1 पतरस 2:8 - लाहौली बाइबिल

⁸ दंङ पवित्र शास्त्रे दि ला कुट्रा, “दि रह्घ मीहतु ठोकरो वहज़ा शोतो। दि इच्च़ा चटान शुह अंऊ दोतु दह्पिमी वहज़ा शोतो।” दोरे बचना रिंङ विशवास लहज़ी माह जुंज़ातोर, झांह लेह दोरे ठोकर ज़ोवा दह्च़ी यवातोर। परमेश्वरे दोतंङ साते दिए शुहबिमी योजना बणाएषी ततो।

1 पतरस 2:8 Iomraidhean Croise

लूको 2:34

दंङ शमौने दोतिंङ आशीष रेह, दोऊ याह मरियम रंङ साते कुतोह, “खंणु, दिह ता इस्राएल शहरंङ महस मीहतु उद्धार ए नाश शुहबिमी बजह शोतो, दंङ दिह इच्च़ा चेतावनीऊ निशानी ठ्रोह शोतो, अतु खिलाप मीहरेर गप्पा लोहर।

रोमियो 9:22

परमेश्वर बि अधिकार तोह कि अंऊ मीहतिंङ दोई बणाषी ततो दोतंङ साते एनोह हिटी हिसाबे छना जुंज़ा ध्वांए लेह तरपोतो परमेश्वर एनोह रोहष कंड्री ततो दंङ हर इच्च़ा खिलाप एनोह शाक्ति प्रगट लहज़ा अंऊ नष्ट शुहबिमी हकदार तोह। पर दिऊ वहज़ा, दोई धीरज़ारंङ साते दोतु सहन लहरी।

1 कुरिन्थियों 1:23

पर हेनर दि प्रचार लहज़ातंई कि मसीह हेंदिंङ हेंदु पापो दोरच़ी छुड़ाएच़िमी थल्जी क्रूसो टोईच़ी सिए इलि। अंऊ यहुदी तु कछंङ ठोकरो वहज़ा, दंङ ऊईजाति तु कछंङ मुर्खता तोह।

2 कुरिन्थियों 2:16

पर दोतु थल्जी अंऊ विनाशो अमरिंङ तोतोर, दोरे सिमी झांह ठ्रोह झखंजी बासो ठ्रोह तोतोर अंऊ दोतिंङ मौतो हखा रैंज़ा शिलज़ा; पर दोतु थल्जी अंऊ उद्धारो अमरिंङ तुंखा शवाहतोर, दि जीवनो झांह ठ्रोह रूठे बास तोह अंऊ जीवनो हखा रैंज़ा शिलज़ा। हेले रिंङ, अरिला एनोह दोरच़ी दिऊ जोगे माह अंऊ मसीहू ज्ञानो रूठे बास फैलाके तरपोतो।

गलातियों 5:11

हे गिऊ प्यारे साथी विशवासी रे, अगर गेह दि प्रचार लहज़ातग कि मीहतु खतना लेह जूंशी तोह, दंङ गिह्बी मुसीबतो सामना लेह माह पढ़ेक्पोतो। दंङ अगर गेह दि प्रचार माह लोहग ताकि उद्धार सिर्फ मसीहू क्रूसो दोरच़ी ए तोह, दंङ अरिला नाराज़ माह शोतो।

1 थिस्सलुनीकियों 5:9

छना कुचे परमेश्वरे हेनर दिऊ थल्जी अंङषी माह शुह, कि एनोह रोहषे हेंदिंङ सज़ा रमतो, पर दिऊ थल्जी अंङषी कि हेनर हेंदु प्रभु यीशु मसीहू दोरच़ी उद्धार खोकपोंई।

1 पतरस 2:6

दि ध्वांए तोह छना परमेश्वरे पवित्रशास्त्रारिंङ एनोह योह पाहठी कुट्रा, “खंणु! गेह इच्च़ा कीमती रह्घ अंङे चरच़ातग, अपि यरूशलेम शहरो स्थापना लहज़िमी थल्जी मुयांदो रह्घ तु केट्रातग। दंङ अरिला दोऊ टोईच़ी विशवास लोहतो, दुह अपेहला शर्मिन्दा माह शोतो।”

1 पतरस 2:7

दि रह्घ केहतु थल्जी महस कीमती तोह अंऊ यीशु मसीह टोईच़ी विशवास लहज़ातंई। पर अंऊ मीहरे दोऊ टोईच़ी विशवास माह लहज़ातोर दोतु पाहठी पवित्र शास्त्रे कुट्रा कि, “राजमिस्त्रिज़ि अंऊ रह्घ तु इस्तेमाल लहज़िमी थल्जी इन्कार लेह च़रतिर, दू चुंङी मुयांदो थल्जी भत्ते बे खास रह्घ बणेंके इलि।”

2 पतरस 2:3

दि उपदेश रंड्रा दिरे लालची शोर, दंङ दोरे बणाएषी ठ्रोह कथा कुचे केतिंङ धोखा रमोर ताकि केहतु दोरच़ी ढबाह कमाके तरपोर। परमेश्वरे महसे टेम तुहई ए दि फेंसला लेह चरच़ाते कि दुह दोतिंङ सज़ा रमतो दंङ दुह झांह लहज़िमी थल्जी तेयार तोह। दुह हेले रिंङ दोतिंङ नाश लेह च़रपोतो।

यहूदा 1:4

गेह केतिंङ चेहच़ातग, छना कुचे रें मीहरे अंऊ यीशु मसीहू टोईच़ी विशवास लहज़िमी दिखावा लहज़ातोर, दोरे केहतु बिचंङ शामिल शुहचे इलोर। दोच़ी परमेश्वरो आदर माह लहज़ातोर दंङ दोच़ी गलत शिक्षा रंड्रातोर कि परमेश्वर एनोह मोह्ड़े दाह ओ दोरच़ी हेंदु पाप माफ लेह च़रच़ा, झांह लेह हेनर मदम जीवन श्रींङमातंई। दोच़ी यीशु मसीह बि ग्रहण माह लहज़ातोर, अंऊ हेंदु इच्च़ा मालिक ए हेंदु प्रभु तोह। महस तुहई, पवित्रशास्त्रे कुट्रा, “कि परमेश्वर झांह ठ्रोह मीहतिंङ सज़ा रमतो।”