1 पतरस 4:10 - लाहौली बाइबिल

¹⁰ हर इच्च़ा मीहबी परमेश्वरो दोरच़ी वरदान खोकसा तोह दंङ दोतिंङ दू वरदानो इस्तेमाल ऊईतु मदत लहज़िमी थल्जी लेह जूंशी तोह। दोतिंङ परमेश्वरो रूठे सेवको रूपा रिंङ एनोह वरदानो इस्तेमाल रूठे रंङ लहज़ी जूंशी तोह।

1 पतरस 4:10 Iomraidhean Croise

मत्ती 20:28

छना कि गेह मीहू योह; दिऊ थल्जी अंज़े मशुह कि गिऊ सेवा टहल शुहबी जूंस, पर दिऊ थल्जी अंज़े शुह कि सेवा टहल लोहग, दंङ महसतिङ बचाएच़िमी थल्जी घेंङौ जान रमोग।”

मत्ती 24:14

दंङ परमेश्वरो राज्यो पाहठी दिह रूठे खबर भत्ते संसारारंङ प्रचार शोतो कि भत्ते देशो जाति ज़ि दिबी ग्रहण लहज़िमी मोका खोकसोतो। दोहथल संसारो अंत अपतो।

मत्ती 24:21

छना कुचे दोहथल धिठ्रोह भारी मुसीबत (कलेश) अपतो, छना ठ्रोह संसारो शुहरूबे तोग ता शुहचे माह ए दिबे थल अपेहला शोतो।

मत्ती 24:45

दिऊ थल्जी इच्च़ा वफादार, समझदार परगर दुह शुबी, अतिंङ दोऊ मालिके दोबि एनोह ऊई चुंङो परगरातु ध्यान तहच़ि ए दोतिंङ बगत रंड्रीमी ज़िम्मेवारी रेह तरच़ी।

मत्ती 25:17

ध्यांए अच़ि झुह्ट खोक्शते दोईला झुह्ट ऊहई कमाकतो।

मत्ती 25:44

दंङ दोच़ी जुबाब रमोर, हे प्रभु ञेंहच़ी कांह अपेहल योंई, या तीस्कारतिंङ या परदेशी नंङटे, टेची छिता बन्दीग्रह तंङातेंई, दंङ कांह सेवा टहल मलाहतेंई?

मरकुसो 10:45

छना कुचे गेह मीहू योह शुगाह, ऊईतु दोरच़ी घेंङौ सेवा लहज़ी अंज़े माह शुगाह, दंङ ऊईतु सेवा लहज़ी अंज़े शुगाह। देर तचेक कि गिह्बी सच़ी च़रपोर। गिऊ सिमी रंङ साते महसे मीहरे एनोह पापो दोरच़ी छुटकारा खोकसा योतो।”

लूको 12:42

प्रभु ज़ि दोबि जुबाब रेंई, “दुह विशवासो जोगे ए समझकार परगर अरी शुह, अतु मालिके दोबि ऊई नोकरा तु टोईच़ी मुख्या नियुक्त लोहतो कि दोतिंङ टेमा रिंङ बगत रमतो।”

लूको 19:13

दोई एनोह परगरो बिचंङज़ि सा परगरा रे बुलाके दंङ दोतिंङ राह तोड़ा (मतलब इच्च़ा मीहू षुमु सालो कमाई) रें दंङ दोतिंङ कुंई, गिऊ यह्च़ा तचेक लेन देन लांई।”

लूको 8:3

दंङ रज्ज़ा हेरोदेसो भंडारीऊ मेच़ा योअन्ना ए सुस्न्ना, दंङ ऊई ला मेच़मी। दिहरे एनोह टंगा-ढबाहो दोरच़ी द्वारा यीशु ए दोऊ चेला तु सेवा लह्ज़तेर।

रोमियो 15:25

हेंतेग गेह परमेश्वरो मीहतिंङ भेंट रंड्रीमी थल्जी यरूशलेम शहरो हखा यवातग।

रोमियो 15:27

दोच़ी दि खुशी रंङ साते लहरिर कि, पर दोरे यरूशलेम शहरारिंङ बंङज़ा मीहतु कर्ज़दार तोतोर, छना कुचे ऊईजाति ज़ि यरूशलेम शहरारिंङ बंङज़ा विशवासी तु दोरच़ी रूठे खबरो आत्मिक आशीष खोकतिर, झांह लेह दोतिंङ च़ेहसा, कि दिऊ बदला रिंङ दोरे कम से कम दोतु दान रंड्रा ते मदत लेह तरपोर।

1 कुरिन्थियों 15:10

पर अगर तोग गेह प्रेरित शुगाह दंङ दुह परमेश्वरो मोह्ड़े दाह शुह। दंङ दोऊ मोह्ड़े दाह अंऊ गिऊ टोईच़ी शुई, दुह शुह्के माह शुई पर गेह ऊई अरिला प्रेरित बे महस मेहनत ला लहरिगा ता दि गिऊ दोरच़ी मशत पर परमेश्वरो मोह्ड़े दाह गिऊ दोरच़ी कम लहज़ाते।

