1 पतरस 3:8 - लाहौली बाइबिल

⁸ थल मुखंङ, गेह केतंङ साते दि कुट्री जुंज़ातग, कि केरे केनातु बिचंङ ठ्रोहका शुहचे बंङज़ुंई, दंङ इदि-अई दिऊ चिंद लोहवा लंहि, दंङ इच्च़ा टबरातु ठ्रोह केनातु बिचंङ दाह लोहवा लंहि, ऊईतु टोईच़ी दया लोहवा लंहि इदि-अई दिरंङ साते नम्र शुहचे तोहई।

1 पतरस 3:8 Iomraidhean Croise

मत्ती 18:33

दिऊ थल्जी दोऊ कर्ज़ा ला माफ लेह च़रतु छना गेह कांह टोईच़ी दाह लेह कांह कर्ज़ा माफ लेह चरच़ातग।

लूको 10:33

पर इच्च़ा सामरी प्रदेशो मुसाफिर दुह ए ठाहरीरिंङ च़ि अति अंऊर दुह घायल मीह तोहई दंङ दोबि खांई दोऊ टोईच़ी दया लहरी।

प्रेरित 2:1

अंऊ ध्याड़ा यहुदी मीहरे पिन्तेकुस्त त्यार मानाएच़ी लेहकी तोईरे ता दोरे भत्तेर विशवासी यरूशलेम शहरा रिंङ इच्च़ा ठाहरीरिंङ ठ्रोहका शुईरे।

प्रेरित 27:3

ऊई ध्याड़ा दू सीदोन शहर पिचे इलांई, दंङ यूलियुसे पोलुस टोईच़ी कृपा लेह दोबि दोऊ मित्रा तु कछंङ इबि रांई कि दोऊ दोरच़ी ज़रूरत चीज़ रेंज़ा हता।

प्रेरित 28:7

दू ठाहरीऊ देसी-न्वेसी पुबलियुस मिन्दु दू टापू प्रधानो ज़मीन तोहई: दोई एनोह चुंङ शिल्ज़ी षुमु ध्याड़ा तचेक ञेंहतु पहुनाई लहरी।

प्रेरित 4:32

दंङ बिशवास लहज़ातु मंडली इच्च़ा सेहम ए इच्च़ा प्राण तोहई, देहर तचेक कि अच़िला एनोह टंगा ढबाह एनोह माह कुट्रातेर, छना कुचे अंऊ दोतु कछंङ तोहई दुह भत्ते तंङ साते फज़ातेर।

रोमियो 12:10

इच्च़ा टबरातु ठ्रोह इदि-अई दिरंङ साते दाह लोहवा लंहि, हर इच्च़ा मीहबी केनाबे बढ़कर ञेंहनि।

रोमियो 15:5

गेह प्रार्थना लहज़ातग कि परमेश्वरे केतिंङ धीरज़ ए याहब रमतो ताकि केरे यीशु मसीह थले ज़ोजा ते केनातु बिचंङ एकता रंङ साते बंङज़ेंई।

1 कुरिन्थियों 1:10

हे गिऊ प्यारे साथी विशवासी रे, गेह केतंङ साते हेंदु प्रभु यीशु मसीहू मिंदंङ साते दि बिनती लहज़ातग, केरे भत्तेर इदि-अई दिरंङ साते सहमत शुहबी जूंस दंङ केहतु बिचंङ फूट इबि मेस पर केरे इच्च़ा ठ्रोह विचार तहज़िमी दोरच़ी दंङ इच्च़ा मकसद रंङ साते इदि-अई दिरंङ साते मिलेकी बंङज़ुंई।

1 कुरिन्थियों 12:26

झांह लेह अगर हेंदु फुको इच्च़ा अंङ बि टेहषी तोह ता भत्ते फुकारिंङ टेहषी तोह। दंङ ध्वांए ठ्रोह, अगर हेंदु फुको अंऊआ अंङों षटणा शवात दंङ भत्ते फुको षटणा शुह।

इफिसियों 4:2

मतलब भत्ते दीनता ए नम्रता रंङ साते, दंङ धीरज़ तहच़ि दाह रंङ साते इदि-अई दिऊ व्यवहार सहन लंहि।

इफिसियों 4:31

भत्ते पाहठी कड़वाहट ए प्रकोप ए रोहष ए लड़ाई-झगड़ा, दंङ निन्दा भत्ते नफरत केहतु दोरच़ी शत्‌ह लेह चरच़ि।

