1 पतरस 4:13 - लाहौली बाइबिल

¹³ बस दिऊ पाहठी खुश तोईनी, कि केरे मसीहू दुखारिंङ सहभागी शुहचे तोईनी। झांह लेह, अपेहल मसीह भत्ते मीहतिंङ एनोह महिमा प्रगट लहज़िमी थल्जी यह्च़ा अपतो दंङ केहतु खुशी हेले रिंङ बणेंके योतो।

1 पतरस 4:13 Iomraidhean Croise

मत्ती 16:27

मीहू योह एनोह स्वर्गदूत तंङ साते एनोह बाहऊ महिमारंङ अपतो, दंङ दोई दोहथर भत्तेतिंङ दोतु काहमो हिसाबे फल रमोतो।

मत्ती 25:21

दोऊ मालिका ज़ि दोबि कुहतो, धन्य शुनाह हे रूठे ए विशवासो जोगे परगरा कांह थोड़ेरिंङ टंगा ढबाह सोठेक्च़िमी थल्जी विशवास जोगे बंङज़िन; गेह कनिंङ महस धिरो अधिकारी लेह केओग। केनोह मालिको खुशीरिंङ शामिल शुह।

मत्ती 25:23

दोऊ मालिके दोबि कुहतो, धन्य, हे रूठे ए विशवासो जोगे परगरा कांह थोड़े अरे ढबाह सोठेक्च़िमी थल्जी विशवासो जोगे बंङज़िन; गेह कनिंङ मह्सधिरातु अधिकारी बंणाएपोग केनोह मालिको खुशीरिंङ शामिल शुह।

मत्ती 25:31

अपेहल गेह मीहू योह यच़ाह अपोग, दंङ गेह घेंङौ महिमारंङ साते अपोग दंङ भत्ते स्वर्गदूतारे घेंङौ साते हपोग। दोहपल गेह भत्ते मीहतु न्याय लहच़िमी थल्जी घेंङौ महिमो सिहासनो टोईच़ी बंङज़ोग।

मत्ती 25:34

दंङ गेह रज्ज़ा घेंङौ सुचंङ हासी दोतंङ कोहग, हे गिऊ स्वर्गीय बाहऊ धन्य मीहरे, अतंई, दुह राज्यो हकदार शुहचे ईलांई, अंऊ संसारो शुरुआतबे केहतु थल्जी त्याहर लहसी तोह।

मत्ती 5:12

दोहपल केहरे खुशी मनातुंई ए मगन शुई छना कुचे स्वर्गंङ केहतु थल्जी मोह्ड़े ईनाम तोह। दिऊ थल्जी कि दोच़ी दुह भविष्यवक्तातिंङ अंऊ महसे तुईबेज़ि तोईरे ध्यांए तंग लहज़ातेर।

मरकुसो 8:38

अंऊ दि कुकम लच़ाहढ ए पापी मीहतु बिचंङ गेह मीहू योह बि ए गिऊ शिक्षा ग्रहण माह लोहतो, दंङ अपेहल गेह ला घेंङौ पवित्र स्वर्गदूतारंङ साते घेंङौ बाहो महिमा रंङ साते अपोग, दंङ गेह ला दोतिंङ ग्रहण माह लोहग।

लूको 17:30

गेह मीहू योहऊ अचानक यच़ाह वापिस अपिमी ध्याड़ारिंङ लाह ध्यांए शोतो।

प्रेरित 16:25

अधा राता रिंङ लगभग पोलुस ए सीलास प्रार्थना लहज़ी दंङ परमेश्वरो भजन कुट्री लेह्की तोहरे, दंङ कैदी रे दोतु रेड्री लेह्की तोईरे।

प्रेरित 5:41

दंङ दोरे यहुदी सभा ओ तुईज़ी हुंच़ा इलिर। दंङ छना दोरे वापिस यवातेर दोरे दि गप्पा रंङ खुश शुचे तोईरे कि ञेंरे यीशु थल्जी निरादर शुहबिमी जोगे शुईरे।

