1 पतरस 3:5 - लाहौली बाइबिल

⁵ झांह ठ्रोह अंऊ मेच़िमिर महस तुहई बंङज़ातेर दंङ परमेश्वरो टोईच़ी विशवास लहज़ातेर दंङ दोऊ टोईच़ी एनोह उम्मीद तहच़ातेर, दोरे एनातु गगसो हुकुम मनेकी झांह ए ठ्रोह एनाबि सलटे लहज़ातेर।

1 पतरस 3:5 Iomraidhean Croise

लूको 2:37

दुह निहज़ो पि साल बेहच़ी रंणी तोहई, दंङ यहुदी मंदिरंङ बंङज़ा ब्रत ए प्रार्थना लहज़ा मुंजे ए ञोंकोल अराधना लहज़ाते।

प्रेरित 1:14

दिरे चेलारे इच्च़ा सेहमारंङ रोज ठ्रोहका शुचे लगातार प्रार्थना लोहवा लहज़ातेर। दोतंङ साते रेह मेच़िमी रे ला ठ्रोहका शुचि इलिर अंऊ दोतु बिचंङ यीशु याह मरियम ला तोहई दंङ यीशु न्वारे ला ठ्रोहका शुचि इलिर।

प्रेरित 9:36

याफा शहर, तबीता मतलब दोरकास मिंदंङ इच्च़ा विशवासी मेच़िमी तोहई। दोई महस ए रूठे-रूठे कम ए गरीबा तु मदत लहज़ाते।

इफिसियों 5:33

पर दि केहतु टोईच़ी ला लागू शवाह कि, केहतु बिचंङ हर इच्च़ा एनोह मेच़ारंङ साते केनोह बराबर दाह तोह, दंङ मेच़ा ला एनोह गगसो आदर लोह।

1 तीमुथियुस 2:10

दिऊ वहज़ा ज़ि दोतिंङ ऊई मीहतु थल्जी रूठे कम लहच़ी एनाबि सलटे लेह जूंशी तोह। छना कुचे परमेश्वरो भक्ति लहज़ा मेच़िमी ऊ थल्जी दिए ठीक तोह।

1 तीमुथियुस 2:15

तांला मेच़िमीर अगर ज़हके ते विशवास, दाह ए पवित्रता रंङ साते पक्‍का शुहचे बंङज़ोर, दंङ परमेश्वर मेच़िमी बि कटु जेह्कपिमी दोरच़ी बचाके च़रपोतो।

1 तीमुथियुस 5:10

दंङ एनोह रूठे कमो वहज़ा ज़ि दोऊ मिन शोतो, मतलब अच़ि एनोह कटुतु पालन-पोषण रूठे रंङ लहसी शोतो, दंङ पौहना तु सेवा लहसी शोतो, दोई ऊई विशवासी तु सेवा इच्च़ा परगरो ठ्रोह लहसी शोतो, दंङ दुखी मीहतु सेवा लहसी शोतो, दंङ हर पाहठी ऊ रूठे कमरिंङ सेहम लेहकी शोतो।

1 तीमुथियुस 5:5

दुह रंणी अतु देखभाल लहज़ा अरिला माह, परमेश्वरो टोहकठे ए उम्मीद तहच़ा, दंङ रात-दिन बिनती ए प्रार्थना लहज़ा परमेश्वरो हखा एनोह थल्जी मदत पेट्रा।

इब्रानियों 11:11

विशवासो दोरच़ी ए अब्राहमो मेच़ा सारा ज़ि यंङषी ते खोकटुंङ शुहबिमी सामर्थ खोकसिरी; छना कुचे दोबि पूरा भरोसा तोहई कि परमेश्वरे दू ए लोहतो अतु दोई वाईदा लहसी ततो।

1 पतरस 1:3

हेंदु प्रभु यीशु मसीहू बाह ए परमेश्वरो धन्यवाद शुहबी जूंस, अच़ि हेंदु थल्जी एनोह मोह्ड़े दाह ओ दोरच़ी हेंदिंङ इच्च़ा खरकोई जीवन रांहषी ततो। छना कुचे परमेश्वरे यीशु मसीह बि सिए दोतु बिचंङ ज़ि श्रींङमी लहरी, दोई हेंदिंङ महस आत्मविशवास रंङ श्रींङमिमी जोगे बणाके च़रति; मतलब हेनर दू चीज़ खोकच़िमी पूरे उम्मीद लेह तरपोंई अंऊ दोई हेंदिंङ रंड्रीमी वाईदा लहसी ततो।