1 पतरस 5:10 - लाहौली बाइबिल

¹⁰ हेंतेग परमेश्वर अंऊ भत्ते तरीका रंङ मोह्ड़े दाह ए पिंङषा तोह, दोई हेंदिंङ यीशु मसीह रंङ साते हेंदु नाता ओ थल्जी स्वर्गा रिंङ दोऊ अनंत महिमा ओ थल्जी सहभागी शुहबिमी थल्जी हेनर अंङे च़रति। केहतु थोड़े टेमो दुख सहन लहज़िमी थल, परमेश्वर केतिंङ रूठे बणाके च़रपोतो ताकि केहतु अंदरेग ला छल्ले शुहबी मेस दंङ परमेश्वर केतिंङ पक्‍का लोहतो ताकि केहतु विशवास पक्‍का शोतो।

1 पतरस 5:10 Iomraidhean Croise

लूको 22:32

पर गेह केहतु थल्जी प्रार्थना लहज़ातग कि केहतु गिऊ टोहकठे बिशवास लहज़ी ब्याड़ा शुबी मेस; दंङ अपेहल केई पश्चाताप लोहन दोहपल केनातु साथी न्वातिंङ गिऊ टोहकठे बिशवास लहज़िमी थल्जी पक्‍का लोह।”

रोमियो 15:13

गेह प्रार्थना लहज़ातग कि परमेश्वर अंऊ उम्मीदो दाता तोह, केतिंङ विशवास लहज़िमी भत्ते पाहठी खुशी ए शांति रंङ साते पिंङे च़रपोतो, कि पवित्र आत्माओ सामर्थो दोरच़ी केहतु उम्मीद बणेंके योतो।

रोमियो 15:5

गेह प्रार्थना लहज़ातग कि परमेश्वरे केतिंङ धीरज़ ए याहब रमतो ताकि केरे यीशु मसीह थले ज़ोजा ते केनातु बिचंङ एकता रंङ साते बंङज़ेंई।

रोमियो 16:25

हेंतेग केतिंङ गिऊ रूठे खबर यीशु मसीहू पाहठी तोह, केतिंङ प्रचार लहज़ा विशवास रिंङ पक्‍का लहज़ा। छना कुचे दि रूठे खबर महस जुग बेहच़ी प्याक्सी तहरेर।

रोमियो 9:11

जेह्कपिमी तुहई ए छा रूठे ए मदम लहज़िमी तुहई प्रभु ज़ि रिबका ओ हखा कुई कि दोतु मोह्ड़े योह ज़ि कवचि दोऊ सेवा लोहतो। प्रभु ज़ि दि कंड्रिमी थल्जी कुई कि दू एनोह पसन्‍द एनेह बणाएच़ा दंङ दि छिल्ला कम ओ दोरच़ी माह तोहई अंऊ दोई लाहते।

रोमियो 9:24

चाहे यहुदी शुह या ऊईजाति, हेनर ए दू अंङषी मीह शुई।

1 कुरिन्थियों 1:10

हे गिऊ प्यारे साथी विशवासी रे, गेह केतंङ साते हेंदु प्रभु यीशु मसीहू मिंदंङ साते दि बिनती लहज़ातग, केरे भत्तेर इदि-अई दिरंङ साते सहमत शुहबी जूंस दंङ केहतु बिचंङ फूट इबि मेस पर केरे इच्च़ा ठ्रोह विचार तहज़िमी दोरच़ी दंङ इच्च़ा मकसद रंङ साते इदि-अई दिरंङ साते मिलेकी बंङज़ुंई।

1 कुरिन्थियों 1:9

परमेश्वर दि लोहतो, छना कुचे दू विशवासो जोगे तोह दंङ दोई छि कुट्रा दू ए लहज़ा, दंङ दोई केतिंङ एनोह योह, हेंदु प्रभु यीशु मसीह रंङ साते नाता तहज़िमी थल्जी बुलासी शुई।

