1 पतरस 4:11 - लाहौली बाइबिल

¹¹ अगर केहतु कछंङ प्रचार लहज़िमी वरदान तोह, दंङ केतिंङ परमेश्वरो बचनो प्रचार लहज़ी जूंशी तोह। अगर केहतु कछंङ ऊईतु मदत लहज़िमी वरदान तोह, दंङ दू, दू सामर्थ रंङ साते लंहि अंऊ परमेश्वर केतिंङ रंड्रा। तांला छिल्ला धिर केहच़ी लोहनि दू यीशु मसीहू दोरच़ी परमेश्वरा बि महिमा रमतो। भत्ते महिमा ए सामर्थ हमेशा-हमेशा ओ थल्जी दोऊ शुह। अमीन।

1 पतरस 4:11 Iomraidhean Croise

मत्ती 6:13

दंङ ञेंतिंङ परीक्षा रिंङ था हता पर शेतानो दोरच़ी बचाएतु छना कुचे, राज्य पराक्रमऐ महिमा हमेशा कांह ए शुहरे, आमीन।

यहून्नो 13:31

अपेहल यहूदा धह्कते अच़ा इलि दंङ यीशु ज़ि कुंई, “दा गेह मीहू योहू महिमा शुई, दंङ दोऊ दोरच़ी परमेश्वरो महिमा शुहचा;

प्रेरित 7:38

दंङ दिह ए मूसा भविष्यवक्ता ओ रुपंङ हेनातु बाह-मेमे तंङ साते तोहई अपेहल दोरे सुनसान ठहरि इच्च़ा साते ठ्रोहका तोईरे, दोर्तिंङ मूसा बि परमेश्वरो दोरच़ी अनंत जीवनो बचन खोकसिरी, दंङ दोई दोरे बचन ञेंहतु कछंङ तचेक पिपि लहरी।

रोमियो 11:36

छना कुचे भत्ते धिर परमेश्वरो दोरच़ी ए अपत, दोई भत्ते धिर बणाषी शुह, दंङ भत्ते धिर दोऊ ए शुह। दोऊ महिमा युगानुयुग शुहवा लोहतो। अमीन।

रोमियो 12:3

छना कुचे गेह दू मोह्ड़े दाह ओ वहज़ा ज़ि अंऊ गिह्बी खोकसी तोह, केहतु बिचंङ हर इच्च़ा रंङ साते कुट्रातग कि छना समझेची जूंस दुबे बड़के अरिला एनाबि था सोचेक्तुंई। पर छना परमेश्वरे केतिंङ अंयों विशवास रांहषी ततो दोऊ हिसाबे सुबुद्धिरंङ साते केनातिंङ समझेक्तुंई।

रोमियो 16:27

यीशु मसीहू दोरच़ी दू इच्च़ा ए प्रजापति बुद्धिमान परमेश्वरो महिमा हमेशा-हमेशा शुहवा लोहतो। अमीन।

रोमियो 3:2

वोई, इच्च़ा यहुदी शुहबिमी महस फायदा तोह। भत्ते बे ज़रूरी गप्पा दि तोह कि, परमेश्वरो बचन यहुदी मीहतिंङ रांहषी तोह।

1 कुरिन्थियों 10:31

गिऊ कुट्रीमी दि मतलब तोह, केरे चाहे ज़ोवातंई या तुंङमातंई, चाहे छिल्ला धिर लहज़ातंई, भत्ते धिर परमेश्वरो महिमा ओ थल्जी लोहवा लंहि।

1 कुरिन्थियों 12:4

पवित्र आत्माओ दोरच़ी खोकसी वरदान ता शत्‌ह-शत्‌ह तोतोर पर पवित्र आत्मा इच्च़ा ए तोह।

1 कुरिन्थियों 3:10

परमेश्वरे अंऊ वरदान गिह्बी रांहषी ततो, दोऊ इस्तेमाल लहज़ी गेह दू चुंङो मुयांद इच्च़ा बुद्धिमान राजमिस्त्री ठ्रोह केईगा, दंङ ऊई मीहरे दू मुयांदो टोईच़ी कम लहज़ी लेहकी तोतोर, पर भत्ते मीहतिंङ खबरदार बंङज़ी जूंशी तोह कि दोरे दिऊ टोहकठे छना कम लहज़ी लेहकी तोतोर।

