1 पतरस 5:3 - लाहौली बाइबिल

³ अंऊ मीहरे केतिंङ सोंपेगी तोतोर, दोतु टोईच़ी इच्च़ा अधिकारी ठ्रोह था बणेक्तुंई, बल्कि दोतु थल्जी इच्च़ा रूठे उदाहरण बणेक्तुंई।

1 पतरस 5:3 Iomraidhean Croise

यहून्नो 13:15

छना कुचे गेह केतिंङ उदाहरण कंड्रे केहतग, कि छना गेह केतंङ साते लहतग, केहरे ला ध्वांए लोहवा लांही।

प्रेरित 20:28

झांह लेह केरे केनातु ध्यान तंही दंङ दुह झुण्ड़ो ला, अतु पोहाल केतिंङ पवित्र आत्मा ज़ि अंङषी ततो कि केरे परमेश्वरो मीहतु देखभाल लंहि, अपि दोई एनोह शुई रें च़ुमसी शुह।

1 कुरिन्थियों 11:11

दंङ प्रभु विशवासी तु बिचंङ मेच़िमी मेह गंङमी छल्ले माह दंङ गंङमी मेह मेच़िमी छल्ले माह।

1 कुरिन्थियों 3:5

दंङ अरि शुह अपुल्लोस ए दंङ अरि शुह पोलुस? छि सिर्फ सेवक, अतु दोरच़ी केहच़ी विशवास लहरिन। हर इच्चे प्रभु दोरच़ी रांहषी ज़िम्मेवारी निभाके च़रतिर।

1 कुरिन्थियों 3:9

हेनर परमेश्वरो साथी शुई; दंङ केरे कुरिन्थुस ओ विशवासी इच्च़ा रिहो ठ्रोह तोतोंई अंऊ परमेश्वरो तोह। साते ए, गेह केहतु बराबरी इच्च़ा चुंङ ज़ि लेह तरपोग अपि परमेश्वर बणाच़ी लेहकी तोह।

2 कुरिन्थियों 1:24

दिऊ मतलब दि माह शुह कि ञेंरे केहतु विशवास ओ टोहकठे घेंङौ अधिकार जताएपोग, छना कुचे केरे केनातु विशवासरिंङ पक्‍का बणेंके बंङज़ातंई। पर ञेंरे ता केहतु खुशी रिंङ भागीदार तोतोंई।

2 कुरिन्थियों 4:5

छना कुचे हेनर हेंदिंङ मशत, पर यीशु मसीह बि प्रचार लहज़ातंई, कि यीशु मसीह ए प्रभु शुह; दंङ हेंदु पाहठी दि कुट्रातंई कि ञेंरे यीशु वहज़ा ज़ि केहतु सेवक शुई।

फिलिपियों 3:17

हे गिऊ प्यारे साथी विशवासी रे, केरे भत्ते ठ्रोहका शुहचे गिऊ ठ्रोह जीवन श्रींङी, दंङ दोतिंङ सेहषी च़रतेंई, अंऊ दि रीतिऊ टोईच़ी ज़ोवातोर अतु उदाहरण केहच़ी हेंदि व्यवहार लहज़ी तंङातेंई। अपेहल केरे ञेंतंङ साते तोहनी।

फिलिपियों 4:9

गिऊ गप्पा रंङ साते ए गिऊ कमो दोरच़ी अंऊ ला केहच़ी सिखेक्च़ातंई ए ग्रहण लहज़ातंई, दोऊ ए हिसाबे ज़ोई, दोथर शांति ऊ परमेश्वर केतंङ साते बंङज़ोतो।

1 थिस्सलुनीकियों 1:7

अतु नतीज़ा दि शुई कि मकिदुनिया ए अखाया ओ प्रदेशो भत्ते विशवासी तु थल्जी केरे नमूना बणेंके इलांई।

2 थिस्सलुनीकियों 3:9

झांह माह कि केहतु दोरच़ी मदत लेहपच़ी ञेंहतु अधिकार माह तोहई; पर दिऊ थल्जी कि एनाबि केहतु थल्जी इच्च़ा नमूना बणाएपोर, कि केरे ञेंहतु ठ्रोह चाल ज़ोई।

1 तीमुथियुस 4:12

अच़िया काह तुच्छ (बेकार) समझेक्सी माह जूंस छना कुचे काह जवान तोतोन पर कांह बोल-चाल ए चाल-चलनारिंङ, ऊईतु थल्जी दाह रिंङ मसीहू टोहकठे कनु विशवासरिंङ दंङ कनु निर्दोष जीवनारिंङ, विशवासी मीहतु थल्जी इच्च़ा उदाहरण बणेंक्तु।

तीतुस 2:7

केतिंङ भत्ते धिरा रिंङ हमेशा रूठे कम लहज़ी जूंशी तोह, अंऊ ऊईतु थल्जी इच्च़ा उदाहरण बणेक्पोतो अतु ऊईज़ि हमेशा पालन लोहर। अपेहल काह विशवासी तिंङ परमेश्वरो पाहठी सिखाएच़ातंई, दंङ दोबि रूठे मकसद रंङ साते सिखातु, झांह लेह मीहच़ी कांह आदर लोहर।

1 पतरस 2:9

पर केरे झांह ठ्रोह माह तोंई छना कुचे केरे परमेश्वरो अंङषी मीहरे शुई, केरे झांह ठ्रोह यहुदी पुरोहित शुई अंऊ परमेश्वरो रज्ज़ा रूपा रिंङ सेवा लहज़ातंई, केरे परमेश्वरो सेवा लहज़िमी थल्जी समर्पित तोतोंई, दंङ परमेश्वरो एनोह सम्पति शुई। दोई केतिंङ हंयारो दोरच़ी एनोह अद्धभुत छंङीरिंङ अंङषी ततो, ताकि केरे परमेश्वरो अद्धभुत कमो घोषणा लेह तरपोंई।