1 पतरस 4:8 - लाहौली बाइबिल

⁸ भत्ते बे मोह्ड़े गप्पा दि तोह कि इदि-अई दिरंङ साते महसे बे महसे दाह लंहि, छना कुचे अगर केरे मीहतंङ साते दाह लहज़ातंई, दंङ केरे हमेशा अंऊ ला पाप बि माफ लहज़िमी थल्जी तेयार बंङज़ोंई, अंऊ दोच़ी लहसी ततोर।

1 पतरस 4:8 Iomraidhean Croise

1 कुरिन्थियों 13:1

गेह भले मीहतु ए स्वर्गदूतातु बोली कोहग पर अगर गेह मीहतंङ साते दाह माह लहज़ातग, दंङ दू भाषा ला कुट्री धोंण ए बेकार शोतो अंयों कि इच्च़ा रिओ नंदे बि कुलड्री या झांझ बि इच्च़ा मुंद्दे कुलड्री।

1 कुरिन्थियों 13:4

अंऊ मीहरे ऊईतिंङ साते दाह लहज़ातोर, दोरे धीरज़ ए दया रंङ साते कम लहज़ातोर, दोतिंङ जलन माह शवाह, दोरे एनोह बड़ाई ए घमण्ड माह लहज़ातोर।

कुलुस्सियों 3:14

दंङ भत्ते बे ज़रूरी अंऊ केतिंङ लेह जूंशी तोह, दुह दिह तोह कि इदि अईदिरंङ साते दाह लंहि, झांह लेह रंङ साते केरे इच्च़ा शुचे योंई।

1 थिस्सलुनीकियों 3:12

ञेंहच़ी दि ला प्रार्थना लहज़ातंई कि प्रभु ज़ि झांह लोहतो कि, कि छना ञेंहच़ी केतंङ साते दाह लहज़ातंई, ध्वांए ए केहच़ी लाह इदि-अई दिरंङ साते दाह लोहवा लंहि, दंङ भत्ते मीहतंङ साते केहतु दाह ऊई लाह लगातार बढेक्पि जूंस।

2 थिस्सलुनीकियों 1:3

हे गिऊ प्यारे साथी विशवासी रे, केहतु पाहठी ञेंतिंङ लगातार परमेश्वरो धन्यवाद लहच़ी जूंशी तोह, झांह लेह ञेंहतु थल्जी ठीक ला तोह, छना कुचे प्रभु यीशु मसीहरिंङ केहतु विशवास लगातार बड़ेक्पी लेहकी तोह, दंङ इदि अई दिऊ थल्जी केहतु दाह ला महस बड़ेक्पी लेहकी तोह।

1 तीमुथियुस 1:5

दि हुकुम रंड्रीमी गिऊ दि मकसद तोह कि केरे इदि अई दिरंङ साते संङा सेहम ए निर्दोष अंतरआत्मा दंङ निष्कपट विशवासारंङ साते दाह लंहि।

इब्रानियों 13:1

केनातु बिचंङ रिंङ-न्वारे तु दाह लोहवा लंहि।

याकूब 5:12

पर हे गिऊ प्यारे साथी विशवासी रे, भत्ते बे ज़रूरी दि तोह कि, कसम थाजेंई, माह स्वर्गो, माह धरतीऊ, माह ऊई चीज़ो पर केहतु गप्पा वोई ऊ वोई ए ना ऊ ना शुहबी जूंस, ताकि केरे परमेश्वरो दोरच़ी दोषी मशोंई।

याकूब 5:20

दंङ केहच़ी दि ञेंई च़रतुंई, कि अच़िया भटकेगी दुह पापी बि सच्चाई ऊ अमरिंङ वापिस हप्तो, दंङ दोई दुह पापी जहान मौतो दोरच़ी बचाएच़ा, दंङ परमेश्वर दोऊ हर पाप माफ लेह च़रच़ा।

1 पतरस 1:22

छना कुचे हेले ओ भाषे लहज़िमी रंङ साते केतिंङ पापो दोरच़ी शुद्ध लेह चरच़ातंई, हेंतेग केतिंङ केनातु साथी विशवासी तंङ निष्कपट दाह लेह जूंशी तोह। इदि-अई दिरंङ साते महसे ए भत्ते सेहमे दाह लेह जारी तंही।

3 यूहन्ना 1:2

हे प्यारे, गिऊ दि प्रार्थना तोह कि छना काह केनोह विशवासा रिंङ तरक्की लहज़ी लेह्की तोतोंई, ध्वांए ए काह भत्ते गप्पारिंङ तरक्की लोहू, दंङ रूठे रंङ बंङज़ु।