1 पतरस 4:1 - लाहौली बाइबिल

¹ झांह लेह, अपेहल कि मसीह ज़ि एनोह फुकारिंङ बंङज़ा दुख सहन लहरी, दंङ केतिंङ ला ध्वांए ठ्रोह दुख सहन लहज़िमी थल्जी तेयार बंङज़ी जूंशी तोह। छना कुचे अगर हेनर मसीहू थल्जी दुख सहन लहज़िमी थल्जी तेयार तोतोंई, दंङ केहच़ी पाप माह लहज़िमी फेंसला लेह चरच़ातंई।

1 पतरस 4:1 Iomraidhean Croise

मरकुसो 3:3

यीशुज़ि करची गुहड़ो मीहरंङ साते कुहतो, “तुईज़ी अंज़े खड़े शुह।”

रोमियो 6:11

केहच़ी ला ध्यांए ञेंए च़रतेंई कि पापो वशारिंङ सिए दोतु ठ्रोह, पर परमेश्वरा बि आदर रंड्रीमी थल्जी श्रींङी तोतोंई।

रोमियो 6:2

माह बिल्कुल माह! हेनर पापो थल्जी सिए इलजी तोतोंई, दंङ झांह लेह हेंदिंङ लगातार पाप लहज़ी माह जूंस।

रोमियो 6:7

छना कुचे अपेहल हेनर मसीह रंङ साते सिए इलेंई, दंङ हेनर पापो वशो दोरच़ी आज़ाद शुहचे योंई।

गलातियों 2:20

गेह ञेंहनि मसीह रंङ साते क्रूसो टोईच़ी सिए इलिगा, एंतेग गेह श्रींङी माह केहश्रिगा। दंङ गेह फुका रिंङ एंतेग श्रींङी तोतोग; दंङ सिर्फ परमेश्वरो योह टोहकठे विशवास रंङ साते श्रींङे तोतोग, अंऊ दोई गेरंङ साते धोंण दाह लहज़ा कि गिऊ थल्जी एनोह जहान रें च़रति।

गलातियों 5:24

अंऊ मीहरे यीशु मसीह रंङ साते संबध तहच़ातेर दोरे एनोह पापी स्वाभावो हिसाबे जीवन माह श्रींङमातोर। दिरे झांह ठ्रोह तोतोर छना कि दोच़ी एनोह पापी स्वाभावा बि क्रूसो टोईच़ी चड़ाएगी केहतोर।

फिलिपियों 2:5

छना मसीह यीशु स्वभाव तोई ध्वांए केहतु ला स्वभाव शुहबी जूंस;

इब्रानियों 12:3

यीशु उदाहरणो पाहठी सोचेक्तुंई, कि दोई दू पापी तु थल्जी अंयों सहन लहरी अंऊ दोरंङ धोंण नफरत लहज़ातेर। दोई दिऊ थल्जी दुख सहन लहरी, ताकि केरे निराश शुहचे हिम्मत छोड़ेके माह केईनि।

इब्रानियों 4:10

परमेश्वरे एनोह कम योह्च़े थल नह्सते। दंङ दि दू भत्ते तु थल्जी ला झांह तोह अंऊ परमेश्वरो कछंङ नह्च़ी यवातोर। दोरे एनोह कम योह्च़े थल नह्च़ोर।

1 पतरस 2:21

परमेश्वरो दोरच़ी केरे अंङषी दोरच़ी इच्च़ा वहज़ा दि ला तोह कि केरे दोऊ थल्जी रूठे कम लहज़ा दुख सहन लेह च़रपोंई। मसीह, अच़ि केहतु थल्जी दुख सहन लहरी, दू एनाह ए केहतु थल्जी इच्च़ा उदाहरण रे च़रति, ताकि केरे दोऊ हिद लंहि।

1 पतरस 3:18

गेह दि दिऊ थल्जी कुट्रातग, छना कुचे मसीह ज़ि हेंदु पापो थल्जी दुख सहन लहरी दंङ सिए इलि। दू सिर्फ इच्च़ा फेरा सिए इलज़ा दंङ दोबि दोहराएच़िमी ज़रूरत माह। दू इच्च़ा धर्मी मीह तोहई अंऊ पापी मीहतु थल्जी सिए इलि ताकि दू हेंदिंङ परमेश्वरो कछंङ रैंज़ा शोतो। दोच़ी दोऊ फुक सचे च़रतिर, पर परमेश्वरे दोबि पवित्र आत्माओ सामर्थ रें यह्च़ा श्रींङमी लेह च़रति।