1 पतरस 3:9 - लाहौली बाइबिल

⁹ बुराई बदलारिंङ बुराई था लंहि दंङ माह गाड़ी ऊ बदलारिंङ गाड़ी रांई; पर दिऊ बदलारिंङ आशीष रांई; छना कुचे परमेश्वरे केतिंङ ऊईतिंङ आशीष रंड्रीमी थल्जी बुलाएसी शुई। अगर केहच़ी झांह लहज़ातंई ता परमेश्वर ला केतिंङ आशीष रमतो।

1 पतरस 3:9 Iomraidhean Croise

मत्ती 19:29

अच़िला घरबाररे एनोह न्वा, रिंङ याह-बाह तिंङ, कटुरे, या रिह गिऊ मिन्दु थल्जी केह केहषी ततोर दोबि राह गुणा खोकसोतो, दंङ दुह अनंत जीवन ओ हकदार शोतो।

मत्ती 25:34

दंङ गेह रज्ज़ा घेंङौ सुचंङ हासी दोतंङ कोहग, हे गिऊ स्वर्गीय बाहऊ धन्य मीहरे, अतंई, दुह राज्यो हकदार शुहचे ईलांई, अंऊ संसारो शुरुआतबे केहतु थल्जी त्याहर लहसी तोह।

मत्ती 5:39

पर गेह केतंङ कुट्रातग मांजीऊ बदला थाह लेहप्तुंई; पर अच़िआ कांह सुचंङ चरनी रिंङ चट्टेक रमतो दोऊ हखा अईसंङ ला किरज़े चर्तु।

मत्ती 5:44

पर गेह केतंङ साते दिह कुट्रातग कि केन्दु बेरीतंङ साते ला दाह लंहि दंङ केदंङ मांजी लहज़ातु थल्जी प्रार्थना लांई।

मरकुसो 10:17

अपेहल यीशु एनोह चेला तंङ साते अमरिंङज़ि य्वाते, दंङ इच्च़ा मीह ज़रका रें दोऊ कछंङ अति, दंङ पुष्टू भारे बंङज़ा दोबि रुहक्ती, “हे मोह्ड़े गुरु परमेश्वरारंङ साते अनंत जीवन खोकसिमी थल्जी गेह छि कम लोहग?”

लूको 10:25

इच्च़ा ध्याड़ा अपेहल यीशु मीहतिंङ शिक्षा रंड्री लेहकी तोहई, दोहपल इच्च़ा कानून ञेंहच़ा खड़े शुहचे दी कुट्रा दोऊ परीक्षा लहज़ी लेहती, “हे गुरु, अनंत जीवन खोकसी मी थल्जी गेह छि कम लोहग?”

लूको 18:18

दंङ यहूदीतु इच्च़ा मुख्या ए यीशु रुहक्ती, “हे मोह्ड़े गुरु परमेश्वरारंङ साते अनंत जीवन खोकसिमी थल्जी गेह छि कम लोहग?”

रोमियो 12:14

केनोह सताएच़ा दोतिंङ आशीष रोंऊ, बेई, आशीष रोंऊ, श्राप थारोंऊ।

रोमियो 12:17

बुराईऊ बदलारिंङ अतंङ साते ला बुराई थालोहू; अंऊ गप्पारे भत्ते तु थल्जी रूठे तोह दोतु चिंद लोहवा लंहि।

रोमियो 8:28

दंङ ञेंहच़ी ञेंहच़ातोंई, कि अंऊ मीहरे परमेश्वर रंङ साते दाह लहज़ातोर, दोतु थल्जी भत्ते गप्पा ठ्रोहका शुहचे भलाई बि पैदा लहज़ा; मतलब दोतु ए थल्जी अंऊ परमेश्वरो हिटी हिसाबे अंङषी तोतोर।

रोमियो 8:30

दंङ अतु थल्जी परमेश्वरे तुहई इरादा लाहते दोतिंङ अंङे ला च़रति, दंङ अतिंङ अंङाते, दोतिंङ धर्मी घोषित लहरी, दंङ अतिंङ धर्मी घोषित लहरी, दोतंङ साते एनोह महिमा ला फाए च़रति।

गलातियों 3:14

मसीह दि दिऊ थल्जी लहरी ताकि ऊईजाति तिंङ दोऊ आशीष खोकसोतो अतु वाईदा परमेश्वरे अब्राहमा रंङ साते यीशु मसीहू दोरच़ी लाहते। दंङ मसीह रिंङ विशवासो दोरच़ी, हेनर पवित्र आत्मा खोकपोंई अतु वाईदा दोई हेन्दिंङ रंड्रीमी थल्जी लाहते।

इफिसियों 4:32

इदि-अई दिऊ टोईच़ी दया, ए करुणामय शुहचे इलांई, दंङ छना परमेश्वरे मसीह रिंङ केहतु गुनाह माफ लहरी, ध्वांए केरे ला इदि-अई दिऊ गुनाह माफ लंहि।

1 थिस्सलुनीकियों 5:15

दि गप्पो ध्यान तंही कि अरिला ऊईतिंङ साते बुराई बदलारिंङ बुराई लेह माह जूंस; पर हमेशा इदि अई दिऊ ए भत्तेतंङ साते भलाई लहज़िमी कोशिश लोहवा लंहि।

इब्रानियों 12:17

केहच़ी ञेंहनि, कि अपेहल दोई थले एनोह बाह इसहाको दोरच़ी आशीष खोकसी जुंज़ाते, दंङ दोबि माह खोकसिरी, दंङ मिक्ति, बहेगी ला दू आशीष बि एनोह हिस्सा रिंङ लेह मरति।

इब्रानियों 6:14

दंङ दोई कुई, “गेह हेले कनिंङ महस आशीष रमोग, दंङ कनु खानदान बढ़ाएफा लोहग।”

1 पतरस 5:10

हेंतेग परमेश्वर अंऊ भत्ते तरीका रंङ मोह्ड़े दाह ए पिंङषा तोह, दोई हेंदिंङ यीशु मसीह रंङ साते हेंदु नाता ओ थल्जी स्वर्गा रिंङ दोऊ अनंत महिमा ओ थल्जी सहभागी शुहबिमी थल्जी हेनर अंङे च़रति। केहतु थोड़े टेमो दुख सहन लहज़िमी थल, परमेश्वर केतिंङ रूठे बणाके च़रपोतो ताकि केहतु अंदरेग ला छल्ले शुहबी मेस दंङ परमेश्वर केतिंङ पक्‍का लोहतो ताकि केहतु विशवास पक्‍का शोतो।