1 पतरस 2:6 - लाहौली बाइबिल

⁶ दि ध्वांए तोह छना परमेश्वरे पवित्रशास्त्रारिंङ एनोह योह पाहठी कुट्रा, “खंणु! गेह इच्च़ा कीमती रह्घ अंङे चरच़ातग, अपि यरूशलेम शहरो स्थापना लहज़िमी थल्जी मुयांदो रह्घ तु केट्रातग। दंङ अरिला दोऊ टोईच़ी विशवास लोहतो, दुह अपेहला शर्मिन्दा माह शोतो।”

1 पतरस 2:6 Iomraidhean Croise

मत्ती 12:18

“खांई, दिह गिऊ परगर शुह, अरी गेह अंङषी शुगाह; गिऊ प्यारे, अतु दोरच़ी गिऊ सेहम राजी शुहचे तोह; गेह घेंङौ आत्मा दोऊ टोईच़ी केओग; दंङ दोरे ऊईजाति तु न्यायो खबर रमोतो।

मरकुसो 12:10

छि केहच़ी पवित्रशास्त्रंङ दी बचन पढ़ेकी माह शुहआ कि, अंऊ रघ ‘राजमिस्त्रीज़ि कम मेह चेकातेर, दुह ए कुंणीऊ रघ शुहचे इलि।

लूको 20:17

यीशु ज़ि दोतु हखा खांऐ कुहतो, दंङ पवित्रशास्त्रा रिंङ दिह छि च़ेहसी तोह; अंऊ रघबि राजमिस्त्रीज़ि केह केहषी ताहरेर दुह ए कुंणीऊ रघ शुहचे इलि।

लूको 23:35

मीहरे खड़े शुहचे खंड्री लेहकी तोईरे, दंङ यहुदी मुख्या रे ला मज़ाक लेह कुट्रातेर; “दिह ऊई मीहतिंङ बचाकते, अगर दिह परमेश्वरो मसीह शुह ता, दंङ दोऊ अंङषी शुह ता एनाबि बचाएतु।”

यहून्नो 7:38

अच़ि गिऊ टोहकठे विशवास लोहतो, छना पवित्र शास्त्रा रिंङ च़ेहसी तोह, ‘दोऊ सेहमो अंद्रेग च़ि तिऊ बेंडी अच़ि जीवन रंड्री हुंच़ा अपतो।’”

प्रेरित 1:16

हे बिशवासी न्वा रे, दिह ज़रूरी तोहई कि पवित्रशास्त्रा रिंङ च़ेहसी बचन पूरे शुबी जूंस अंऊ पवित्र आत्माज़ि रज्ज़ा दाऊद ओ आहच़ि यहूदो पाहठी तुह्ई ए कुहषी तारेह, अरि यीशु बि च़ुमज़ि लहज़ातु मुख्या तोहई।

रोमियो 10:11

छना कुचे यशायाह भविष्यवक्ता ज़ि मसीहू पाहठी पवित्रशास्त्रारिंङ दि च़ेहसी तते, “अरिला दोऊ टोईच़ी विशवास लोहतो, दू शर्मिन्दा माह शोतो।”

इफिसियों 1:4

परमेश्वरे सर्ग ए धरती बणाएषिमी तुहई, मसीहू दोरच़ी हेंदिंङ एनातु मीह शुहबिमी थल्जी अंङे च़रति। ताकि हेनर दोऊ नज़रारिंङ पवित्र ए निर्दोष शुहबी तरपोंई।

इफिसियों 2:20

इच्च़ा साते, हेनर दोऊ चुम शुई, अंऊ कि प्रेरिता तु ए परमेश्वरो खबर रंड्रा मीहतु मुयांदो टोईच़ी, दंङ दिऊ कुंणीऊ रह्घ एनोह ए यीशु मसीह तोह।

2 तीमुथियुस 3:16

भत्ते पवित्रशास्त्रो वचन दुह शुह अंऊ दोबि परमेश्वरे मीहतु विचारारंङ केई च़रति अंऊ दोच़ी दुह च़ेहसी शुह। दि मीहतिंङ सिखाच़िमी थल्जी ए, दोतिंङ कंड्रिमी थल्जी कि छिल्ला धिर दोच़ी लहसी शुह, दुह गलत शुह, दोतु गलती ठीक लहज़ी दंङ अंऊ सही तोह दोबि लहज़िमी थल्जी दोतिंङ हुकुम रंड्रीमी थल्जी फायदेमंद तोह।

1 पतरस 2:4

एंतेग केरे प्रभु यीशु कछंङ अंज़े तोतोंई, अंऊ श्रींङी रह्घ तु ठ्रोह तोह। मीहच़ी दि रह्घ बेकार चेहके छोड़ेके चरच़ातेर। पर परमेश्वरे दोबि कीमती चेहके अंङे च़रति दंङ दोबि मुयांदो खास रह्घ बणाके च़रति। एंतेग केरे ला श्रींङी रह्घ तु बराबर शुई, अतिंङ परमेश्वर इच्च़ा आत्मिक चुम बणाएषिमी थल्जी इस्तेमाल लहज़ा। परमेश्वरे केतिंङ पवित्र यहुदी पुरोहिता तु समाज बणाके च़रति ताकि केरे प्रभु यीशु मसीहू दोरच़ी परमेश्वरा बि खुश लहज़िमी जोगे बलिदान चढ़ाके तरपोंई।

1 पतरस 2:8

दंङ पवित्र शास्त्रे दि ला कुट्रा, “दि रह्घ मीहतु ठोकरो वहज़ा शोतो। दि इच्च़ा चटान शुह अंऊ दोतु दह्पिमी वहज़ा शोतो।” दोरे बचना रिंङ विशवास लहज़ी माह जुंज़ातोर, झांह लेह दोरे ठोकर ज़ोवा दह्च़ी यवातोर। परमेश्वरे दोतंङ साते दिए शुहबिमी योजना बणाएषी ततो।

2 पतरस 1:20

भत्ते बे ज़रूरी गप्पा दि तोह कि केहच़ी चेहच़ातंई कि अरिला एनोह शाक्ति ऊ दोरच़ी परमेश्वरो भविष्यवाणी समझेक्सिमी जोगे माह अंऊ पवित्र शास्त्रा रिंङ रांहषी तोह।

2 पतरस 3:16

घेंङौ भत्ते पत्री तिंङ अंऊ गेह विशवासी तिंङ च़ेहसी तातग, दोई ध्यांए ठ्रोह गप्पा च़ेहसा। पर रे गप्पा अंऊ दोई एनोह पत्री रिंङ च़ेहसी ततो, दोतिंङ समझाएसी खरे तोह। अंऊ मीहच़ी रूठे शिक्षा खोकसी माह तातोर। दंङ अंऊ दोतिंङ दि पक्‍का माह कि दोच़ी छि विशवास लहज़ातोर, दोरे दि खरे गप्पो वर्णन गलत तरीका रंङ साते लहज़ातोर। झांह लहज़ी दोरे परमेश्वरो दोरच़ी एनोह नाश शुहबिमी वहज़ा शुहचे यवातोर।