2 कुरिन्थियों 13:11

झांह लेह हे गिऊ विशवासी न्वा रे, गेह दि शब्दा रंङ साते डाक बन्द लहज़ातग; सिद्ध शुहचे इलांई; इदि-अईदि बि उत्साहित लंहि; इच्च़ा ए सेहम तंही; केनातु बिचंङ मेल-मिलापा रंङ साते बंङज़ुंई, दंङ दाह ए शांति ओ दाता परमेश्वरे केतंङ साते शोतो।

2 कुरिन्थियों 4:17

हेंदु दि कवचि ए थोड़े हरे दुख हेंदु थल्जी झांह ठ्रोह अनंत महिमा पैदा लहज़ा, अतु पाहठी हेंज़ी सोचेक्सी माहरच़ातंई।

फिलिपियों 4:13

मसीहू दोरच़ी अंऊ गिह्बी दोई सामर्थ रंड्रा दोऊ मदते गेह भत्ते धिर ले तरच़ातग।

कुलुस्सियों 2:7

दंङ दोरिंङ ए जड़ चुमज़ा ए तुंखा शुहवा लंहि; दंङ छना केतिंङ सिखासी तरेह ध्वांए विशवास रिंङ पक्‍का शुवाह लंहि, दंङ महसे धन्यवाद लोहवा लंहि।

1 थिस्सलुनीकियों 2:12

ताकि केहतु चाल चलनो दोरच़ी परमेश्वराबि महस इज्ज़त खोकसोतो, अंऊ केतिंङ एनोह राज ए महिमारिंङ भागीदार शुहबिमी थल्जी बुलाएच़ा।

2 थिस्सलुनीकियों 2:14

परमेश्वरे केरे बचाएच़िमी रूठे खबरो थल्जी बुलासी ततो, अतु ञेंहच़ी केहतु बिचंङ प्रचार लहज़ातंई, ताकि केरे दुह महिमारिंङ शामिल शुहचे तरपोंई अंऊ परमेश्वरे हेंदु प्रभु यीशु मसीह बि रांहषी ततो।

2 थिस्सलुनीकियों 2:17

दि प्रार्थना लहज़ातंई कि दोई केहतु सेहमरिंङ हिम्मत रमतो दंङ हर रूठे गप्पारिंङ अंऊ केहच़ी कुट्रातंई केतिंङ पक्‍का लोहतो।

2 थिस्सलुनीकियों 3:3

पर केरे परमेश्वरो टोहकठे पक्‍का विशवास लेह तरपोंई। दोई केरे पक्‍का लोहतो दंङ केहतु रक्षा लोहतो ताकि मांजी शेतान केहतु नुकसान लेह मरपोतो।

1 तीमुथियुस 6:12

छना इच्च़ा रूठे सेनिक लड़ाई रि अपेहल ला हार माह मनेक्च़ा, ध्वांए कनिंङ ला, परमेश्वरो टोहकठे विशवास लहज़ी ए दोऊ हुकुम मनेक्च़ी अपेहल ला ब्याड़ा लहज़ी माह जूंस ताकि कांह ईनामो रूपारिंङ दुह अनंत जीवन खोकपोन, अतु थल्जी परमेश्वरे कांह बुलासी तोतोन, दंङ अपेहल केई महस मीहतु तुईज़ी साफ-साफ कुहतेन कि कांह मसीहू टोहकठे विशवास लहज़ातन।

2 तीमुथियुस 1:9

अच़ि हेंदु उद्धार लहतो, दंङ हेंदिंङ पवित्र जीवन श्रींङमी थल्जी बुलासी शुई, दोई हेंदिंङ दिऊ थल्जी माह बुलाएक्तो कि हेंज़ी रूठे कम लाहतेन पर एनोह मकसद ए दुह मोह्ड़े दाह ओ हिसाबे बुलाएकते, अतु सकिम परमेश्वरे तुहई ए यीशु मसीह बि दि संसारारंङ च़रच़िमी दोरच़ी बणाकते।

