे समझेक्तेंई।

कुलुस्सियों 3:12

झांह लेह अपेहल केरे परमेश्वरे केतिंङ एनोह पवित्र मीह शुहबिमी थल्जी अंङे चरच़तो, दंङ दोई केतंङ साते दाह लहज़ा, केरे मोह्ड़े दाह ए, दंङ भलाई, दंङ दीनता, नम्रता, दंङ सहनशीलता धारण लंहि।

1 तीमुथियुस 5:1

अरिला यङदे मीहबी अपमान लहज़िमी ठ्रोह रैहचु था पर दोबि केनोह बाह ओ बराबर चेहके आदरा रंङ समझाएक्तुंई, दंङ जवानातिंङ केनातु न्वा चेहके सलाह रांई।

इब्रानियों 13:17

केनातु अगुवा तु मनेक्तुंई; दंङ दोतु अधीन बंङज़ेंई, दोरे केहतु टोईच़ी नज़र केहषी तातोर ताकि केरे भटकेगी माह जूंस। छना कुचे दोतिंङ एनोह सेवा ओ लेखा परमेश्वरा बि रंड्री पढ़ेक्पोतो; केरे दोऊ मनेक्तुंई, ताकि दू दि कम खुशी रंङ साते लोहतो, छना कुचे दुखी शुहचे सेवकाई लहज़िमी छल्ले फायदा माह।

याकूब 4:6

पर परमेश्वरे ता ऊई ला मोह्ड़े दाह रंड्रा। झांह लेह पवित्र शास्त्रारिंङ दि च़ेहसी तोह कि, “परमेश्वरे घमण्डी तु विरोध लहच़ी, पर नम्र मीहतिंङ मोह्ड़े दाह लहज़ा।”

1 पतरस 3:8

थल मुखंङ, गेह केतंङ साते दि कुट्री जुंज़ातग, कि केरे केनातु बिचंङ ठ्रोहका शुहचे बंङज़ुंई, दंङ इदि-अई दिऊ चिंद लोहवा लंहि, दंङ इच्च़ा टबरातु ठ्रोह केनातु बिचंङ दाह लोहवा लंहि, ऊईतु टोईच़ी दया लोहवा लंहि इदि-अई दिरंङ साते नम्र शुहचे तोहई।

1 पतरस 4:1

झांह लेह, अपेहल कि मसीह ज़ि एनोह फुकारिंङ बंङज़ा दुख सहन लहरी, दंङ केतिंङ ला ध्वांए ठ्रोह दुख सहन लहज़िमी थल्जी तेयार बंङज़ी जूंशी तोह। छना कुचे अगर हेनर मसीहू थल्जी दुख सहन लहज़िमी थल्जी तेयार तोतोंई, दंङ केहच़ी पाप माह लहज़िमी फेंसला लेह चरच़ातंई।

1 पतरस 4:5

पर दू ध्याड़ा अपतो अपेहल दू मीहतिंङ दू कमो पाहठी परमेश्वरा बि जबाब रंड्री लेह्पोतो। छना कुचे परमेश्वर भत्ते मीहतु न्याय लहज़िमी थल्जी तेयार तोह, चाहे दोरे अंऊ हेंतेग श्रींङी तोतोर या दोरे अंऊ सिए इलजी तोतोर।