1 पतरस 4:4 - लाहौली बाइबिल

⁴ झांह लेह केहतु तुहई कि मित्रारे हेरान शुहचे यवातोर अपेहल केरे दोतंङ साते दू मदम चीज़ा रिंङ शामिल माह शवातंई अंऊ दोच़ी लहज़ातोर। झांह लेह दोरे केहतु बदनामी लहज़ातोर।

1 पतरस 4:4 Iomraidhean Croise

मत्ती 23:25

हे कपटी रंड्रा यहुदी शास्त्री ए फरीसी मीहरे केहतु टोईच़ी धिक्कार! केहरे झांह ठ्रोह नंनदे शुई अरी धह्कतेकी साफ तोतोंई पर तोंङज़ि अईता ला झख तोतोंई। दुह झांह ठ्रोह तोह कि केहच़ी ऊईतु थल्जी रुठे कंड्रातंई। पर केहतु सेहम तोंङज़ि लालच ए स्वार्थे पिंङषी तोह।

लूको 15:13

दंङ थोड़े अरे ध्याड़ो थल कवचि योह भत्ते धिर ठ्रोहका लहज़ा इच्च़ा ऊई तार देशंङ अच़ा इलि दंङ दोर तिंङ भोग-बिलासारिंङ एनोह भत्ते टंगा ढबाह योह्च़े च़रति।

प्रेरित 13:45

पर अपेहल यहुदी ज़ि भीड़ खंईरे दंङ दोरे महसे रोषेक्सा इलिर। दोरे दोऊ गप्पा ओ बुराई लहज़ी लेहतिर कि पोलुस छि कुट्री लेहकी तोह दंङ दोरंङ साते कुवाद लहज़ी लेहतिर।

प्रेरित 18:6

पर अपेहल यहुदी मीहरे पोलुसो खिलाप बुराई लहज़ी लेहती; दुह मुका दोई एनोह खमज़े साफ लेह दोतंङ साते कुई, “परमेश्वरो बचन अस्वीकार लेह वहज़ा ज़ि केरे ए दुह सज़ा ओ ज़िमेवार शुई, अंऊ केतिंङ परमेश्वरो दोरच़ी खोकसोतो! गेह निर्दोष शुगाह। हेंतेग बेहच़ी गेह ऊईजाति तु कछंङ इलजे परमेश्वरो बचनो प्रचार लोहग।”

रोमियो 13:13

अतंई हेनर हेंदु स्वाभाव ठीक लहज़िमी कोशिश लोहनि, दू मीहतु ठ्रोह अंऊ छंङीरिंङ बंङज़ातोर दंङ हंञारारिंङ माह हेनर मांजी कम ए नशाबाज़ी, कुकम ए भोगविलास, झगड़ा ए जलनो दोरच़ी शत्‌ह बंङज़ोंई।

इफिसियों 5:18

सरो नशारिंङ मस्त शुहचे केनातिंङ नाश थालंही, छना कुचे दिरिंङ मीहरे एनोह सुधबुधो दोरच़ी धकतेखा शुचे यवाह। बल्कि पवित्र आत्माबि केतिंङ एनोह सामर्थे पिंङड्री रांई।

1 पतरस 2:12

ऊई जातिऊ मीहतु बिचंङ केहतु व्यवहार रूठे शुहबी जूंस। छना कुचे एंतेग अच़ि केतिंङ मदम कम लहज़ा कुट्रा मीहरे कुचे दोष लगाएपोर, दोरे मीहरे अपेहल परमेश्वर अपतो दुह ध्याड़ा केहतु रूठे कम खंड्रा परमेश्वरो महिमा लोहर।

1 पतरस 3:16

हमेशा दू ए लंहि अंऊ सही तोह, दंङ अगर मीहरे केहतु खिलाप मदम कुट्रातोर, दंङ दोरे ए शर्मिन्दा शोर, अपेहल दोरे मसीह रंङ साते केहतु संबधो वहज़ा ज़ि केहतु रूठे व्यवहार खमोर।

2 पतरस 2:12

पर दिरे शिक्षक घ्वांणातु ठ्रोह कम लहज़ातोर, अंऊ छना लहज़ातोर छना दोतु फुके जुंज़ा दंङ अंऊ दिऊ थल्जी ज़ेहक्पातोर ताकि मीहरे दोतिंङ फसाके सच़ी तरपोर। दि शिक्षक दुह चीज़ा तु अपमान लहज़ातोर अतु पाहठी दोच़ी हेले रिंङ छल्ले माह ञेंहच़ातोर। परमेश्वर दोतिंङ ध्वांए नाश लेह च़रपोतो छना मीहरे जानवरा तिंङ सचे चरच़ातोर।

2 पतरस 2:22

दोतंङ साते छि शवाह दुह तंङफा कि दि कहावत हेले शुह: कि दोरे खुह्ई तु ठ्रोह तोतोर अंऊ एनोह प्रान्ज़ि दुह आहच़ि थल्जी यहच़ातोर, दंङ दोरे सुअरा तु ठ्रोह तोतोर अतिंङ शुहल्ज़े चरच़ि दंङ दुह यह्च़ा गाहरो बिचंङ फेह्टे शुहबी।

यहूदा 1:10

पर दि मीहरे दुह गप्पातु खिलाप कुट्रातोर, अंऊ दोतिंङ दोरे माह समझेक्च़ातोर, दंङ अंऊ गप्पारे दोच़ी समझेक्च़ातोर। दंङ दुह गप्पा तिंङ मुर्खा तु लहज़ातोर, दंङ दि पापो कम लहज़िमी दोरच़ी दोरे एनाबि नाश लेह चरच़ातोर।