1 पतरस 5:1 - लाहौली बाइबिल

¹ रें झांह ठ्रोह गप्पा तोह अंऊ गेह दोरकी सेंहणा तंङ साते कुट्री तातग छना कुचे गेह ला केहतु ठ्रोह इच्च़ा सेंहणा शुगाह। गेह घेंङौ दू दुखा बि तंङातेग अंऊ महसे तुहई मसीह ज़ि सहन लहरी। अपेहल दू यह्च़ा वापिस अपतो, दंङ गेह ला दोऊ महिमा रिंङ सहभागी शोहग दंङ गेह केतंङ साते विनती लहज़ातग,

1 पतरस 5:1 Iomraidhean Croise

लूको 24:48

केहरे दिह भत्ते गप्पातु गवाह शुई।

प्रेरित 1:8

पर अपेहल पवित्र आत्मा केहतु टोहकठे अपतो दोहपल केतिंङ सामर्थ खोकसोतो; दंङ यरूशलेम शहर ए भत्ते यहुदिया ए सामरिया प्रदेशारिंङ, दंङ संसारो भत्ते ठाहरीरिंङ मीहतिंङ गिऊ पाहठी कंड्रिमी थल्जी गिऊ गवाह शोंई।

प्रेरित 11:30

दंङ दोच़ी ध्यांए लहरिर; दंङ बरनबास ए शाऊल ओ गुहड़िंङ, सेंहणातु कछंङ ढबाह च़रतिर।

प्रेरित 14:23

दंङ दोच़ी हर इच्च़ा कलीसियाओ मीहतु थल्जी सेंहणारे ठेहराएतिर, दंङ ब्रत ए प्रार्थना लहच़ी दोतिंङ प्रभुऊ गुहड़िंङ रेह च़रति अतु टोईच़ी दोच़ी बिशवास लहरीर ताकि प्रभु दोतु ख्याल लोहतो।

प्रेरित 15:4

अपेहल दोरे यरूशलेम शहर पिचे इलिरे, दंङ कलीसियाओ मीहरे ए प्रेरित दिंङ कलीसिया ओ सेंहणार दोतंङ साते खुशी रंङ साते दोईरे दंङ पोलुस ए बरनबास ए भत्ते धिर कंड्रातोर अंऊ परमेश्वरे दोतु दोरच़ी लाहते।

प्रेरित 15:6

दंङ प्रेरित ए कलीसिया ओ सेंहणा मीहरे दी गप्पो पाहठी विचार लहज़िमी थल्जी ठ्रोहका शुई।

प्रेरित 2:32

दिए यीशु बि परमेश्वरे श्रींङे लहरी, दंङ हेनर भत्तेर दि सच्चाई ओ गवाह शुई।

प्रेरित 20:17

अपेहल ञेंरे मीलेतुस शहरंङ अतिनि, दंङ पोलुसे इफिसुसो कलीसिया ओ सेंहणा तिंङ दोतु कछंङ अपिमी थल्जी बुलाएति।

प्रेरित 20:28

झांह लेह केरे केनातु ध्यान तंही दंङ दुह झुण्ड़ो ला, अतु पोहाल केतिंङ पवित्र आत्मा ज़ि अंङषी ततो कि केरे परमेश्वरो मीहतु देखभाल लंहि, अपि दोई एनोह शुई रें च़ुमसी शुह।

प्रेरित 21:18

दोऊ ऊईरग पोलुस ञेंतिंङ रेंज़ा याकूबो कछंङ इलि, अंऊर भत्ते सेंहणा मीहरे ठ्रोहका तोईरे।

प्रेरित 3:15

दंङ केहच़ी दुह सच़ी च़रतिन, अरि मीहतिंङ हमेशा ओ जीवन रंड्रा, पर परमेश्वरे दोबि सिए दोतु बिचंङ ज़ि श्रींङमी लहरी; दंङ दिह गप्पातु ञेंहरे गवाह तोतोंई।