1 कुरिन्थियों 6:20

छना कुचे केरे ढबाह रेंई ते च़ुमसी शुई; झांह लेह केनातु फुको दोरच़ी परमेश्वरो महिमा लंहि।

2 कुरिन्थियों 2:17

छना कुचे हेनर दू महसे तु बराबर माह तोंई, अंऊ परमेश्वरो बचन एनोह फायदा ओ थल्जी प्रचार लहज़ा; पर हेनर परमेश्वरो बचनो प्रचार सच्चाई ए मसीहू अधिकारारंङ साते लहज़ातंई, दि ञेंई कि परमेश्वर हेंदिंङ खंड्रा बंङज़ा तोह।

2 कुरिन्थियों 9:13

छना कुचे ऊईतु मदत लहज़िमी थल्जी ढबाह रंड्रीमी सेवा दि साबित लोहतो कि केरे सच्चा शुई। महस मीहरे परमेश्वरो महिमा प्रगट लहज़ातोर, कि अपेहल केहच़ी कुट्रातंई कि रूठे खबर हेले तोहई दंङ केरे दिबी मनेक्पोंई दंङ केहच़ी केनाच़ि केनातु शब्दा तु भाषे लहज़ातंई। दंङ गरीब विशवासी तु ए भत्ते तु मदत लहज़िमी उदारता प्रगट लोहवा लाहतंई।

इफिसियों 1:19

गेह जुंज़ातग कि केरे दू मोह्ड़े ए शक्तिशाली सामर्थो पाहठी ञेंए च़रतुंई अंऊ परमेश्वरो कछंङ हेंदु थल्जी तोह, अंऊ दू मसीहू टोहकठे भरोसा लहज़ातोर। दि दू ए मोह्ड़े शाक्ति शुह,

इफिसियों 4:29

अंऊ ला झखंजी गप्पा केहतु आहच़ि हुंच़ी मेस, पर दू गप्पारे कुंई अंऊ मीहतु थल्जी ज़रूरी तोह, अंऊ कि दोतिंङ विशवास रिंङ पक्‍का लहज़िमी थल्जी मदत लोहतो। दू मुक्का छिल्ला केहच़ी कुंई दू केहतु रेड्रा दोतु थल्जी रूठे शोतो।

इफिसियों 5:20

छिल्ला धिर हेंदु प्रभु यीशु मसीह ज़ि लहसी तोह दोऊ वहज़ा ज़ि हमेशा हेंदु बाह परमेश्वरो भत्ते गप्पातु थल्जी धन्यवाद लोहवा लंहि।

इफिसियों 6:10

आखरी गप्पा दि तोह कि केरे प्रभु सामर्थो दोरच़ी आत्मिक तरीका रंङ पक्‍का शुहचे इलांई।

फिलिपियों 1:11

छना इच्च़ा बुट फल पैदा लहज़ा ध्वांए केहच़ी धर्मिकताऊ कम लोहवा लंहि अंऊ प्रभु यीशु मसीहू दोरच़ी शवाह दोरंङ साते भरपूर शुचे इलेंई अतु दोरच़ी यीशु मसीहू महिमा ए षटणा शुहबी जूंस।

फिलिपियों 2:11

दंङ बाह परमेश्वरो महिमाऊ थल्जी भत्ते एनोह आहच़ि अंगीकार लेह कि यीशु मसीह प्रभु शुह।

कुलुस्सियों 4:6

केहतु गप्पा हमेशा दाह ए सेहमरिङ गमेकी शुहबी जूंस, केतिंङ हर इच्च़ा मीहबी केनातु विशवासो थल्जी ठीक-ठीक जबाब रंड्री अपि जूंस।

1 थिस्सलुनीकियों 2:4

परमेश्वरे हेनर दि जोगे चेहके ए दि रूठे खबर रें च़रति। झांह लेह हेनर मीहतिंङ ए मशत, पर हेंदु सेहम परखेकच़ा परमेश्वरा बि खुश लहच़िमी ठ्रोह शिक्षा रंड्रातंई।

1 तीमुथियुस 1:17

दंङ हेंतेग अनंतकालो रज्ज़ा अंऊ हमेशा ओ थल्जी श्रींङी तोह अपि अच़िला खांई मरपोर, इच्च़ा ए सच्चा परमेश्वरो आदर ए महिमा युगानयुग शुहवा लोहतो। अमीन।

