1 पतरस 3:14 - लाहौली बाइबिल

¹⁴ पर अगर हेले भलाई लहज़िमी रंङ साते केरे दुख सहन ला लहज़ातंई, दंङ परमेश्वर केतिंङ आशीष रमतो। ध्वांए लंहि छना यशायाह भविष्यवक्ता ज़ि च़ेहसी तहरे: “दू मीहतंङ साते थाबेईनि, अंऊ केतिंङ बेई लहज़ातोर दंङ दि गप्पो चिंद थालंही कि मीहरे छि कुट्री तरपोर।”

1 पतरस 3:14 Iomraidhean Croise

मत्ती 10:28

अच़ि फुको घात लाह्तोर, पर आत्मो नुकसान लेह मरच़ि, दोतंङ साते थाबेंई पर परमेश्वरारंङ साते बेंईन अच्च़ी फुके आत्मा झुल्ला नरकंङ खत्म लेह तरच़ा।

मत्ती 10:31

दिऊ थल्जी था बेंईन। केहरे परमेश्वरो थल्जी प्यारेबे बढ़के शुई।

मत्ती 10:39

छना कुचे अच़ि एनोह जहान दिह धरतीऊ टोईच़ी बचाएपोतो दोई दुह योहपतो; अच़ि गिऊ थल्जी एनोह जहान रमोतो दोई दुह खोकपोतो।

मत्ती 16:25

छना कुचे अच़ि एनोह जहानो दिह धरतीऊ टोईच़ी बचाएपोतो दोई परमेश्वरारंङ साते अनंत जीवन खोकसिमी मोका योह्च़े च़रपोतो। दंङ अंऊ मीह गिऊ बजाहज़ि एनोह जहानो रमतो दुह मीहे परमेश्वरारंङ साते अनंत जीवन खोकपोतो।

मत्ती 19:29

अच़िला घरबाररे एनोह न्वा, रिंङ याह-बाह तिंङ, कटुरे, या रिह गिऊ मिन्दु थल्जी केह केहषी ततोर दोबि राह गुणा खोकसोतो, दंङ दुह अनंत जीवन ओ हकदार शोतो।

मरकुसो 10:29

यीशुज़ि चेला तंङ साते कुहतो, “गेह केतंङ हेले कुट्रातग, अच़िला गिऊ चेला बणेक्पिमी थल्जी दंङ गिऊ रूठे खबर सुनाएच़िमी थल्जी एनोह चुंङ, एनोह न्वा, रिंङ याह-बाह तिंङ, कटुरे, या रिह केहच़ी केतोह, दोई पक्‍का ए दि जुगारिंङ सतावरिंङ साते दिह भत्ते चीज़र राह गुना खोकपोतो दंङ थलका अपिमी ध्याड़ारिंङ अनंत जीवन खोकपोतो।

मरकुसो 8:35

छना कुचे अच़ि एनोह जहानो दिह धरतीऊ टोईच़ी बचाएपोतो दोई परमेश्वरारंङ साते अनंत जीवन खोकसिमी मोका योह्च़े च़रपोतो। दंङ अंऊ मीह गिऊ टोहकठे विशवास लहच़ी ए दंङ गिऊ रूठे खबर सुनाएच़िमी बज़ाहसि सिओतो दुह मीह परमेश्वरारंङ साते अनंत जीवन खोकपोतो।

यहून्नो 14:1

यीशु ज़ि चेला तु हखा कुई, “केहरे परेशान था शुई! छना केहच़ी परमेश्वरो टोहकठे विशवास लहज़ातंई ध्वांए गिऊ टोहकठे ला विशवास लांही।

यहून्नो 14:27

गेह केतिंङ शांति रंड्रातग मतलब दुह शांति अंऊ गेह तातग; दिह दुह शांति माह शुह अंऊ संसारे रें तरपोतो, केहरे परेशान था शुई दंङ बेंईन था।

प्रेरित 9:16

दंङ गेह दोबि कमोग, कि मीहतु बिचंङ गिऊ पाहठी प्रचार लहज़िमी बज़ाहसि दोबि छना-छना ठ्रोह दुख उठाएच़ी लेह्पोतो।”

2 कुरिन्थियों 12:10

दिऊ थल्जी गेह मसीहू थल्जी कमज़ोरीरिंङ, दंङ निन्दा रिंङ, गरीबी रिंङ, बुराई रिंङ, मुसीबता रिंङ, खुश तोतोग; छना कुचे अंऊ मुक्का गेह कमज़ोर शवाहतग, दोहथर गेह मसीहू ताकतो दोरच़ी बलवन्त शुहचे यवातग।

फिलिपियों 1:29

छना कुचे मसीह वहज़ा ज़ि केहतु टोईच़ी दि मोह्ड़े दाह शुई, कि माह सिर्फ दोऊ टोईच़ी विशवास लंहि पर दोऊ थल्जी दुख लाह उठाकतेंई।

याकूब 1:12

धन्य शुह दुह मीह, अंऊ परीक्षारिंङ खड़े बंङज़ा, अपेहल दुह परीक्षा दोरच़ी पार शुहचे यवाह दंङ दोबि इच्च़ा ईनाम खोकसोतो। अंऊ अनंत जीवनो दुह मुकुट तोह अपि रंड्रीमी वाईदा परमेश्वरे एनोह दाह लहज़ा तंङ साते लहसी ततो।

याकूब 5:11

खंई, दुखा रिंङ धीरज़ा रंङ ज़हके दोतिंङ धन्य कुट्री, केहच़ी अय्यूब मिन्दु इच्च़ा मीहबी धीरज़ ज़हकिमी पाहठी थाक्शी तातंई, दंङ केहच़ी दि ला ञेंहच़ातंई कि परमेश्वरे थल मुक्का दोऊ छना ठ्रोह मदत लहरी। अंऊ दिरंङ प्रभु महस दाह ए कृपा प्रगट शवाह।

1 पतरस 3:6

छना सारा मिन्दु मेच़िमी एनोह गगसा अब्राहमो हुकुम मनेक्च़ते दंङ दोबि एनोह मालिक कुट्राते। मतलब एंतेग कि केरे सारा ओ ठ्रोह शुहबी तरपोंई, अगर केरे ऊई तंङ साते भलाई लहज़ातंई दंङ केहतु अंदरेग थोड़े ला बेह्द माह। दंङ कांह सारा ओ खानदानो ठ्रोह शोन।