2 कुरिन्थियों 5:1

छना कुचे हेंज़ी ञेंच़ातंई, कि देर धरतीऊ टोईच़ी हेंदु फुक इच्च़ा तम्बू ठ्रोह तोह अंऊर हेनर बंङज़ातंई। अगर दू नाश शुहचे यवाह दंङ हेंदिंङ परमेश्वरो तरफे स्वर्गंङ इच्च़ा झांह ठ्रोह फुक खोकसोतो, अंऊ गुह्ट्रे बणाषी माह पर हमेशा तचेक बणेंके बंङज़ोतो।

2 कुरिन्थियों 5:8

हेंदिंङ ता परमेश्वरो टोहकठे विशवास तोह, हेंदिंङ सिमी थल प्रभु कछंङ बसेपी महस पसन्द तोह।

फिलिपियों 1:19

छना कुचे गेह ञेंच़ातग कि केहतु प्रार्थना ओ दोरच़ी, दंङ यीशु मसीह च़रसी, पवित्र आत्मो मदतो दोरच़ी, गिऊ कैदो दोरच़ी बचाके च़रपोतो

1 तीमुथियुस 5:1

अरिला यङदे मीहबी अपमान लहज़िमी ठ्रोह रैहचु था पर दोबि केनोह बाह ओ बराबर चेहके आदरा रंङ समझाएक्तुंई, दंङ जवानातिंङ केनातु न्वा चेहके सलाह रांई।

1 तीमुथियुस 5:19

अगर अरिया कलीसिया ओ सेंहणा ऊ खिलाप पाप लहच़िमी दोष लगाएपोतो, दंङ धोंण तचेक दोबि था मनेक्तुंई, अपेहल तचेक झुह्ट या षुमु मीहरे इच्च़ा गप्पा ओ दोष लगाएपोर माह।

2 तीमुथियुस 4:8

दंङ हेंतेग जीतो दुह मुकुट गिऊ थल्जी रुमज़ा, छना कुचे गेह घेंङौ जीवनो दोरच़ी परमेश्वराबि खुश लहतेग। प्रभु अंऊ धर्मिकताओ कम रंङ साते भत्ते मीहतु न्याय लहज़ा दुह, दुह ध्याड़ा गिह्बी दुह मुकुट रमतो अपेहल न्याय लहज़िमी थल्जी दोबारा अपतो पर दुह गिह्बी ए मशत पर दोतिंङ भत्ते दि ईनाम रमतो अंऊ दोऊ यह्च़ा अपिमी थल्जी रुमज़ा तोतोर।

तीतुस 1:5

गेह झांह लेह कनिंङ क्रेते टापूरिंङ (मतलब समुंद्रो बिचंङ अंऊ ज़मीन शुहबी दोबि टापू कुट्री) केट्रा अतिगा, ताकि कांह दोर्तिंङ हेंदु कम पूरा लेह तरपोन दंङ क्रेते टापू ओ हर शहर रिंङ कलीसिया ओ सेंहणा अंङे च़रतु, ध्वांए छना लहज़िमी गेह हुकुम रांहषी तातग।

इब्रानियों 12:1

हेंदु कछंङ झांह ठ्रोह महस मीहरे तोतोर अंऊ दोतु विशवासे दि कंड्रा कि विशवासो मतलब छि शुहबी। दिऊ थल्जी अतंई हेंज़ी हर इच्च़ा रूकावट दंङ पाप बि शत्‌ह लेह, हेंदिंङ अंऊ अमरिंङ जोज़िमी तोह, दोऊ टोईच़ी जोज़ातंई।

