1 पतरस 4:3 - लाहौली बाइबिल

³ इलज़ा दू टेमारिंङ केहच़ी संसारिक मीहतु ठ्रोह मदम लहज़िमी थल्जी महस टेम बर्बाद लेह चरच़ातंई, छना कि कुकम ए वासना, महस तुंङमी ए ऐश-मस्ती लहज़ी, दंङ दोतु मुर्ति तु पूजा, अंऊ दोतंङ परमेश्वरे नफरत लहज़ा।

1 पतरस 4:3 Iomraidhean Croise

मरकुसो 7:22

लोभ, दुष्टता, आलास, मांजी टीरा, बुराई, घमण्ड, मुर्खता हुंज़ी।

प्रेरित 17:30

झांह लेह परमेश्वरे मीहतु अज्ञानतो टेम ध्यान माह रें, पर हेंतेग भत्ते ठहरि रिंङ भत्ते मीहतिंङ सेहम किरज़िमी हुकुम रंड्रा।

रोमियो 13:13

अतंई हेनर हेंदु स्वाभाव ठीक लहज़िमी कोशिश लोहनि, दू मीहतु ठ्रोह अंऊ छंङीरिंङ बंङज़ातोर दंङ हंञारारिंङ माह हेनर मांजी कम ए नशाबाज़ी, कुकम ए भोगविलास, झगड़ा ए जलनो दोरच़ी शत्‌ह बंङज़ोंई।

1 कुरिन्थियों 12:2

केहच़ी ञेंहच़ातंई कि केरे विशवासी बणेक्पिमी तुहई छना ठ्रोह जीवन श्रींङमातंई। दंङ केरे टटे मुर्ति तु थल्जी जोज़िमी थल्जी भटकेगी इलजी तोतोंई।

1 कुरिन्थियों 6:11

तुहई केहतु बिचंङ रे ध्यांए ठ्रोह श्रींङमातेर, पर केरे प्रभु यीशु मसीहू मिंदंङ साते ए हेंदु परमेश्वरो आत्मा रंङ साते केहतु पाप शुहल्ज़े चरच़तो, दंङ केतिंङ एनोह थल्जी शत्‌ह लहरी दंङ केतिंङ एनोह नज़ारारिंङ धर्मी बणाके चरच़तो।

2 कुरिन्थियों 12:21

दंङ झांह शुहबी मेस कि अपेहल गेह वापिस अपोग, गिऊ परमेश्वरे गिऊ अपमान लोहतो। दंङ गिह्बी महसे तु थल्जी यह्च़ा शोक लेह लेह्पोतो, अंऊ दोच़ी तुहई पाप लहरिर, दंङ दू झखंजी कमो, दंङ कुकम, ए लुचपन बि, अंऊ दोच़ी लहरिर, सेहम माह किरच़िर।

गलातियों 5:19

केहच़ी रूठे रंङ ञेंहच़ातंई कि मीहरे एनोह हिटी ऊ थलेच़ि ज़ोज़तोर, दोरे छि-छि लहज़ातोर, मतलब कुकम, मदम कम, लुचपन,

गलातियों 5:21

कपट, सरा तुंङे मतवाला बंङज़ा, रंगरलियां मनेक्च़ा, दंङ दीतु ठ्रोह ऊई ला कम तोईरे, अतु पाहठी गेह केतिंङ खबरदार लहज़ातग, छना तुहई ला केतिंङ खबरदार लेह चरच़ातग कि दि कम लहज़ा दोरे परमेश्वरो राजो जोगे माह शोरे।

इफिसियों 5:18

सरो नशारिंङ मस्त शुहचे केनातिंङ नाश थालंही, छना कुचे दिरिंङ मीहरे एनोह सुधबुधो दोरच़ी धकतेखा शुचे यवाह। बल्कि पवित्र आत्माबि केतिंङ एनोह सामर्थे पिंङड्री रांई।

1 थिस्सलुनीकियों 4:5

केतिंङ ऊईजाति तु ठ्रोह अंऊ परमेश्वराबि माह ञेंहच़ातोर, मांजी कमो हिटी लेह माह जूंस।

तीतुस 3:3

छना कुचे हेनर ला तुहई, मुर्ख ए परमेश्वरो हुकुम माह मनेक्च़ा मीहरे, मीहतु दोरच़ी धोखा खोकसिमी तातंई, दंङ हेनर मदम हिटी ए संसारो चीज़ा तु गुलाम तोईरे, छना बैर-भाव, दंङ जलन तहच़ि रिंङ एनोह जीवन श्रींङज़ातेर, दंङ मीहतंङ साते नफरत लहज़ातेर, दंङ इदि-अई दिरंङ साते बैर तहच़ातेर।

1 पतरस 1:14

परमेश्वरो हुकुमो भाषे लंहि छना कुचे केरे दोऊ कटुरे शुई। दंङ दू मदम कम थालंही अतिंङ केरे दू मुक्का लहज़िमी हिटी तहज़ातंई, अपेहल केरे परमेश्वरो सच्चाई माह ञेंहच़ातंई।

यहूदा 1:4

गेह केतिंङ चेहच़ातग, छना कुचे रें मीहरे अंऊ यीशु मसीहू टोईच़ी विशवास लहज़िमी दिखावा लहज़ातोर, दोरे केहतु बिचंङ शामिल शुहचे इलोर। दोच़ी परमेश्वरो आदर माह लहज़ातोर दंङ दोच़ी गलत शिक्षा रंड्रातोर कि परमेश्वर एनोह मोह्ड़े दाह ओ दोरच़ी हेंदु पाप माफ लेह च़रच़ा, झांह लेह हेनर मदम जीवन श्रींङमातंई। दोच़ी यीशु मसीह बि ग्रहण माह लहज़ातोर, अंऊ हेंदु इच्च़ा मालिक ए हेंदु प्रभु तोह। महस तुहई, पवित्रशास्त्रे कुट्रा, “कि परमेश्वर झांह ठ्रोह मीहतिंङ सज़ा रमतो।”