1 पतरस 3:2 - लाहौली बाइबिल

² दंङ दोरे केहतु व्यवहार खंड्रा केहतु छा कुट्री मेह, विशवास लहज़िमी थल्जी द्रक्शे योर। अपेहल दोरे केहतु शुद्ध ए ईश्वरीय व्यवहार खमोर दंङ दोरे मसीहू टोईच़ी विशवास लोहर।

1 पतरस 3:2 Iomraidhean Croise

इफिसियों 5:33

पर दि केहतु टोईच़ी ला लागू शवाह कि, केहतु बिचंङ हर इच्च़ा एनोह मेच़ारंङ साते केनोह बराबर दाह तोह, दंङ मेच़ा ला एनोह गगसो आदर लोह।

इफिसियों 6:5

दासरंङ साते गिऊ विनती तोह कि अंऊ मीहरे दि संसारारंङ केहतु मालिक तोतोर, दोतु आदर सत्कार सिर्फ दिखावा थल्जी थालंही। केहतु बिचंङ हर इच्च़ा बि बेह्द ए ड्केगी छना कि मसीहू, ध्वांए मालिको ला हुकुमो भाषे लंहि।

फिलिपियों 1:27

सिर्फ धोंण ए लंहि कि केहतु चाल-चलन मसीहू रूठे खबरो जोगे शोतो। कि चाहे गेह अंज़े ते केतिंङ खमोग, चाहे गेह अपोग ए माह, केहतु पाहठी दि रेड्रोग कि केरे इच्च़ा इरादारिंङ पक्‍का तोहईं दंङ इच्च़ा सेहम शुहचे रूठे खबरो विशवासो थल्जी मेहनत लोहवा तंही।

फिलिपियों 3:20

पर हेंदु देश स्वर्ग शुह, दंङ हेनर हेंदु उद्धार लहज़ा प्रभु यीशु मसीहू स्वर्गंङ ज़ि वापिस अपिमी थल्जी रुमज़ा तोतोंई।

कुलुस्सियों 3:22

हे परगरा रे, अंऊ धरतीऊ टोहकठे केहतु मालिक तोतोरे, दोतु हुकुम भाषे लंहि मीहतिंङ खुश लहज़ा तु ठ्रोह मशत, पर सच्चाई रंङ साते ए परमेश्वरो बेह्दरंङ साते।

1 तीमुथियुस 4:12

अच़िया काह तुच्छ (बेकार) समझेक्सी माह जूंस छना कुचे काह जवान तोतोन पर कांह बोल-चाल ए चाल-चलनारिंङ, ऊईतु थल्जी दाह रिंङ मसीहू टोहकठे कनु विशवासरिंङ दंङ कनु निर्दोष जीवनारिंङ, विशवासी मीहतु थल्जी इच्च़ा उदाहरण बणेंक्तु।

1 पतरस 1:15

पर हेंतेग केतिंङ भत्ते कम रिंङ अंऊ केहच़ी लहज़ातंई पवित्र शुहबी जूंस, छना कि परमेश्वर पवित्र तोह, अच़ि केतिंङ एनोह कटुरे शुहबिमी थल्जी अंङषी ततो।

1 पतरस 2:12

ऊई जातिऊ मीहतु बिचंङ केहतु व्यवहार रूठे शुहबी जूंस। छना कुचे एंतेग अच़ि केतिंङ मदम कम लहज़ा कुट्रा मीहरे कुचे दोष लगाएपोर, दोरे मीहरे अपेहल परमेश्वर अपतो दुह ध्याड़ा केहतु रूठे कम खंड्रा परमेश्वरो महिमा लोहर।

1 पतरस 3:1

हे मेच़ारे, केरे ला केनातु गगसा तु अधीन बंङज़ुंई। छना कुचे अगर दोतु बिचंङ ज़ि अरिला परमेश्वरो बचनो टोईच़ी विशवास लहज़िमी रंङ साते इंकार लहज़ा,

1 पतरस 3:3

दंङ केतिंङ रूठे रंङ खमज़ेर लेहच़ी जूंशी तोह, झांह ठ्रोह खमज़ेर अंऊ रूठे शोतो। माह कि सिर्फ क्राह सज़ाएच़ी ए ज़ंङ मुतिका तु गहना लेहज़ा या कीमती खमज़ेतु दोरच़ी एनोह श्रंगार लोहतो।

2 पतरस 3:11

दि पक्‍का तोह कि परमेश्वर भत्ते चीज़ा तिंङ झांह ठ्रोह नाश लेह च़रपोतो, दंङ केरे पक्‍का रूपा रिंङ ञेंच़ातोंई कि केतिंङ छना ठ्रोह व्यवहार लेह जूंशी तोह दंङ छिल्ला केहच़ी लहज़ातंई दोरिंङ परमेश्वरा बि खुश लंहि।