1 पतरस 3:21 - लाहौली बाइबिल

²¹ तुहई कि टेमारिंङ दोतु उद्धार हेंतेग हेंदु उद्धारो इच्च़ा उदाहरण तोह अपेहल हेनर बपतिस्मा लेहपच़ातंई, दोई हेंदु फुको दोरच़ी क्रि शत्‌ह माह लहज़ा, पर दि इच्च़ा चिन्ह शुह कि हेंज़ी परमेश्वरो दोरच़ी माफी पेट्रातंई ताकि तुंखा हेंदु सेहम परेशान माह बंङज़ोतो। हेंदिंङ माफी खोकसोतो छना कुचे यीशु मसीह सिमी थल यह्च़ा श्रींङे इलज़ा।

1 पतरस 3:21 Iomraidhean Croise

मत्ती 28:19

दिऊ थल्जी केहरे ईलांई, दंङ भत्ते जातिऊ मीहतिंङ चेला बणाक्तुंई; दंङ दोतिंङ बाह ए, योह ए, पवित्र आत्मो मिन्ज़ी बपतिस्मा रांई,

मरकुसो 16:16

अंऊ ला गिऊ टोहकठे विशवास लोहतो दंङ बपतिस्मा लेहपतो दोऊ ए उद्धार शोतो, दंङ अंऊ विशवास मा लोहतो दुह परमेश्वरो दोहरची एनोह पापो सज़ा खोकसोतो।

यहून्नो 13:9

शमौन पतरसे यीशु हखा कुंई, “हे प्रभु, दंङ गिऊ कोंज़ा ए माह पर गिऊ गुह्ट्र ए पुंज़ा ला शुहल्ज़े च़रतु।”

प्रेरित 2:38

पतरसे दोतंङ साते कुतोह, “केनातु मदम कमो दोरच़ी सेहम किर्ज़ुंई, दंङ केहतु बिचंङ ज़ि हर इच्च़ा एनोह-एनोह पापो माफी ऊ थल्जी यीशु मसीहू मिंदंङ बपतिस्मा लेहप्तुंई; दंङ केतिंङ पवित्र आत्माओ दान खोकसोतो।”

प्रेरित 22:16

हेंतेग छिल्ले झाड़ा लहज़ातन? अहच़ु, बपतिस्मा लेहप्तु, दंङ दोऊ मिन लेहपच़ा केनोह पापो माफी ओ थल्जी, माफी पेट्रु।

प्रेरित 8:36

“दंङ अमरिंङ ज़ोजा-जोज़ा दोरे इच्च़ा ठहरि रिंङ पिचे इलिर अंऊर तलाब तोहई। दोथर खोजे ज़ि कुई, खंणु देर्तिंङ तलाब तोह, दा गिह्बी बपतिस्मा लेहप्च़िमी थल्जी छि मुशकिल तोह।”

प्रेरित 8:37

फिलिप्पुस ए कुंई, अगर कांह पूरे सेहम रंङ साते विशवास लहज़ा तोन ता बपतिस्मा लेहपच़ी तरपोन, दोई जुबाब रेंई, गेह विशवास लहज़ातग कि यीशु मसीह ए परमेश्वरो योह शुह।

रोमियो 5:14

तांला आदम ए मूसा तचेक भत्ते मीहच़ी पाप लहसी तातोर दंङ दोरे भत्तेर सिए इलोर। अच़ि आदमो ठ्रोह अंऊआ कानूनो उल्लंघन दोरच़ी पाप माह लाहते। आदम दू मीहू (मसीहू) चिन्ह तोहई अंऊ अपिमी तोह।

1 कुरिन्थियों 12:13

छना कुचे हेंज़ी भत्ते ज़ि चाहे दू यहुदी शुह, चाहे ऊई जाति, या चाहे परगर शुह, चाहे आज़ाद, इच्च़ा ए आत्माओ दोरच़ी इच्च़ा फुक शुहबिमी थल्जी बपतिस्मा लेहपच़ातंई, दंङ हेंज़ी भत्ते ज़ि दू ए आत्मा खोकसी तातंई छना ठ्रोह हेंज़ी भत्ते ज़ि इच्च़ा कोलीऊ दोरच़ी तुंङमातंई।

1 कुरिन्थियों 4:6

हे गिऊ प्यारे साथी विशवासी रे, गेह अपुल्लोस ए घेंङौ ज़िकर दिऊ थल्जी लहरिगा ताकि केतिंङ हेंदु उदाहरणो दोरच़ी छा शिक्षा खोकसोतो दंङ केरे दिऊ अर्थ सिखेकतुंई अंऊ दोई कुट्रा, “पवित्र शास्त्र रिंङ छि च़ेहसी तोह दोऊ तुंखा थाशुह।” दि रूठे माह अगर केरे इदिऊ आदर लहज़ातंई, दंङ अईदि बि नीचा कंड्रातंई।

2 कुरिन्थियों 1:12

छना कुचे हेंदिंङ इच्च़ा गप्पो माह घमण्ड तोह, हेंदु अन्तरात्मा हेंदिंङ विशवास रंड्रा कि हेंज़ी मीहतंङ साते छि बर्ताब लहसी तातंई, दू संसारो मीहतु बुद्धिमानो हिसाबे मशत, पर दू सच्चाई ए ईमानदारीऊ हिसाबे तोहई अंऊ परमेश्वरो कृपा ओ वरदान तोहई।

