1 पतरस 4:16 - लाहौली बाइबिल

¹⁶ पर अगर मसीह शुहबिमी दोरच़ी दुख खोकपोंई, दंङ शर्मिन्दा था शुई, बल्कि, परमेश्वरो महिमा लंहि कि केरे दिऊ थल्जी दुख सहन लहज़ातंई छना कुचे केरे मसीहू शुई।

1 पतरस 4:16 Iomraidhean Croise

प्रेरित 11:26

दंङ अपेहल दोतंङ साते दोहरी ता दोतिंङ अन्ताकिया शहरो हखा वापिस रैंज़ा हति, दंङ झांह शुई कि शाऊल ए बरनबास इच्च़ा साल तचेक कलीसियाओ मीहतिंङ साते दोहा ए महस मीहतिंङ यीशु मसीहू पाहठी शिक्षा रंड्री लेहतिर, दंङ विशवासी भत्ते बे मुण्डा रिंङ अन्ताकिया शहरंङ ए मसीह कहलाएतिर।

प्रेरित 26:28

दोहपल अग्रिप्पे पोलुसरंङ साते कुई, “छि केई गिह्बी थोड़े अरे समझाएक्ची रंङ साते केहच़ी गिह्बी मसीह बणाएषी थल्जी मज़बूर लेह जुंज़ातंई आ?”

प्रेरित 28:22

पर कनु विचार छि तोह? दिए गप्पा ञेंरे केहतु दोरच़ी रेड्री जुंज़ातंई यीशु थलेच़ि जोज़ा तु पाहठी तातंई, छना कुचे ञेंहच़ी ञेंहच़ातंई, कि भत्ते ठाहरीरिंङ दि दलो पाहठी गप्पा शुहबी लेहकी तोह।

प्रेरित 5:41

दंङ दोरे यहुदी सभा ओ तुईज़ी हुंच़ा इलिर। दंङ छना दोरे वापिस यवातेर दोरे दि गप्पा रंङ खुश शुचे तोईरे कि ञेंरे यीशु थल्जी निरादर शुहबिमी जोगे शुईरे।

फिलिपियों 1:20

गिऊ सेहमो हिटी ए उम्मीद दि तोह, कि गेह अंऊ लाह गप्पा रिंङ शर्मिन्दा माह शुगाह, पर गिह्बी मसीहू पाहठी कुट्री हिम्मत शवाह छना कि गेह बितेगी टेमारिंङ कुहतेग। चाहे गेह श्रींङी बंङज़ोग या सिए योग, गेह घेंङौ भत्ते ज़िंदगी ऊ दोरच़ी मसीह बि आदर रम्मा लोहग।

फिलिपियों 1:29

छना कुचे मसीह वहज़ा ज़ि केहतु टोईच़ी दि मोह्ड़े दाह शुई, कि माह सिर्फ दोऊ टोईच़ी विशवास लंहि पर दोऊ थल्जी दुख लाह उठाकतेंई।

2 तीमुथियुस 1:12

दंङ दिऊ थल्जी गेह देर कैदारिंङ दुख उठाएच़ातग छना कुचे गेह मीहतिंङ यीशु मसीहू पाहठी प्रचार लहज़ातग, पर गेह शर्मिन्दा माह शवाहतग। छना कुचे गेह मसीह बि ञेंहच़ातग, अतु टोईच़ी गेह विशवास लहज़ातग, गिह्बी पक्‍का पता तोह कि मसीह दुह ध्याड़ा तचेक अपेहल तचेक दुह वापिस माह अपतो, रूठे खबरो रक्षा लेह तरपोतो अंऊ दोई गिह्बी रांहषी ततो।

याकूब 2:7

दोरे दुह ए शुरे अंऊ यीशु मसीहू मोह्ड़े मिंदंङ मांजी गप्पा कुट्रातोर, अतंङ साते केहच़ी संबध तहज़ातंई।

1 पतरस 2:12

ऊई जातिऊ मीहतु बिचंङ केहतु व्यवहार रूठे शुहबी जूंस। छना कुचे एंतेग अच़ि केतिंङ मदम कम लहज़ा कुट्रा मीहरे कुचे दोष लगाएपोर, दोरे मीहरे अपेहल परमेश्वर अपतो दुह ध्याड़ा केहतु रूठे कम खंड्रा परमेश्वरो महिमा लोहर।

1 पतरस 4:11

अगर केहतु कछंङ प्रचार लहज़िमी वरदान तोह, दंङ केतिंङ परमेश्वरो बचनो प्रचार लहज़ी जूंशी तोह। अगर केहतु कछंङ ऊईतु मदत लहज़िमी वरदान तोह, दंङ दू, दू सामर्थ रंङ साते लंहि अंऊ परमेश्वर केतिंङ रंड्रा। तांला छिल्ला धिर केहच़ी लोहनि दू यीशु मसीहू दोरच़ी परमेश्वरा बि महिमा रमतो। भत्ते महिमा ए सामर्थ हमेशा-हमेशा ओ थल्जी दोऊ शुह। अमीन।

1 पतरस 4:14

दंङ अगर मसीहू मिन्दु थल्जी केहतु निन्दा शवाह, दंङ केरे धन्य शुई; छना कुचे परमेश्वरो महिमा ओ आत्मा केहतु अंदरेग बंङज़ा।

1 पतरस 4:19

झांह लेह, अंऊ मीहरे ध्वांए ठ्रोह दुख सहन लहज़ातोर छना परमेश्वरे जुंज़ा, दोतिंङ परमेश्वरो टोईच़ी विशवास लहज़ी जारी तहच़ि जूंशी तोह। परमेश्वरे हमेशा दू ए लहज़ी अंऊ दू लहज़िमी दोई वाईदा लहसी ततो दिऊ थल्जी अंऊ रूठे तोह दू लहज़ी जारी तंही।