1 कुरिन्थियों 3:10

परमेश्वरे अंऊ वरदान गिह्बी रांहषी ततो, दोऊ इस्तेमाल लहज़ी गेह दू चुंङो मुयांद इच्च़ा बुद्धिमान राजमिस्त्री ठ्रोह केईगा, दंङ ऊई मीहरे दू मुयांदो टोईच़ी कम लहज़ी लेहकी तोतोर, पर भत्ते मीहतिंङ खबरदार बंङज़ी जूंशी तोह कि दोरे दिऊ टोहकठे छना कम लहज़ी लेहकी तोतोर।

1 कुरिन्थियों 4:7

अच़िला केतिंङ ऊईदि बे खास बणाषी माह! छिल्ला धिर केहतु कछंङ तोह दू केतिंङ परमेश्वरो दोरच़ी खोकसा तोह। दंङ केतिंङ घमण्ड लहज़िमी छल्ले अधिकार माह।

2 कुरिन्थियों 6:1

परमेश्वररंङ साते कम लहज़ा शुहबी रंङ साते हेनर करंङ साते दि विनती लहज़ातंई कि परमेश्वरो मोह्ड़े दाह केहतु टोईच़ी शुहचा, दोबि ध्यांए इबि थारांई;

2 कुरिन्थियों 9:1

हेंतेग यरूशलेम शहरो विशवासी तु मंडली बि दान रंड्रीमी सेवा ओ पाहठी च़ेहच़ी गिह्बी ज़रूरत माह।

इफिसियों 3:8

गेह परमेश्वरो भत्ते मीहतु बिचंङ कवचि शुगाह, पर परमेश्वरो मोह्ड़े दाह गिऊ टोहकठे शुई, कि गेह ऊईजाति मीहतिंङ मसीहू महसे आशीषो पाहठी रूठे खबर सुनाएपोग। दि आशीष अंऊ मसीहू दोरच़ी खोकसा, दुह मीहतु समझ बे धकते तोह।

इफिसियों 4:11

दि मसीह तोहई अच़ि दि ज़िम्मेवारी कलीसिया बि रेंई: दोई रेह तिंङ प्रेरित शुहबिमी थल्जी अंङे च़रति दंङ रेह तिंङ भविष्यवक्ता बणेषिमी थल्जी, दंङ रेह तिंङ रूठे खबर सुनाएच़िमी थल्जी, दंङ रेह तिंङ रखवाली लहज़िमी थल्जी दंङ रेह तिंङ सिखाच़िमी थल्जी अंङे च़रतिर।

2 तीमुथियुस 1:18

गेह प्रार्थना लहज़ातग कि न्यायो ध्याड़ारिंङ प्रभु उनेसिफुरूस ओ टोहकठे दया लोहतो। केहच़ी केनाच़ि रूठे रंङ ञेंच़ातंई कि दोई इफिसुस शहरारिंङ गिऊ अंयों मदत लहरी।

तीतुस 1:7

छना कुचे कलीसिया ओ मुख्या बि परमेश्वरो खज़ान्च़ीज़ि शुहबीरंङ साते बेकसूर शुहबी जूंस; माह ज़िद्दी, माह रोहष, माह पियक्कड़, माह मारपीठ लहज़ा, माह ढबाहो लालची शुहबी जूंस।

इब्रानियों 6:10

छना कुचे केहच़ी रूठे कम लहज़ातंई दंङ हेंतेग ला केरे परमेश्वरो मिंदंङ परमेश्वरो मीहतु थल्जी दाह रंङ साते सेवा ओ कम लहज़ी लेहकी तोतोंई, झांह लेह परमेश्वर केतिंङ पेषतो माह छना कुचे दू धर्मी तोह।

1 पतरस 5:10

हेंतेग परमेश्वर अंऊ भत्ते तरीका रंङ मोह्ड़े दाह ए पिंङषा तोह, दोई हेंदिंङ यीशु मसीह रंङ साते हेंदु नाता ओ थल्जी स्वर्गा रिंङ दोऊ अनंत महिमा ओ थल्जी सहभागी शुहबिमी थल्जी हेनर अंङे च़रति। केहतु थोड़े टेमो दुख सहन लहज़िमी थल, परमेश्वर केतिंङ रूठे बणाके च़रपोतो ताकि केहतु अंदरेग ला छल्ले शुहबी मेस दंङ परमेश्वर केतिंङ पक्‍का लोहतो ताकि केहतु विशवास पक्‍का शोतो।

1 पतरस 5:12

गेह दि कवचि डाक सिलवानुसो मदते चेहच़ातग दंङ केतिंङ चरच़ातग। गेह दोबि मसीह रिंङ इच्च़ा विशवासो जोगे साथी मनेक्च़ातेग। गिऊ दि डाक चेहच़िमी खास वहज़ा केतिंङ उत्साहित लहज़ी ए केतिंङ भरोसा रंड्रीमी तोहई, कि छिल्ला धिर केहच़ी महसूस लहज़ातंई दू हेले रिंङ केहतु थल्जी परमेश्वरो मोह्ड़े दाह ऊ हिस्सा शुह। दि मोह्ड़े दाह रिंङ खड़े बंङज़ुंई।