2 कुरिन्थियों 7:1

हे गिऊ प्यारे साथी विशवासी रे, अपेहल परमेश्वरे हेंदंङ साते वाईदा लोहतो, दंङ अतंई हेनर फुक ए सेहमो भत्ते पाहठी बुराई दोरच़ी हेंदिंङ शत्‌ह तोहनि, दंङ परमेश्वरो बेह्द चेहके हेंदिंङ भत्ते रिति रंङ पवित्र जीवन श्रींङमी कोशिश लंहि।

इफिसियों 5:26

ताकि दोरे कलीसिया बि परमेश्वरो बचनो ति रंङ च़िए शुद्ध लेह पवित्र बणाके तरपोर।

कुलुस्सियों 2:12

अपेहल केहच़ी बपतिस्मा लेहपच़ातंई, दंङ केरे मसीहू ठ्रोह पथेक्च़ा इलांई दंङ खरकोई स्वाभावा रंङ साते मसीहू ठ्रोह श्रींङमी लेह केहनि। झांह ठ्रोह दिऊ थल्जी शुई छना कुचे केहच़ी विशवास लहज़ा तंई कि परमेश्वरे एनोह सामर्थो दोरच़ी, मसीह बि सिमी थल यह्च़ा श्रींङमी लेह केई।

1 तीमुथियुस 1:5

दि हुकुम रंड्रीमी गिऊ दि मकसद तोह कि केरे इदि अई दिरंङ साते संङा सेहम ए निर्दोष अंतरआत्मा दंङ निष्कपट विशवासारंङ साते दाह लंहि।

1 तीमुथियुस 6:12

छना इच्च़ा रूठे सेनिक लड़ाई रि अपेहल ला हार माह मनेक्च़ा, ध्वांए कनिंङ ला, परमेश्वरो टोहकठे विशवास लहज़ी ए दोऊ हुकुम मनेक्च़ी अपेहल ला ब्याड़ा लहज़ी माह जूंस ताकि कांह ईनामो रूपारिंङ दुह अनंत जीवन खोकपोन, अतु थल्जी परमेश्वरे कांह बुलासी तोतोन, दंङ अपेहल केई महस मीहतु तुईज़ी साफ-साफ कुहतेन कि कांह मसीहू टोहकठे विशवास लहज़ातन।

इब्रानियों 10:22

दंङ अतंई हेनर, मसीहू शुई पुरच़ि ते हेंदु सेहम शुद्ध लहच़ी दंङ साफ ती रें हेंदु फुक शुहल्ज़े संङा सेहम ए पक्‍का विशवासा रंङ साते परमेश्वरो कछंङ योंई।

इब्रानियों 13:18

ञेंहतु थल्जी प्रार्थना लोहवा लंहि, छना कुचे ञेंतिंङ भरोसा तोह कि ञेंहतु अन्तरात्मा साफ तोह; दंङ ञेंहच़ी छिला कम लहज़ातंई दू भत्ते कमरिंङ परमेश्वरो आदर लेह जुंज़ातंई।

इब्रानियों 9:14

दंङ सोचेक्तुंई कि मसीहू शुहई हेंदु सेहमा बि दू कमो दोरच़ी अंयों शुद्ध लोहतो अंऊ मौतो हखा शिलज़ातोर, ताकि हेनर श्रींङे परमेश्वरो सेवा लोहनि। छना कुचे अनंत आत्माओ सामर्थो दोरच़ी, मसीह ज़ि हेंदु पापो थल्जी एनाबि बलिदान लेह परमेश्वर बि भेंटो रूपारिंङ रें च़रति।

इब्रानियों 9:24

दोऊ वहज़ा ज़ि, मसीह दू पवित्र ठहरि मेहलि अतिंङ मीहच़ी बणाषी शुह, अंऊ कि परमपवित्र ठहरि ओ सिर्फ इच्च़ा नमूना तोह। पर दू स्वर्गंङ इलि अंऊर दू हेंदु फायदा ओ थल्जी परमेश्वरो तुईज़ी हाज़िर शुहबी तरपोतो।

1 पतरस 1:3

हेंदु प्रभु यीशु मसीहू बाह ए परमेश्वरो धन्यवाद शुहबी जूंस, अच़ि हेंदु थल्जी एनोह मोह्ड़े दाह ओ दोरच़ी हेंदिंङ इच्च़ा खरकोई जीवन रांहषी ततो। छना कुचे परमेश्वरे यीशु मसीह बि सिए दोतु बिचंङ ज़ि श्रींङमी लहरी, दोई हेंदिंङ महस आत्मविशवास रंङ श्रींङमिमी जोगे बणाके च़रति; मतलब हेनर दू चीज़ खोकच़िमी पूरे उम्मीद लेह तरपोंई अंऊ दोई हेंदिंङ रंड्रीमी वाईदा लहसी ततो।

1 पतरस 3:16

हमेशा दू ए लंहि अंऊ सही तोह, दंङ अगर मीहरे केहतु खिलाप मदम कुट्रातोर, दंङ दोरे ए शर्मिन्दा शोर, अपेहल दोरे मसीह रंङ साते केहतु संबधो वहज़ा ज़ि केहतु रूठे व्यवहार खमोर।