1 पतरस 3:15 - लाहौली बाइबिल

¹⁵ बल्कि मसीह बि केनातु सेहमरिंङ प्रभु चेहके दोऊ अराधना लंहि, अगर अच़िया दू उम्मीदो पाहठी रूहक्पोतो ता अंऊ विशवासी शुहबी रंङ साते हेनर भत्तेरे सांझा लहज़ातंई, दंङ हमेशा दोबि समझाएच़िमी थल्जी तेयार बंङज़ुंई, पर दि नम्रता ए आदरा रंङ साते लंहि।

1 पतरस 3:15 Iomraidhean Croise

प्रेरित 21:39

पोलुसे जुबाब रेंई, माह गेह ता यहुदी मीह शुगाह, गेह किलिकिया प्रदेशो इच्च़ा महस खास तरसुस शहरो निवासी शुगाह। दंङ गेह करंङ साते बिनती लहज़ातग, कि गिह्बी मीहतंङ साते गप्पा लेह रोंऊ।

प्रेरित 24:25

अपेहल पोलुस धर्म ए धीरज़ दंङ अंजा न्यायो पाहठी गप्पा लहज़ी लेहकी तोहई, दंङ फेलिक्से ए वेवा जुबाब रेंई, “एंतेग कांह अच़ा ईला। अपेहल गिऊ कछंङ टेम शोतो, गेह घेंङै कनिंङ यह्च़ा अता कोहग।”

कुलुस्सियों 1:23

पर केतिंङ विशवासा रिंङ इच्च़ा मुयांदो ठ्रोह पक्‍का शुहबी जूंस, दंङ दुह उम्मीदा बि अंऊ केहतु कछंङ तोह केतिंङ अपेहला छोड़ेक्च़ी माह जूंस अंऊ हेंतेग हेंदु कछंङ तोह छना कुचे हेंज़ी दुह ए रूठे खबरो टोहकठे विशवास लहज़ातंई, अतु प्रचार भत्ते धरतीऊ मीहतु बिचंङ लहसी तोह; दंङ अतु गेह पोलुस, सेवक बणेक्तिग।

कुलुस्सियों 1:27

छना कुचे परमेश्वरे जुंज़ाते कि दोऊ मीहच़ी दिह ञेंओर कि मसीहू टंगा ढबाह ए दोऊ महिमा केरे ऊईजाति तु थल्जी ला शुह। दंङ भेद दिह तोह कि: मसीह केहतु बिचंङ बंङज़ा। दि केतिंङ दोऊ महिमा रिंङ शामिल शुहबिमी उम्मीद रंड्रा।

कुलुस्सियों 1:5

केहच़ी दिह झांह लेह लहज़ातंई छना कुचे विशवास ए दाह ओ मुयांद दुह उम्मीद तोह अंऊ केहतु थल्जी स्वर्ग रिंङ तहसी तोह, अतु पाहठी केहच़ी दुह रूठे खबर ओ सत्य बचनरिंङ रेड्री चरच़ातंई, अंऊ केहतु कछंङ पिचे तोह।

कुलुस्सियों 4:6

केहतु गप्पा हमेशा दाह ए सेहमरिङ गमेकी शुहबी जूंस, केतिंङ हर इच्च़ा मीहबी केनातु विशवासो थल्जी ठीक-ठीक जबाब रंड्री अपि जूंस।

तीतुस 1:2

दिऊ नतीज़ा दि तोह कि, दोरे परमेश्वरारंङ साते अनंत जीवनो ओ थल्जी बंङज़िमी उम्मीद तहच़ातेर, छना कुचे परमेश्वर, अंऊ अपेहल ला हप्सी माह कुट्रा, संसारो रचना लहज़िमी तुहई वाईदा लाहते कि दोऊ मीहरे हमेशा ओ थल्जी श्रींङी बंङज़ोर।

इब्रानियों 3:6

पर मसीह योह रूपारिंङ एनोह टबरातु थल्जी विशवासो जोगे तोह दंङ दू टबर हेनर शुई, अगर हेनर हेंदु उम्मीद रिंङ हिम्मत ए घमण्ड लहज़ी जारी तोहनि ता, दंङ हेनर परमेश्वरो मीहरे शुहनि।

इब्रानियों 6:1

झांह लेह हेंज़ी अंऊ भत्ते बे तुहई मसीहू पाहठी सिखेक्तेंई दू ए मुयांदो शिक्षा दोहरगी माह तोहनि; झांह लेह अतंई हेनर दू मुयांदी शिक्षा बे तुंखा शुहचे शिक्षा ओ पाहठी विचार लोहनि। हेंदिंङ यह्च़ा दि गप्पा शुरू लहज़िमी ज़रूरत माह, कि हेंदु मदम कमो दोरच़ी पश्चाताप छना लहज़ी जूंशी तोह, दंङ परमेश्वरो टोईच़ी छना विशवास लहज़ी जूंशी तोह।

1 पतरस 1:17

अपेहल केहच़ी प्रार्थना लहज़ातंई ता दंङ केहच़ी परमेश्वरा बि केनातु बाह कुट्रातंई। पर हिद तंही कि दू भत्ते मीहतु फेंसला इच्च़ा ए ठ्रोह लहज़ा मतलब हर इच्च़ा ए छि-छि लहसी शुह। दिऊ थल्जी कि केरे दि धरती रिंङ इच्च़ा परदेशी शुहचे बंङज़ातंई दंङ केतिंङ परमेश्वरो बेह्द चेहके दोऊ महस आदर लहज़ी जूंशी तोह।

1 पतरस 3:2

दंङ दोरे केहतु व्यवहार खंड्रा केहतु छा कुट्री मेह, विशवास लहज़िमी थल्जी द्रक्शे योर। अपेहल दोरे केहतु शुद्ध ए ईश्वरीय व्यवहार खमोर दंङ दोरे मसीहू टोईच़ी विशवास लोहर।

1 पतरस 3:4

पर केतिंङ केनातु नह्की ए शांत व्यवहारो दोरच़ी केनातिंङ सलटे लेह जूंशी तोह अंऊ सलटे अपेहल ला योहसिमी माह। दंङ अंऊ परमेश्वरो नज़रारिंङ महस कीमती तोह।