1 पतरस 4:2 - लाहौली बाइबिल

² एंतेग बेहच़ी, यह्च़ा, केरे केनातु ऊई संसारिक ज़िन्दगी बि पापो हिटी पूरा लहज़िमी थल्जी मश्त; पर परमेश्वरो हिटी पूरा लहज़िमी थल्जी श्रींङे च़रतुंई।

1 पतरस 4:2 Iomraidhean Croise

मत्ती 12:50

छना कुचे अरी गिऊ स्वर्गो बाहऊ हिटीरंङ साते जोओतो दुह ए गिऊ न्वा शुह, गिऊ रिहंङ ए गिऊ याह शुह।”

मत्ती 20:4

दंङ दोतंङ कुहतो, केरे ला दाखो बगीचारिंङ ईलांई, दंङ छि शोतो केतिंङ रमोग। दंङ दोरे ला कम लहज़िमी थल्जी इलिरे।

मत्ती 21:31

दिकुतु बिचंङ अच़ि बाहऊ हिटी पुरे लहज़ा?” दोच़ी कुह्तोर “तुहई दोई।” यीशुज़ि दोतिंङ कुहतो, गेह केतंङ हेले कुट्रातग कि चुंगी लेहपच़ा रे ए कुकम लहज़ा केरेबे तुहई परमेश्वरो राज्यरिंङ प्रवेश लोहर।

मत्ती 7:21

अच़ि गेरंङ हे प्रभु, हे प्रभु कुट्रा दोतु बिचंङ ज़ि हर इच्च़ा स्वर्गो राज्यरिंङ तोंखा मेहबोतो पर दुहए अपतो अच़ि गिऊ स्वर्गीय बाहऊ हिटी टोईच़ी जोआ।

मरकुसो 3:35

छना कुचे ता अरी परमेश्वरो हिटीरंङ जोज़तो, दुह ए गिऊ कवचि न्वा ए रिङह ए याह शुह।”

मरकुसो 7:21

छना कुचे मदम विचार मीहू अन्देरगच़ि हुंज़ी। दंङ दुह, मीहू सेहमज़ि मांजी-मांजी ख्याल, कुकम, चोरी, हत्या, ऊई मेच़मीऊ थल्जी लालच,

यहून्नो 1:13

दोरे माह, बाह-मेमेतु दोरच़ी, माह मीहू हिटी रंङ, माह मीहतु कटुऊ प्राप्ति थल्जी पर परमेश्वरो दोरच़ी जेह्की शुहर।

यहून्नो 7:17

अगर अरीया दोऊ हिटी ओ टोहकठे ज़ोअतो ता दोई ञेंह केहतो कि गिऊ शिक्षा परमेश्वरो दोरच़ी अपा या गिऊ दोरच़ी।

रोमियो 12:2

दंङ दि संसारो मीहतु ठ्रोह था बणेक्तुंई; पर केनातु सोचेक्च़िमी तरीका परमेश्वर बि लेहक्सी रांऊ अंऊ दोरच़ी केहतु चाल-चलन ला लेक्सा योतो, दंङ केरे परमेश्वराबि रूठे, गमेकी ए सिद्ध हिटी ओ खोज लोहवा लंहि।

रोमियो 14:7

हेनर भत्तेर प्रभुऊ शुई। झांह लेह, हेंदु जीवना रिंङ ए हेंदु सिमी थल, हेंदिंङ दोबि खुश लेह जूंशी तोह हेंदिंङ माह।

रोमियो 6:11

केहच़ी ला ध्यांए ञेंए च़रतेंई कि पापो वशारिंङ सिए दोतु ठ्रोह, पर परमेश्वरा बि आदर रंड्रीमी थल्जी श्रींङी तोतोंई।

रोमियो 6:2

माह बिल्कुल माह! हेनर पापो थल्जी सिए इलजी तोतोंई, दंङ झांह लेह हेंदिंङ लगातार पाप लहज़ी माह जूंस।

रोमियो 7:4

ध्वांए ए गिऊ न्वारे, अपेहल केरे मसीह रंङ सिए इलजी तोतोंई, दंङ केरे मुसाओ कानूनो अधिकारो थल्जी ला सिए इलजी तोंई। एंतेग केरे मसीहू शुंई अंऊ सिमी दोरच़ी श्रींङे इलि ताकि केरे परमेश्वरो थल्जी फल हचि तरपोंई।

