1 पतरस 3:20 - लाहौली बाइबिल

²⁰ दि दू मीहतु आत्मा तोहई अंऊ दोच़ी महस तुहई परमेश्वरो गप्पो उलंघन लहसी ताहरेर। अपेहल नूह एनोह नाव बणाएच़ते, दंङ परमेश्वर धीरज़ा रंङ साते रूमज़ा तोहई कि खमोंई छि दोरे मीहरे पश्चाताप लहज़ातोर। पर सिर्फ रें मीहतिंङ दू भयानक डढो दोरच़ी बचाएक्ते।

1 पतरस 3:20 Iomraidhean Croise

मत्ती 7:14

छना कुचे संगड़े तोह दुह पितंङ, खरे तोह दुह अम अच़ि अनंत जीवनो हखा रेंज़ा शिल्ज़ी, दंङ थोडे़ मीहरे तोतोर अच़ि दुह खोक्पोर।

लूको 12:32

“केहरे गिऊ नज़रा त्रेंईतु क्वाच़ी झुण्डो ठ्रोह शुई, बेंईन था; छना कुचे केहतु बाह परमेश्वर बि दी रुठे चेहसिरी कि केहतु सेहमरिंङ राज लोहतो।

प्रेरित 2:41

छिला धिर परतसे कुंई, अच़िला दोऊ टोहकठे बिशवास लहरिर दोच़ी बपतिस्मा लेहप्तिर; दंङ दुह ए ध्याड़ा रिंङ दुह (बिशवासी मीहतु) झुंडो बिचंङ लगभग षुमु हज़ार मीहरे दोतंङ साते शुहचे इलि।

रोमियो 9:22

परमेश्वर बि अधिकार तोह कि अंऊ मीहतिंङ दोई बणाषी ततो दोतंङ साते एनोह हिटी हिसाबे छना जुंज़ा ध्वांए लेह तरपोतो परमेश्वर एनोह रोहष कंड्री ततो दंङ हर इच्च़ा खिलाप एनोह शाक्ति प्रगट लहज़ा अंऊ नष्ट शुहबिमी हकदार तोह। पर दिऊ वहज़ा, दोई धीरज़ारंङ साते दोतु सहन लहरी।

इफिसियों 5:26

ताकि दोरे कलीसिया बि परमेश्वरो बचनो ति रंङ च़िए शुद्ध लेह पवित्र बणाके तरपोर।

इब्रानियों 11:7

विशवासो दोरच़ी ए नूह बि इच्च़ा हढ डढो पाहठी परमेश्वरो दोरच़ी चेतावनी खोकसिरी अंऊ दोई अपेहल खांहषी माह तोई, तांला दोई चेतावनी खोक्शे परमेश्वरो हुकुमो भाषे लहरी, दंङ एनोह टबरातु बचावो थल्जी जहाज़ बणाएति, दंङ नूहो विशवास लहज़िमी तुहई, ऊई मीहरे अंऊ दोच़ी विशवास माह लहरिर, दोतिंङ दोषी ठहराएतिर दंङ दोरे डुमज़े सिए इलिर। नूह परमेश्वरो नज़रारिंङ धर्मी बणेंके इलि, छना कुचे दोई परमेश्वरो टोईच़ी विशवास लाहते।

1 पतरस 1:22

छना कुचे हेले ओ भाषे लहज़िमी रंङ साते केतिंङ पापो दोरच़ी शुद्ध लेह चरच़ातंई, हेंतेग केतिंङ केनातु साथी विशवासी तंङ निष्कपट दाह लेह जूंशी तोह। इदि-अई दिरंङ साते महसे ए भत्ते सेहमे दाह लेह जारी तंही।

1 पतरस 1:9

केरे महस खुश तोतोंई छना कुचे परमेश्वरे केतिंङ पापो दोषो दोरच़ी बचाएच़ा। दि यीशु मसीह टोईच़ी केहतु विशवासो ईनाम शुह।

1 पतरस 2:25

तुहई केरे त्रैंईतु ठ्रोह तोईनी अच़ि एनोह अम योंहषी चरच़ातेर। पर हेंतेग केरे मसीहू कछंङ अच़ा अंज़े तोतोंई अंऊ केहतु आत्माओ चरवाहा ए रखवाला तोह।

1 पतरस 3:19

दोहपल मसीह ज़ि इलजे दू आत्मातिंङ रूठे खबर प्रचार लहरी अंऊ दू ठाहरीरिंङ परमेश्वरो दोरच़ी कैद लहसी तोईरे, अंऊर सिए मीहतु आत्मा तोहई।

1 पतरस 4:19

झांह लेह, अंऊ मीहरे ध्वांए ठ्रोह दुख सहन लहज़ातोर छना परमेश्वरे जुंज़ा, दोतिंङ परमेश्वरो टोईच़ी विशवास लहज़ी जारी तहच़ि जूंशी तोह। परमेश्वरे हमेशा दू ए लहज़ी अंऊ दू लहज़िमी दोई वाईदा लहसी ततो दिऊ थल्जी अंऊ रूठे तोह दू लहज़ी जारी तंही।

2 पतरस 2:5

केहच़ी दि ला ञेंहच़ातंई कि अपेहल महसे तुहई बंङज़ा मीहच़ी परमेश्वरो बेह्द माह चेहतिर दंङ दोई दुह मदम कम नज़र अंदाज माह लहरी अंऊ दोच़ी लहज़ातेर। बल्कि दोई भत्ते संसारा रिंङ ती चरच़े परमेश्वरे झांह ठ्रोह सज़ा रांई कि दोरे भत्तेर नाश शुहचे इलिर। पर दोई नूह ए दुह निह्ज़ी मीहतिंङ बचाके च़रति, अंऊ दोच़ी परमेश्वरो थल्जी सही शुहबिमी थल्जी प्रचार लाहतेर।

2 पतरस 3:15

दि ञेंए च़रतुंई कि हेंदु प्रभु हेंदु थल्जी धीरज़ तहज़ा बंङज़ा, दोऊ वहज़ा दि तोह कि दुह मीहतिंङ पश्चाताप लहज़िमी टेम रंड्रा ताकि दुह दोतिंङ बचाके तरपोतो। अपेहल हेंदु साथी विशवासी पोलुसे, केतिंङ दुह ज्ञानो इस्तेमाल लहज़ी च़ेआतो अंऊ परमेश्वरे दोबि रांहषी ततो, दंङ दोई ला केतिंङ दिए गप्पा कंङातो, अंऊ गेह केतिंङ कंङातग।