रोमियो 5:3

सिर्फ दि माह, पर हेनरे दुखारि ला खुशी मनेक्पोंई, दि ञेंए कि दुखा रिंङ ए धीरज़,

रोमियो 8:17

अगर हेनर परमेश्वरो कटुरे शुई ता दोऊ वारिस ला शुई, पर परमेश्वरो वारिस ए मसीह रंङ साते वारिस तोईनी। अगर हेनर यीशु रंङ साते दुख उठाएपोंई, दंङ हेनर दोऊ महिमा रिंङ ला सहभागी शुहचे योंई।

रोमियो 8:18

गिह्बी पक्‍का पता तोह, कि अंऊ महिमा हेंदिंङ थले खोकसोतो, दू दि दुख बे महस मोह्ड़े तोह अंऊ हेंज़ी एंतेग सहन लहज़ी लेहकी तोतोंई।

2 कुरिन्थियों 1:5

छना कुचे मसीहू दुखारिंङ हेनर भागीदार शवातंई, ध्वांए हेंदु तसल्ली ओ थल्जी मसीहू दोरच़ी महस भागीदार शवातंई।

2 कुरिन्थियों 1:7

दंङ ञेंहतु उम्मीद केहतु पाहठी पक्‍का तोह; छना कुचे ञेंहच़ी ञेंच़ातंई छना ठ्रोह केरे ञेंहतु दुखारिंङ भागीदार तोतोंई, ध्वांए ठ्रोह केरे ञेंहतु तसल्ली रिंङ ला भागीदार तोतोंई।

2 कुरिन्थियों 4:10

हेनर यीशु ठ्रोह भत्ते टेम लगातार सच़ी केट्रिमी खतरा रिंङ बंङज़ातंई, ताकि मीहरे यीशु जीवना बि दू चीज़ा रिंङ खमोर अंऊ हेंज़ी लहज़ातंई।

2 कुरिन्थियों 4:17

हेंदु दि कवचि ए थोड़े हरे दुख हेंदु थल्जी झांह ठ्रोह अनंत महिमा पैदा लहज़ा, अतु पाहठी हेंज़ी सोचेक्सी माहरच़ातंई।

फिलिपियों 3:10

गेह दि जुंज़ातग कि मसीह बि ञेंए च़रपोग दोऊ सिमी दोरच़ी श्रींङे इबिमी सामर्थ महसूस लेह तरपोग दंङ लगातार दुख सहन लोहग छना दोई लाहतो, दंङ सिमी मुक्का दोऊ ठ्रोह बणेंके योग।

कुलुस्सियों 1:24

दंङ हेंतेग गेह केहतु थल्जी अंऊ दुख सहन लहज़ातग दोऊ वहज़ा ज़ि खुश तोतोग। दंङ गेह लगातार घेंङौ फुको दुख सहन लहज़ातग, छना मसीह सहन लाहते, दंङ दि दुख गेह मसीहू कलीसियाओ थल्जी सहन लहज़ातग अंऊ मसीहू फुक शुह।

2 तीमुथियुस 2:12

अगर हेनर दोऊ थल्जी दुख सहन लोहनि ता, दंङ हेनर दोरंङ साते रज्ज़ा ओ ठ्रोह राज ला लोहनि। अगर हेंज़ि कोंई कि ञेंहच़ी मसीह बि माह ञेंहनि दंङ दोई ला कोहतो कि हेनर दोऊ माह शुई।

1 पतरस 1:13

झांह लेह, केरे मीहरे सोचेक्सिमी थल्जी तेयार शुचि इलांई। खबरदार बंङज़ुंई दंङ केनातु उम्मीद पूरा ठ्रोह दुह मोह्ड़े दाह ओ टोईच़ी लगाके तंही, अंऊ यीशु मसीहू प्रकट शुहबिमी मुक्का केतिंङ खोकसोतो।