इफिसियों 4:32

इदि-अई दिऊ टोईच़ी दया, ए करुणामय शुहचे इलांई, दंङ छना परमेश्वरे मसीह रिंङ केहतु गुनाह माफ लहरी, ध्वांए केरे ला इदि-अई दिऊ गुनाह माफ लंहि।

फिलिपियों 2:3

केनातु फायदा ए हप्सी घमण्डो थल्जी छल्ले थालंही, पर दीनता रंङ साते इच्च़ा इदि-इदि बि केनाह बे रूठे समझेक्तेंई।

फिलिपियों 3:16

झांह लेह हेंदिंङ दुह सच्चाई ऊ हिसाबे श्रींङमी लेह्पोतो अंऊ परमेश्वरे तुहई बे हेंदु टोहकठे प्रगट लेह चरच़तो।

कुलुस्सियों 3:12

झांह लेह अपेहल केरे परमेश्वरे केतिंङ एनोह पवित्र मीह शुहबिमी थल्जी अंङे चरच़तो, दंङ दोई केतंङ साते दाह लहज़ा, केरे मोह्ड़े दाह ए, दंङ भलाई, दंङ दीनता, नम्रता, दंङ सहनशीलता धारण लंहि।

इब्रानियों 13:1

केनातु बिचंङ रिंङ-न्वारे तु दाह लोहवा लंहि।

याकूब 2:13

छना कुचे अच़ि दया माह लहरी, दोऊ फेंसला दाह मेह शोतो; पर अरिला ऊईतु टोहकठे दया लोहतो, दंङ परमेश्वर ला दोऊ टोहकठे दया लोहतो अपेहल दोई न्याय लोहतो।

याकूब 3:17

पर अंऊ ज्ञान परमेश्वरो दोरच़ी अपा दुह मुण्डारिंङ ता पवित्र शवाह, दंङ मिलनसार, नेकी ए रूठे स्वभाव, दया, दंङ रूठे कमरंङ साते पिंङषा दंङ ईमानदार ए कपट मेह शवाह।

याकूब 5:11

खंई, दुखा रिंङ धीरज़ा रंङ ज़हके दोतिंङ धन्य कुट्री, केहच़ी अय्यूब मिन्दु इच्च़ा मीहबी धीरज़ ज़हकिमी पाहठी थाक्शी तातंई, दंङ केहच़ी दि ला ञेंहच़ातंई कि परमेश्वरे थल मुक्का दोऊ छना ठ्रोह मदत लहरी। अंऊ दिरंङ प्रभु महस दाह ए कृपा प्रगट शवाह।

1 पतरस 1:22

छना कुचे हेले ओ भाषे लहज़िमी रंङ साते केतिंङ पापो दोरच़ी शुद्ध लेह चरच़ातंई, हेंतेग केतिंङ केनातु साथी विशवासी तंङ निष्कपट दाह लेह जूंशी तोह। इदि-अई दिरंङ साते महसे ए भत्ते सेहमे दाह लेह जारी तंही।

1 पतरस 2:17

भत्ते तु आदर लंहि केनातु भत्ते साथी विशवासी तंङ साते दाह तंही, परमेश्वरा रंङ साते बेईनि, रज्ज़ा ओ आदर लंहि।

1 पतरस 5:5

झांह लेह केरे जवान तिंङ सेंहणा मीहतु हुकुमो भाषे लहज़ी जूंशी तोह। केरे भत्ते तिंङ नम्रता रंङ साते इदि-अई दिऊ मदत लहज़ी जूंशी तोह। छना कुचे पवित्र शास्त्रा रिंङ च़ेहसी तोह, “परमेश्वरे घमण्डी तु विरोध लहज़ी, पर दीन दोतु टोईच़ी मोह्ड़े दाह लहज़ा।”

2 पतरस 1:7

पर केतिंङ माह सिर्फ झांह ठ्रोह तरीका रंङ श्रींङमी जूंशी तोह अंऊ परमेश्वरा बि खुश लहज़ा, पर केतिंङ इदि-अई दिऊ विशवासी तंङ साते केनातु टबरातु ठ्रोह व्यवहार लहज़ी जूंशी तोह, पर केतिंङ ऊई मीहतंङ साते दाह ला लहज़ी जूंशी तोह।

1 यूहन्ना 3:14

ञेंहतिंङ पता तोह, कि हेनर सिमी शाक्ति ओ दोरच़ी आज़ाद शुहचे इलजी तोतोंई दंङ एंतेग हेंदु कछंङ परमेश्वरो दोरच़ी अनंत जीवन तातंई; छना कुचे ञेंरे विशवासी न्वा तंङ साते दाह लहज़ातंई अच़िला दाह माह तहच़ा दुह सिमी दशारिंङ बंङज़ा।