2 तीमुथियुस 2:10

दिऊ थल्जी गेह दुह मीहतु थल्जी भत्ते दुख सहन लहज़ातग, अतिंङ परमेश्वरे अंङषी ततो, ताकि दोरे ला यीशु मसीहू टोहकठे विशवास लोहर दंङ उद्धार ए अनंत कालो महिमा खोक्पोर।

इब्रानियों 9:15

झांह लेह मसीह मीहतंङ साते इच्च़ा खरकोई वाईदा लहज़ा, ताकि दोरे मीहरे अंऊ परमेश्वरो तरफे बुलासी तातोर, दोरे दू अनंत आशीष खोकपोरे अतु वाईदा परमेश्वरे लहसी ततो झांह दिऊ थल्जी शुहबी तरपोतो छना कुचे मसीह दोतिंङ दू पापो सज़ाओ दोरच़ी आज़ाद लेह च़रच़िमी थल्जी सिए इलि अंऊ दोच़ी तुहई कि वाईदा ओ अधीन बंङज़ा ते लाहतेर।

1 पतरस 1:15

पर हेंतेग केतिंङ भत्ते कम रिंङ अंऊ केहच़ी लहज़ातंई पवित्र शुहबी जूंस, छना कि परमेश्वर पवित्र तोह, अच़ि केतिंङ एनोह कटुरे शुहबिमी थल्जी अंङषी ततो।

1 पतरस 4:10

हर इच्च़ा मीहबी परमेश्वरो दोरच़ी वरदान खोकसा तोह दंङ दोतिंङ दू वरदानो इस्तेमाल ऊईतु मदत लहज़िमी थल्जी लेह जूंशी तोह। दोतिंङ परमेश्वरो रूठे सेवको रूपा रिंङ एनोह वरदानो इस्तेमाल रूठे रंङ लहज़ी जूंशी तोह।

1 पतरस 4:11

अगर केहतु कछंङ प्रचार लहज़िमी वरदान तोह, दंङ केतिंङ परमेश्वरो बचनो प्रचार लहज़ी जूंशी तोह। अगर केहतु कछंङ ऊईतु मदत लहज़िमी वरदान तोह, दंङ दू, दू सामर्थ रंङ साते लंहि अंऊ परमेश्वर केतिंङ रंड्रा। तांला छिल्ला धिर केहच़ी लोहनि दू यीशु मसीहू दोरच़ी परमेश्वरा बि महिमा रमतो। भत्ते महिमा ए सामर्थ हमेशा-हमेशा ओ थल्जी दोऊ शुह। अमीन।

2 पतरस 1:3

परमेश्वरे एनोह सामर्थो दोरच़ी हेंदिंङ दुह भत्ते रांहषी ततो अंऊ हेंदिंङ जीवन श्रींङमिमी थल्जी जूंशी तोह, अंऊ परमेश्वरा बि खुश लहज़ा। दि जूंशी तोह छना कुचे हेनर परमेश्वरा बि ञेंहच़ातंई दंङ दि दुह ए शुह अच़ि हेंदिंङ एनोह महिमा ए रूठे ओ वहज़ा ज़ि बुलासी शुह।

1 यूहन्ना 2:25

परमेश्वरे हेन्दंङ साते वाईदा लाहरी कि दोई हेन्दिंङ अनंत जीवन रमतो।

यहूदा 1:24

इच्च़ा परमेश्वर ए तोह अंऊ केतिंङ दह्पिमी दोरच़ी बचाएपोतो, दंङ केतिंङ निर्दोष ए खुश लोहतो, अपेहल दोई केतिंङ एनोह महिमा ओ थल्जी एनोह तुईज़ी खड़े लहज़ा। दोई हेंदिंङ हेंदु प्रभु यीशु मसीहू दोरच़ी बचाके चरच़तो। महिमा, गौरव, सामर्थ ए अधिकार टेमो शुरूआत बेहच़ी दोऊ तोईरे, हेंतेग ला दोऊ तोतोर, दंङ हमेशा ओ थल्जी दोऊ ए गुह्ट्र बंङज़ोर। अमीन।