1 पतरस 3:11 - लाहौली बाइबिल

¹¹ दोबि पक्‍का ए दू लेह बन्द लहज़ी जूंशी तोह अंऊ मदम तोह। दिऊ वहज़ा, दोबि दू ए लहज़ी जूंशी तोह अंऊ रूठे तोह। ऊईतिंङ साते शांति रंङ साते बंङज़िमी महस कोशिश लंहि।

1 पतरस 3:11 Iomraidhean Croise

मत्ती 5:45

झांह लेह केहरे केनातु स्वर्गो बाह परमेश्वरो कटुरे शोंई छना कुचे परमेश्वरे रूठे ए मदम मीहतु थल्जी एनोह एके हुंपा दंङ धर्मी ए पापी मीहतु टोईच़ी संदा वरसाची।

मत्ती 5:9

धन्य शुहरे दोरे, अरी मेल मिलाप लहज़ी लाह्तोर, छना कुचे दोरे परमेश्वरो कटुरे शोअर।

मत्ती 6:13

दंङ ञेंतिंङ परीक्षा रिंङ था हता पर शेतानो दोरच़ी बचाएतु छना कुचे, राज्य पराक्रमऐ महिमा हमेशा कांह ए शुहरे, आमीन।

मरकुसो 14:7

कंगाल ता केतंङ साते हमेशा शवातेर, दंङ केहच़ी अपेहल जुन्ज़ातंई दुह मुका दोतंङ साते भलाई लोहुनी; दंङ गेह केतंङ साते हमेशा मा बंङज़ोग।

लूको 1:79

पापारिंङ जोज़ा ए सीमी बेह्दारिंङ बंङज़ा दोतिंङ छंङी रंड्रीमी थल्जी, कि दिह छंङी ञेंतिंङ दुह अमो मार्गदर्शन लोहतो शांति ओ अम रिंङ सीधा चलाएपोतो।

लूको 6:35

पर केनातु बैरीरंङ साते दाह लांही ए भलाई लांही, दंङ यह्च़ा वापिस खोकसिमी उम्मीदा उद्धार थारांई; दंङ केहतु थल्जी मोह्ड़े फल शोतो, दंङ केहरे परमप्रधान परमेश्वरो कटुरे शोनी, छना कुचे दोई मांजी दोतु टोईच़ी ला कृपा लाह।

लूको 6:9

यीशुज़ि दोतंङ साते कुतोह, “गेह केतंङ साते दी रुहक्च़ा शुगाह कि अरामो ध्याड़ारिंङ रुठे लहज़ी ठीक शुह या मांजी लहज़ी; प्राण बचाची ठीक शुह आ सच़ी ठीक शुह?”

यहून्नो 17:15

गेह दीह बिनती माह लहज़ातग कि केई दोतिंङ संसारारंङ च़ि रेंज़ा शिल, पर दिह कि केई दोतिंङ शेतानो दोरच़ी बचाके तौऊ।

रोमियो 12:18

अंऊर तचेक शुहचे तरपोतो, केरे केनातु तरफे भत्ते मीहतंङ साते शांति रंङ साते मिलाप तंही।

रोमियो 14:17

परमेश्वरो राजारिंङ ज़े तुंङमी ज़रूरी माह, पर ज़रूरी गप्पा दि तोह कि परमेश्वरा रंङ साते सही जीवन श्रींङमातंई, पवित्र आत्मारिंङ शांति ए दू खुशी शुहबी तोह।

रोमियो 14:19

झांह लेह हेनर दू गप्पातिंङ लहज़िमी कोशिश लोंहि अंऊ मीहतिंङ शांति रंङ साते ठ्रोहका शुहचे बंङज़िमी वहज़ा शवाह दंङ विशवास पक्‍का लहज़िमी थल्जी, इदि-अई दिऊ मदत लोहवा लंहि।