1 तीमुथियुस 6:16

सिर्फ दुह ए तोह अंऊ हमेशा ओ थल्जी श्रींङी तोह, दुह धोंण चमकदार छंङीरिंङ बंङज़ा, कि अरिला दोऊ कछंङ अपि मरछा, माह ता दोबि अच़िया मीह खंड्री तरपोतो। दोऊ महिमा ए सामर्थ युगानयुग बंङज़ोतो। अमीन।

तीतुस 2:1

पर तीतुस काह विशवासी तिंङ सिर्फ दुह ए गप्पा कंड्रु अंऊ सच्चाई ओ शिक्षा तोह।

तीतुस 2:15

झांह लेह तीतुस गेह जुंज़ातग कि कांह क्रेते टापू अविशवासी तिंङ दि गप्पा सिखातु अंऊ गेह कनिंङ कांहषी तातग। केनोह मीहतिंङ दि लहज़िमी थल्जी उत्साहित लोह, अंऊर ज़रूरत शोतो, दोर्तिंङ दोतिंङ सुधार लोह। कनिंङ झांह लहच़िमी भत्ते अधिकार तोह, अच़िया कांह अपमान लेह माह जूंस।

इब्रानियों 13:7

अंऊ केहतु अगुवा तोईरे, दंङ अच़ि केतिंङ परमेश्वरो बचन सुनाच़ी तातोर, दोतिंङ हिद तंही; दंङ ध्याना रंङ साते दोतु जीवन खंई, कि छना दोच़ी एनोह जीवन‍‍ श्रींङमातोर, दंङ सिमी मुक्का तचेक परमेश्वरो विशवासा रिंङ पक्‍का बणेंके बंङज़िरे। झांह लेह हेंदिंङ ला परमेश्वरो टोईच़ी ध्वांए ठ्रोह विशवास लहज़ी लेह्पोतो छना दोच़ी लहसी तरेर।

इब्रानियों 5:12

केरे महस टेम बेहच़ी विशवास लहज़ातंई। दंङ विशवास तचेक केतिंङ सिखाच़िमी जोगे शुचि इबि जूंशी तोहई। दिऊ बजाए, केतिंङ विशवास ला अतुआ ज़रूरत तोह अंऊ केतिंङ परमेश्वरो बचनो ओ पाहठी शिक्षा यह्च़ा कंङमोतो। केरे ता झांह शुचि तोंई, ञेंईनि कि कटुरे शुई। ड्हका बगत ज़ेईमी बजाए, केहच़ी अईता ला पानु जुंज़ातंई।

याकूब 1:19

हे गिऊ प्यारे साथी विशवासी रे, दि गप्पा केहच़ी ञेंई च़रतुंई; हर इच्च़ा मीह रेड्रीमी थल्जी तेयार दंङ कुट्री ए रोहष सूले शुहबी जूंस।

याकूब 1:26

अगर अच़िया एनाबि भक्त समझेक्च़ा, पर मांजी गप्पा कुट्रिमी थल्जी एनोह लेह रिंङ काबू माह तहज़ा दंङ दुह एनाबि धोखा रंड्रा, दंङ दोऊ भक्ति बेकार तोह।

1 पतरस 2:12

ऊई जातिऊ मीहतु बिचंङ केहतु व्यवहार रूठे शुहबी जूंस। छना कुचे एंतेग अच़ि केतिंङ मदम कम लहज़ा कुट्रा मीहरे कुचे दोष लगाएपोर, दोरे मीहरे अपेहल परमेश्वर अपतो दुह ध्याड़ा केहतु रूठे कम खंड्रा परमेश्वरो महिमा लोहर।

1 पतरस 4:10

हर इच्च़ा मीहबी परमेश्वरो दोरच़ी वरदान खोकसा तोह दंङ दोतिंङ दू वरदानो इस्तेमाल ऊईतु मदत लहज़िमी थल्जी लेह जूंशी तोह। दोतिंङ परमेश्वरो रूठे सेवको रूपा रिंङ एनोह वरदानो इस्तेमाल रूठे रंङ लहज़ी जूंशी तोह।

1 पतरस 4:16

पर अगर मसीह शुहबिमी दोरच़ी दुख खोकपोंई, दंङ शर्मिन्दा था शुई, बल्कि, परमेश्वरो महिमा लंहि कि केरे दिऊ थल्जी दुख सहन लहज़ातंई छना कुचे केरे मसीहू शुई।

1 पतरस 5:11

दू हमेशा ओ थल्जी सामर्थशाली रूपा रिंङ राज लोहतो। अमीन।