1 पतरस 3:10 - लाहौली बाइबिल

¹⁰ छना कुचे पवित्रशास्त्रा रिंङ च़ेहसी तोह, कि “अगर अरिया मीह एनोह जीवनो लेहपच़ी जुंज़ा दंङ रूठे ध्याड़ा खंड्री जुंज़ा, दंङ दोबि खबरदार बंङज़ी जूंशी तोह कि दोई मदम गप्पा कुट्री मरपोतो।” दंङ दोबि झांह ठ्रोह गप्पा लहज़ी बन्द लेह जूंशी तोह अंऊ हेले माह।

1 पतरस 3:10 Iomraidhean Croise

मत्ती 19:17

रूठे ता इच्च़ा ए तोह; अगर कांह स्वर्गंङ इबिमी तातन ता, दंङ प्रभुऊ गप्पा मनेकपा लोहू।

मरकुसो 8:35

छना कुचे अच़ि एनोह जहानो दिह धरतीऊ टोईच़ी बचाएपोतो दोई परमेश्वरारंङ साते अनंत जीवन खोकसिमी मोका योह्च़े च़रपोतो। दंङ अंऊ मीह गिऊ टोहकठे विशवास लहच़ी ए दंङ गिऊ रूठे खबर सुनाएच़िमी बज़ाहसि सिओतो दुह मीह परमेश्वरारंङ साते अनंत जीवन खोकपोतो।

यहून्नो 1:47

यीशु ज़ि नतनएल बि एनोह हखा अपि खंणी रंङ साते दोऊ पाहठी कुहतो, “खंणुई, दी इस्राएलो भरोसेमंद खानदानो शुह: अरी पुरे ठ्रोह ईमानदार तोह।”

यहून्नो 12:25

अच़ि एनोह जहानो दिह धरतीऊ टोईच़ी बचाएपोतो दुह दोई ञेंई केओतो दंङ अच़ि दीह संसारारंङ एनोह जहानो परवाह मलोह्तो दोई अनंत जीवनो थल्जी दोऊ रक्षा लोहतो।

याकूब 1:26

अगर अच़िया एनाबि भक्त समझेक्च़ा, पर मांजी गप्पा कुट्रिमी थल्जी एनोह लेह रिंङ काबू माह तहज़ा दंङ दुह एनाबि धोखा रंड्रा, दंङ दोऊ भक्ति बेकार तोह।

1 पतरस 2:1

झांह लेह भत्ते पाहठी मदम व्यवहार छोड़ेके च़रतुंई। ऊईतिंङ धोखा थारांई, पाखंडी थाशुंई। ऊईतिंङ साते जलन थालंही। ऊई मीहतु पाहठी मदम गप्पा था कुंई।

1 पतरस 2:22

पवित्र शास्त्रे कुट्रा, “दोई अपेहला पाप माह लहरी।” दंङ दोई अपेहला छा हप्सी माह कुई।

प्रकाशित वाक्य 14:5

दोच़ी अपेहल ला हप्सी माह कुईर। दोतु अंदरेग छल्ले गलती माह।