1 पतरस 1:12

पर परमेश्वरे दि भविष्यवक्ता तिंङ कंड्रिरी कि दोतु खबर दोतु एनातु थल्जी मशत पर केहतु थल्जी तोहई। दू खबर यीशु मसीहू पाहठी रूठे खबर शुह अंऊ केहच़ी हेंतेग रेड्रातंई। परमेश्वरे स्वर्गंङ ज़ि एनोह पवित्र आत्मा चरच़तो कि केतिंङ रूठे खबर प्रचार लहज़िमी थल्जी मीहतु मदत लोहतो। दि भत्ते धोंण अद्धभुत तोह कि देर तचेक कि स्वर्ग दूत कि स्वर्गदूत ला खुशी रंङ दि चीज़ा बि खंड्रातोर।

1 पतरस 1:7

दि मुसीबतो मकसद दि कंड्री तोह छि केरे हेले रिंङ परमेश्वरो टोईच़ी विशवास लहज़ातंई। यीशु मसीह रिंङ केहतु विशवास ज़ंङ बे महस कीमती तोह। छना नाशवान शुहच़ा ज़ंङ मेहू बिचंङ परखेक्च़िमी थल्जी दंङ शुद्ध लेह, ध्वांए ठ्रोह अगर केहतु विशवास परखकेक्सी रंङ साते विशवास पक्‍का शुहवा, दंङ दू ध्याड़ा महस षटणा ए मोह्ड़े दाह ए आदर रमतो अपेहल यीशु मसीह यह्च़ा अपतो।

1 पतरस 4:13

बस दिऊ पाहठी खुश तोईनी, कि केरे मसीहू दुखारिंङ सहभागी शुहचे तोईनी। झांह लेह, अपेहल मसीह भत्ते मीहतिंङ एनोह महिमा प्रगट लहज़िमी थल्जी यह्च़ा अपतो दंङ केहतु खुशी हेले रिंङ बणेंके योतो।

1 पतरस 5:4

अपेहल यीशु मसीह, दुह हेंदु मोह्ड़े पोहाल ए शुह, यह्च़ा वापिस अपतो, दोई केतिंङ इच्च़ा ईनाम रमतो, अंऊ अपेहल ला खराब माह शोतो।

1 यूहन्ना 3:2

हे गिऊ प्यारे साथी विशवासी रे, हेंतेग हेनर परमेश्वरो कटुरे शुहचे तोनि, दंङ हेंतेग तचेक दिह प्रगट शुहचे माह कि हेनर छना शोंई! ञेंहच़ी दिह ञेंच़ातंई कि अपेहल यीशु मसीह प्रगट शोतो ता हेनर लाह दोऊ ठ्रोह शुहचे योंई, छना कुचे हेंज़ी दुह ध्वांए ए खमोंई छना दुह तोह।

2 यूहन्ना 1:1

गेह यूहन्ना अंऊ सेंहणा शुगाह दिह डाक चेहच़ातग। गेह दि डाक परमेश्वरो अंङषी दुह न्वाशा ए दोऊ कटुतिंङ चेहच़ातग, अंऊ दोतंङ गेह सच्चा दाह लहज़ातग, दंङ सिर्फ गेह ए मशत दंङ दोरे भत्तेर गेरंङ साते दाह लहज़ातोर, अंऊ दोच़ी सच्चाई ञेंच़ातोर।

3 यूहन्ना 1:1

गेह यूहन्ना, अंऊ कलीसिया सेंहणा दिह डाक प्यारे साथी गयुस कनिंङ चेहच़ातग, अतंङ गेह हेले दाह लहज़ातग।

प्रकाशित वाक्य 1:9

“गेह यूहन्ना, केहतु साथी विशवासी, दंङ यीशु रंङ साते केहतु एकता ओ वहज़ा ज़ि गेह केतंङ साते परमेश्वरो राज रिंङ, दुखा रिंङ, दंङ दुह सहन लहज़िमी शाक्ति रिंङ सहभागी तोतोग, गिह्बी पतमुस टापूरिंङ कैदी बणाके चरच़ि छना कुचे परमेश्वरो खबर ए यीशु दोरच़ी प्रगट लहसी सच्चाई ओ प्रचार लहज़ा।”