1 पतरस 2:21

परमेश्वरो दोरच़ी केरे अंङषी दोरच़ी इच्च़ा वहज़ा दि ला तोह कि केरे दोऊ थल्जी रूठे कम लहज़ा दुख सहन लेह च़रपोंई। मसीह, अच़ि केहतु थल्जी दुख सहन लहरी, दू एनाह ए केहतु थल्जी इच्च़ा उदाहरण रे च़रति, ताकि केरे दोऊ हिद लंहि।

1 पतरस 5:1

रें झांह ठ्रोह गप्पा तोह अंऊ गेह दोरकी सेंहणा तंङ साते कुट्री तातग छना कुचे गेह ला केहतु ठ्रोह इच्च़ा सेंहणा शुगाह। गेह घेंङौ दू दुखा बि तंङातेग अंऊ महसे तुहई मसीह ज़ि सहन लहरी। अपेहल दू यह्च़ा वापिस अपतो, दंङ गेह ला दोऊ महिमा रिंङ सहभागी शोहग दंङ गेह केतंङ साते विनती लहज़ातग,

1 पतरस 5:10

हेंतेग परमेश्वर अंऊ भत्ते तरीका रंङ मोह्ड़े दाह ए पिंङषा तोह, दोई हेंदिंङ यीशु मसीह रंङ साते हेंदु नाता ओ थल्जी स्वर्गा रिंङ दोऊ अनंत महिमा ओ थल्जी सहभागी शुहबिमी थल्जी हेनर अंङे च़रति। केहतु थोड़े टेमो दुख सहन लहज़िमी थल, परमेश्वर केतिंङ रूठे बणाके च़रपोतो ताकि केहतु अंदरेग ला छल्ले शुहबी मेस दंङ परमेश्वर केतिंङ पक्‍का लोहतो ताकि केहतु विशवास पक्‍का शोतो।

यहूदा 1:24

इच्च़ा परमेश्वर ए तोह अंऊ केतिंङ दह्पिमी दोरच़ी बचाएपोतो, दंङ केतिंङ निर्दोष ए खुश लोहतो, अपेहल दोई केतिंङ एनोह महिमा ओ थल्जी एनोह तुईज़ी खड़े लहज़ा। दोई हेंदिंङ हेंदु प्रभु यीशु मसीहू दोरच़ी बचाके चरच़तो। महिमा, गौरव, सामर्थ ए अधिकार टेमो शुरूआत बेहच़ी दोऊ तोईरे, हेंतेग ला दोऊ तोतोर, दंङ हमेशा ओ थल्जी दोऊ ए गुह्ट्र बंङज़ोर। अमीन।

प्रकाशित वाक्य 1:7

रेड्रुं, दुह डुह रंङ साते अपिमी तोह; दंङ हर इच्च़ा मीह दोबि खमतो, देर तचेक कि अंऊ मीहरे दोऊ मौतो ज़िमेवार तोईरे, दोरे ला दोबि अपि खमोर। धरतीऊ भत्ते मीहरे जोरे-जोरे क्रपोर अपेहल दोरे दोबि खमोर। वोई झांह शोतो! अमीन।

प्रकाशित वाक्य 1:9

“गेह यूहन्ना, केहतु साथी विशवासी, दंङ यीशु रंङ साते केहतु एकता ओ वहज़ा ज़ि गेह केतंङ साते परमेश्वरो राज रिंङ, दुखा रिंङ, दंङ दुह सहन लहज़िमी शाक्ति रिंङ सहभागी तोतोग, गिह्बी पतमुस टापूरिंङ कैदी बणाके चरच़ि छना कुचे परमेश्वरो खबर ए यीशु दोरच़ी प्रगट लहसी सच्चाई ओ प्रचार लहज़ा।”