2 कुरिन्थियों 5:15

दंङ झांह लेह मसीह भत्ते तु थल्जी सिए इलि, कि अंऊ श्रींङे तोरे, दोरे तुंखा सिर्फ एनाबि खुश लहज़िमी थल्जी श्रींङमी माह जूंस पर दोतिंङ मसीहू थल्जी श्रींङमी जूंस। मसीह दोतु थल्जी सिए इलि दंङ बाह परमेश्वरे दोबि श्रींङमी लहरी।

इफिसियों 2:3

ञेंरे ला तुहई कि ए ठ्रोह जीवन श्रींङमातंई, दंङ पापी स्वाभावो हिटी पूरा लहज़ातेर, अंऊ ला हेंदु मदम हिटी दंङ मदम विचार ञेंहतु दोरच़ी लोहवातेर ञेंहच़ी दू ए लहज़ातंई। ऊईतु ठ्रोह, ञेंरे ला स्वाभाविक रूपारिंङ ज़ि मदम तोतोर, दंङ परमेश्वरो सज़ाओ अधीन तोहनि।

इफिसियों 4:17

झांह लेह दू अधिकार रंङ साते अंऊ प्रभु ज़ि गिह्बी रांहषी तोह, गेह केतिंङ दि कुट्रातग कि केरे अविशवासी मीहतु ठ्रोह बेकार विचारा रंङ साते केनातु जीवन बरबाद था लंहि।

इफिसियों 5:17

झांह लेह मुर्ख था बणेक्तुंई, पर दि समझेक्सिमी कोशिश लोह कि प्रभु केतंङ साते छि लहज़ी जुंज़ा।

इफिसियों 6:6

केतिंङ हर टेम केनातु-केनातु मालिका तु भाषे लहज़ी जूंशी तोह, सिर्फ दोहपल ए मशत अपेहल दोच़ी केरे खंड्रातोर। पर मसीहू दास ठ्रोह बणेंके बंङज़ेंई, अंऊ एनोह भत्ते सेहमे दू ए लहज़ातोर अंऊ परमेश्वरे चेहच़ा कि दोच़ी लोहर।

कुलुस्सियों 1:9

झांह लेह अपेहल बे ञेंहच़ी दि रैहशी तातंई, दंङ हमेशा ञेंहच़ी केहतु थल्जी प्रार्थना लहज़ा तंई कि परमेश्वरो आत्मा केतिंङ ज्ञान ए समझ रमतो ताकि केहच़ी दोऊ हिटी पुरा रिति रंङ समझेक्पोंई।

कुलुस्सियों 3:3

छना कुचे केरे ता केनातु पापो स्वाभावो दोरच़ी सिए इलजी तोंई दंङ केहतु खरकोई जीवन मसीहरंङ साते परमेश्वरारंङ ब्याके तोह।

कुलुस्सियों 4:12

इपफ्रास, अंऊ केहतु नगरो तोह, दंङ मसीह यीशु दास तोह, केतिंङ नमस्कार कुट्रा। दोई केहतु थल्जी सेहमारंङ प्रार्थना लहज़ा, ताकि परमेश्वर केतिंङ पक्‍का ए सिद्ध बणाके दंङ केरे भत्ते विशवासारंङ साते परमेश्वरो हिटी पूरा लोहवा लोंहि।

1 थिस्सलुनीकियों 5:18

हर हालातरिंङ परमेश्वरो धन्यवाद लोहवा लंहि; छना कुचे केहतु थल्जी मसीह यीशु रिंङ परमेश्वरो दिए हिटी तोह।

याकूब 1:18

दोई एनोह ए हिटीरंङ साते हेंदिंङ हेले बचनो दोरच़ी खरकोई जीवन रांहषी ततो, दोई दि झांह लेह लहरी ताकि ञेंरे विशवासी हर दुह चीज़ो खास हिस्सा शोंई, अंऊ दोऊ दोरच़ी बणाषी शुह।

1 पतरस 1:14

परमेश्वरो हुकुमो भाषे लंहि छना कुचे केरे दोऊ कटुरे शुई। दंङ दू मदम कम थालंही अतिंङ केरे दू मुक्का लहज़िमी हिटी तहज़ातंई, अपेहल केरे परमेश्वरो सच्चाई माह ञेंहच़ातंई।

1 पतरस 2:1

झांह लेह भत्ते पाहठी मदम व्यवहार छोड़ेके च़रतुंई। ऊईतिंङ धोखा थारांई, पाखंडी थाशुंई। ऊईतिंङ साते जलन थालंही। ऊई मीहतु पाहठी मदम गप्पा था कुंई।

1 यूहन्ना 2:17

संसार ए दोऊ हिटी झुल्ला योह्सा योतो, पर अंऊ परमेश्वरो हिटी टोहकठे ज़ोज़ा दुह हमेशा बणेंके बंङज़ोतो।