1 पतरस 5:4 - लाहौली बाइबिल

⁴ अपेहल यीशु मसीह, दुह हेंदु मोह्ड़े पोहाल ए शुह, यह्च़ा वापिस अपतो, दोई केतिंङ इच्च़ा ईनाम रमतो, अंऊ अपेहल ला खराब माह शोतो।

1 पतरस 5:4 Iomraidhean Croise

यहून्नो 10:11

रूठे पोहाल गेह शुगाह। रूठे पोहाल ए एनोह त्रैंईतु थल्जी एनोह जहानो ला रें चरच़ि।

1 कुरिन्थियों 9:25

अंऊ पहलवान कुशती रिंङ हिस्सा लेहपच़ी जुंज़ातोर, दंङ तुहई भ्यास लहज़ातोर, दोरे एनोह टोईच़ी काबू लहज़ातोर। दोरे झांह दिऊ थल्जी लहज़ातोर ताकि द्रक्शे तरपोर दंङ इनाम खोक्शे तरपोर। दोतु आदर लहज़िमी थल्जी लपातु बणेषी हार रंड्रातंई अंऊ महसे ध्याड़ा तचेक माह बंङज़ा। पर हेनर अंऊ यीशु मसीहू टोहकठे विशवास लहज़ातंई, इनाम खोकपोंई, दंङ अंऊ रूठे इनाम दोई हेंदिंङ रमतो दू हमेशा तचेक बंङज़ोतो। झांह लेह हेंदिंङ ला हेंदु टोईच़ी काबू तहच़ि ज़रूरी तोह।

2 तीमुथियुस 4:8

दंङ हेंतेग जीतो दुह मुकुट गिऊ थल्जी रुमज़ा, छना कुचे गेह घेंङौ जीवनो दोरच़ी परमेश्वराबि खुश लहतेग। प्रभु अंऊ धर्मिकताओ कम रंङ साते भत्ते मीहतु न्याय लहज़ा दुह, दुह ध्याड़ा गिह्बी दुह मुकुट रमतो अपेहल न्याय लहज़िमी थल्जी दोबारा अपतो पर दुह गिह्बी ए मशत पर दोतिंङ भत्ते दि ईनाम रमतो अंऊ दोऊ यह्च़ा अपिमी थल्जी रुमज़ा तोतोर।

इब्रानियों 13:20

शांति रंड्रा परमेश्वरे, हेंदु प्रभु यीशु बि सिए दोतंङ बिचंङ ज़ि यह्च़ा श्रींङमी लेह च़रति, केतिंङ दू भत्ते चीज़ातंङ साते भरपूर लोहतो अतु केतिंङ दोऊ हिटी पूरे लहज़िमी ज़रूरत तोह। यीशु मसीहू सामर्थो दोरच़ी दू केतिंङ दू भत्ते धिर उत्पन्न लोहतो अंऊ दोबि खुश लहज़ा। यीशु मोह्ड़े वाईदा रंङ साते त्रैंईतु मोह्ड़े रखवाला बणेंके इलज़ा, अंऊ त्रैंईतु तु झुण्डो टोईच़ी दोऊ शुहई दोरच़ी हमेशा ओ थल्जी वाईदा ओ स्थापना ओ छाप लगाएसी तोह। दोऊ महिमा हमेशा तचेक शुहवा लोहतो। अमीन।

याकूब 1:12

धन्य शुह दुह मीह, अंऊ परीक्षारिंङ खड़े बंङज़ा, अपेहल दुह परीक्षा दोरच़ी पार शुहचे यवाह दंङ दोबि इच्च़ा ईनाम खोकसोतो। अंऊ अनंत जीवनो दुह मुकुट तोह अपि रंड्रीमी वाईदा परमेश्वरे एनोह दाह लहज़ा तंङ साते लहसी ततो।

1 पतरस 1:4

हेनर दू विरासता बि खोकच़िमी थल्जी रुमज़ा तोतोंई अंऊ परमेश्वरे हेंदु थल्जी तेयार लहसी ततो। अरिला अपेहला दू चीज़ातिंङ नाश लेह मरच़ा। अच़िला ला दू खराब लेह मरच़ि। दू अपेहला युई या दोऊ सलटे रिंङ कमी माह अपतो। परमेश्वरे दू चीज़ स्वर्गंङ तहरि।

1 पतरस 2:25

तुहई केरे त्रैंईतु ठ्रोह तोईनी अच़ि एनोह अम योंहषी चरच़ातेर। पर हेंतेग केरे मसीहू कछंङ अच़ा अंज़े तोतोंई अंऊ केहतु आत्माओ चरवाहा ए रखवाला तोह।

1 पतरस 5:2

कि विशवासी तु दू झुंडो रखवाली लंहि अंऊ परमेश्वरो तोह, दंङ अपि केतिंङ देखभाल लहज़िमी थल्जी रांहषी तोह। खुशी रंङ साते दोतु देखभाल लंहि, दिऊ थल्जी मशत कि केरे मज़बूर तोतोंई। दिए परमेश्वरे जुंज़ा कि केहच़ी लंहि। सिर्फ ढबाहो थल्जी विशवासी तु देखभाल था लंहि, पर दिऊ थल्जी कि केरे हेले रिंङ दोतु मदत लहज़ी जुंज़ातंई।

1 यूहन्ना 3:2

हे गिऊ प्यारे साथी विशवासी रे, हेंतेग हेनर परमेश्वरो कटुरे शुहचे तोनि, दंङ हेंतेग तचेक दिह प्रगट शुहचे माह कि हेनर छना शोंई! ञेंहच़ी दिह ञेंच़ातंई कि अपेहल यीशु मसीह प्रगट शोतो ता हेनर लाह दोऊ ठ्रोह शुहचे योंई, छना कुचे हेंज़ी दुह ध्वांए ए खमोंई छना दुह तोह।

प्रकाशित वाक्य 1:7

रेड्रुं, दुह डुह रंङ साते अपिमी तोह; दंङ हर इच्च़ा मीह दोबि खमतो, देर तचेक कि अंऊ मीहरे दोऊ मौतो ज़िमेवार तोईरे, दोरे ला दोबि अपि खमोर। धरतीऊ भत्ते मीहरे जोरे-जोरे क्रपोर अपेहल दोरे दोबि खमोर। वोई झांह शोतो! अमीन।

प्रकाशित वाक्य 2:10

दुह दुखा रंङ साते थाबेईनि अंऊ कनिंङ खोकसोतो। शेतान केहतु बिचंङ रेहतिंङ गिरफ्तार लोहतो दंङ केतिंङ कैदारिंङ केहच़ी च़रपोतो ताकि दोई केहतु परीक्षा लोहतो। केरे साह ध्याड़ा तचेक महस मुसीबतो अनुभव लोहनि। पर गिऊ टोईच़ी विशवास लहज़ी अपेहल ला था छोडे़क्तेंई, चाहे केतिंङ सिए पढ़ेक्पोतो, छना कुचे गेह केतिंङ जीतो थल्जी ईनामो रूपारिंङ अनंत जीवन रमोग।

प्रकाशित वाक्य 3:11

गेह युरनाह अपिमी तोतोग, झांह लेह, कनिंङ गिऊ टोईच़ी पक्‍का विशवास लेह जारी तहच़ि जूंशी तोह, ताकि अरिला कनिंङ कांह जीतो ईनाम अंऊ इच्च़ा मुकुटो ठ्रोह तोह खोकच़िमी रूकावट लेह माह जूंस।