रोमियो 5:1

झांह लेह हेनर विशवासो दोरच़ी धर्मी ठहरेक्सा इलिन, दोहपल प्रभु यीशु मसीहू दोरच़ी परमेश्वरा रंङ साते हेंदु मेल-मिलाप शुचि इलजी तोह।

रोमियो 7:19

छना कुचे अंऊ रूठे कमो गेह हिटी लहज़ातग, दू ता माह लहज़ातग, पर अंऊ बुराईऊ हिटी माह लहज़ातग, दू ए लहज़ातग।

रोमियो 7:21

झांह लेह, गिऊ तज़ुर्बा दि तोह कि अपेहल गेह रूठे लहज़िमी हिटी लहज़ातग, दंङ बुराई ए शुहचे यवात।

रोमियो 8:6

फुका रंङ साते दाह लहज़ी ता मौत ए तोह, पर आत्मो टोईच़ी सेहम लगाएच़ी जीवन ए शांति तोह।

गलातियों 5:22

पर अपेहल पवित्र आत्मा हेंदिंङ काबू लहज़ा दंङ दोऊ गुण दि तोह “दाह, खुशी, शांति, धीरज़, दया, भलाई, विशवासो जोगे, नम्रता दंङ हेंदु टोईच़ी काबू लहज़ी।”

गलातियों 6:10

झांह लेह अंऊर तचेक मोका खोकसोतो हेनर भत्ते मीहतंङ साते भलाई लोहनि; खास लहज़ी साथी विशवासी तंङ साते।

कुलुस्सियों 3:15

अंऊ मसीह शांति रंड्रा दोबि केनातु विचार रिंङ काबू लेह रांही छना कुचे केरे भत्तेर इच्च़ा फुको शुई। झांह लेह केतिंङ इदि-अईदिरंङ साते शांतिरिङ बंङज़िमी थल्जी बुलाईसी शुईं दंङ हमेशा परमेश्वरो धन्यवाद लोहवा लंहि।

1 तीमुथियुस 6:18

दोतिंङ भलाई ऊ कम लहज़िमी थल्जी कुह, दंङ ऊईतु थल्जी छिल्ला ज़रूरत तोह दोबि महस खुले सेहमे दान रम्मा लंहि।

इब्रानियों 12:14

भत्ते तंङ साते मेल मिलाप तंही, दंङ पवित्र जीवन श्रींङमी हर पाहठी कोशिश लोहवा लंहि। दू मेह अच़िला प्रभु बि अपेहल खंई माह रपोर।

इब्रानियों 13:16

केरे भलाई लहच़ी ए इदि-अई दिऊ मदत लहज़िमी थल्जी तेयार बंङज़ुंई, छना कुचे परमेश्वर झांह ठ्रोह बलिदाना रंङ साते खुश शवाह।

याकूब 4:17

झांह लेह अच़िला भलाई लेह तरच़ा दंङ माह लहज़ा, दोऊ थल्जी दि पाप शुह।

1 पतरस 3:12

छना कुचे प्रभु ज़ि दू मीहतु देख भाल लहज़ी अंऊ दोच़ी दू ए लहज़ातोर अंऊ ठीक तोह, दंङ दू हमेशा दोतु प्रार्थना रेड्रीमी थल्जी ए दोतु जबाब रंड्रीमी थल्जी तेयार तोह। पर परमेश्वर दू मीहतु खिलाप कम लहज़ा अंऊ दोच़ी मदम लहज़ातोर।

3 यूहन्ना 1:11

प्यारे मित्रा, दुह मीहतु नकल थालोहू अंऊ बुराईओ कम लहज़ातोर, पर दुह मीहतु थले ज़ोज़ा अंऊ रूठे कम लहज़ातोर। अपेहल अच़िया रूठे कम लहज़ा दंङ दोई दि साबित लहज़ा कि गेह परमेश्वरो योह शुगाह दंङ अंऊ बुराई लहज़ा दोई परमेश्वर सेहतिर माह।