1 पतरस 3:7 - लाहौली बाइबिल

⁷ ध्वांए हे गगसा रे, अपेहल कि केरे इच्च़ा साते बंङज़ातंई दंङ केनातु मेच़ातंङ साते समझदारी रंङ साते व्यवहार लंहि, केतिंङ हिद तहच़ि जूंस कि दू करंङ बे कमज़ोर तोह, झांह लेह केतिंङ दोऊ आदर लेह जूंशी तोह। छना कुचे केहतु झुह्ट दू वरदाना बि सांझा लहज़ातंई अंऊ परमेश्वरे एनोह मोह्ड़े दाह ओ दोरच़ी केतिंङ रांहषी तोह, मतलब अनंत ज़िंदगी ओ वरदान। अगर केरे झांह लोहनि, दंङ परमेश्वर केहतु प्रार्थना रेड्रोतो।

1 पतरस 3:7 Iomraidhean Croise

मत्ती 18:19

दंङ गेह केतंङ कुट्रातग अगर केहतु बिचंङज़ि झुह्ट मीहरे धरतीरिंङ छिआ गप्पो थल्जी इच्च़ा सेहम लेह पेहणी ताह दंङ दुह गिऊ बाहऊ दोरच़ी अरी स्वर्गंङ तोह दोऊ थल्जी शुहचे योतो।

1 कुरिन्थियों 7:3

दि ज़रूरी तोह कि गगसा एनोह मेच़ो थल्जी एनोह ज़िम्मेवारी पूरा लोहतो, दंङ ध्वांए ए मेच़ा ला एनोह गगसो थल्जी।

इफिसियों 3:6

भेद दि तोह कि यीशु मसीह रिंङ रूठे खबर दोरच़ी यहुदी तु ठ्रोह ऊईजाति ऊ मीहरे दू ए आशीष खोकपोरे, दंङ दोरे इच्च़ा ए फुको हिस्सा तोतोर, अंऊ परमेश्वरे यहुदी मीहतंङ साते लहसी तते।

इफिसियों 4:30

केनातु कमो दोरच़ी पवित्र आत्माबि दुखी थालंही, अंऊ केहतु छुटकारो थल्जी बयाना ओ रूपारिंङ रांहषी तोह।

इफिसियों 5:33

पर दि केहतु टोईच़ी ला लागू शवाह कि, केहतु बिचंङ हर इच्च़ा एनोह मेच़ारंङ साते केनोह बराबर दाह तोह, दंङ मेच़ा ला एनोह गगसो आदर लोह।

इफिसियों 6:18

दंङ भत्ते मुक्का ए भत्ते पाहठी हेंदिंङ ध्वांए ए प्रार्थना ए बिनती लहज़ी जूंशी तोह। छना पवित्र आत्माज़ि हेंदु अगुवाई लहज़ा। झांह लेह चेहके बंङज़ेंई दंङ भत्ते परमेश्वरो मीहतु थल्जी हमेशा प्रार्थना लोहवा लंहि।

कुलुस्सियों 3:19

हे गगसा रे केनातु-केनातु मेच़ातंङ साते दाह लंहि दंङ दोतंङ साते दीनता रंङ साते बंङज़ुंई।

1 थिस्सलुनीकियों 4:4

दंङ केहतु बिचंङ हर इच्च़ा मीह सहन लहज़ा केनोह फुक पवित्र बणाके तऊ, दंङ दोऊ आदर लोहू।

तीतुस 3:7

अंऊ दिरिंङ हेनर दुह अनंत जीवन खोकसिमी उम्मीद लेह तरपोंई अंऊ परमेश्वरे हेंदिंङ एनोह कटुरे शुहबिमी वाईदा लाहते। दंङ दि पाहठी ञेंहच़ी ञेंहच़ातोंई छना कुचे परमेश्वरे एनोह मोह्ड़े दाह ओ दोरच़ी हेंदिंङ एनारंङ साते सही ठहराच़ा।

इब्रानियों 1:14

दोथर स्वर्गदूतातु शुहबिमी छि मकसद तोह? दोरे सिर्फ परमेश्वरो सेवक शुरे, परमेश्वरे दोतिंङ दू मीहतु देखभालो थल्जी च़रच़ा अंऊ दोतिंङ उद्धार खोकसा।

1 पतरस 3:1

हे मेच़ारे, केरे ला केनातु गगसा तु अधीन बंङज़ुंई। छना कुचे अगर दोतु बिचंङ ज़ि अरिला परमेश्वरो बचनो टोईच़ी विशवास लहज़िमी रंङ साते इंकार लहज़ा,