1 पतरस 2:24 - लाहौली बाइबिल

²⁴ अपेहल मसीह सिए इलि, दंङ हेंदु पापो थल्जी क्रूसो टोईच़ी दोऊ फुका बि तकलीफ रेंईर ताकि हेनर पाप लेह बन्द लेह केओनि दंङ धर्मिकता रंङ साते श्रींङमी शुरू लोहनि। दंङ दू घाहो वहज़ा ज़ि अंऊ दोई सहन लहरी, हेनर ठीक शुहचे इलजे तोतोंई।

1 पतरस 2:24 Iomraidhean Croise

मत्ती 27:26

दिरंङ दोई बरअब्बाबि दोतु थल्जी रिहा लेह केहतो, दंङ यीशुज़ि रोमी सेनिकातु गुहड़िंङ कोड़े चढ़ाएच़िमी ए क्रूसो टोईच़ी केचिमी ए सच़िमी थल्जी दोतु हखा रेह च़रति।

मत्ती 5:20

छना कुचे गेह केतंङ साते कुट्रातग कि, अगर केहतु धर्मिकता ओ कम यहुदी शास्त्री ए फरीसी मीहतु धर्मो कम्माङ ज़ि महस माह शुई सा ता, केहच़ी स्वर्ग राजंङ अपेहल ला अपि मरपोंई।

मत्ती 8:17

ताकि छि वचन यशायाह भविष्यवक्ताओ दोरच़ी कुहषी तोहई दुह पूरा शुहबी जूंस। “मसीह ऐनेह हेंदु कमज़ोरी लेहपशे केहते दंङ हेंदु टेहषी उठाके केहते।”

मरकुसो 15:15

दंङ पिलातुसे भीड़ाबि खुश लहज़िमी थल्जी बरअब्बाबि दोतु थल्जी रिहा लेह केहतो, दंङ यीशुज़ि रोमी सेनिकातु गुहड़िंङ कोड़े चढ़ाएच़िमी ए क्रूसो टोईच़ी केचिमी ए सच़िमी थल्जी दोतु हखा रें च़रति।

लूको 4:18

“प्रभुऊ आत्मा गिऊ टोईच़ी तोह, छना कुचे कि दोई गरीबातिंङ रूठे खबर सुनाएच़िमी थल्जी गिऊ अभिषेक लहसी शुह। दंङ गेह दिऊ थल्जी चरच़ि शुगाह कि केदीतिंङ छुटकारा ए कांणे दोतिंङ खंड्रिमी रूठे खबर सुनाएपोग, दंङ दुखी ए लचार मीहतिंङ दोतु दोरच़ी छुड़ाएपोग अच़ि दोतु टोईच़ी अत्याचार लाहतोर,

यहून्नो 1:29

“दोऊ ओइरग दोई यीशु बि एनोह हखा अपि तंङाते कुहतो, खंणु, दी परमेश्वरो कुर्च़ा शुह, अच़ि संसारो पापो उठा के शिली!

यहून्नो 19:1

दिरंङ पिलातुसे सेनिकातिंङ हुकुम रेंई कि यीशु बि रेंज़ा शिलांई दंङ दोबि कोड़ा बाएक्तिन।

प्रेरित 10:35

बल्कि हर इच्च़ा जाति अच़ि परमेश्वरो बेह्द चेहच़ा दंङ धर्मो कम लहज़ा, परमेश्वर दोतिंङ ग्रहण लहज़ा।”

प्रेरित 10:39

दंङ हेनर दुह भत्ते कमो गवाह शुई; अंऊ यीशु ज़ि यहूदिया ए भत्ते यरूशलेम शहरा रिंङ लहरिर, दंङ दुह ए यीशु बि यहुदी सेंहणा ज़ि दुह क्रूसो टोईच़ी सच़ी च़रतिर।

प्रेरित 13:29

दोच़ी यीशु रंङ साते दुह भत्ते धिर लहरिर अंऊ पवित्र शास्त्रा रिंङ दोऊ पाहठी च़ेहसी तोहई। दोच़ी दुह इच्च़ा क्रूसो टोईच़ी केह्चे सच़ी च़रतिर दंङ दोरच़ी तक्से कब्रो अन्द्रेग केह्चे केहरिर।

प्रेरित 5:30

ञेंहतु बाह-मेमेतु परमेश्वरे यीशु बि सिए दोरच़ी श्रींङे लेह च़रति, अतिंङ केहच़ी क्रूसो टोईच़ी केह्चे सच़ी चरच़ातेंई।

रोमियो 6:11

केहच़ी ला ध्यांए ञेंए च़रतेंई कि पापो वशारिंङ सिए दोतु ठ्रोह, पर परमेश्वरा बि आदर रंड्रीमी थल्जी श्रींङी तोतोंई।

रोमियो 6:13

दंङ माह ए फुको अंङा रे मदम हिटी थल्जी इस्तेमाल लंहि, पर केनातिंङ सिऊ दोरच़ी श्रींङे ञेंए केनातु जीवन परमेश्वराबि रें च़रतुंई, दंङ केनातु फुको अंङर सही कम लहज़िमी थल्जी परमेश्वरो हवाले लेह च़रतुंई।

रोमियो 6:16

केहच़ी ञेंच़ातंई कि अपेहल केरे केनातिंङ अतुआ परगर शुहबिमी थल्जी रें चरच़ातेंई दंङ दू मीह केहतु मालिक शुहचे यवात दंङ केतिंङ दू लेह लेह्पोतो अंऊ दोई क्वात, केरे पापो परगर शुहबी तरपोंई अंऊ सिमी हखा रैंज़ा शिलज़ा, या केरे परमेश्वरो हुकमो चुनाव लेह तरपोंई, अंऊ धर्मिक जीवनो हखा रैंज़ा शिलज़ा।

रोमियो 6:2

माह बिल्कुल माह! हेनर पापो थल्जी सिए इलजी तोतोंई, दंङ झांह लेह हेंदिंङ लगातार पाप लहज़ी माह जूंस।

रोमियो 6:22

दंङ एंतेग पापो दोरच़ी आज़ाद शुहचे परमेश्वरो दास शुहचे केरे दू कम लहज़ातंई अंऊ पवित्रता ओ हखा रैंज़ा शिलज़ा, दंङ दोऊ अंत अनंत जीवन तोह।

रोमियो 6:7

छना कुचे अपेहल हेनर मसीह रंङ साते सिए इलेंई, दंङ हेनर पापो वशो दोरच़ी आज़ाद शुहचे योंई।

रोमियो 7:6

पर हेनर दू कानूनो थल्जी सिए इलोन, अच़ि इच्च़ा फेरा हेनर बंदी बणाके केहते, झांह लेह हेनर एंतेग कि कानूनो दोरच़ी आज़ाद शुहचे ईलोईं ञेंरे परमेश्वरो सेवा युई तरीका रंङ च़ेहसी कानूनो ठ्रोह माह लहज़ातंई, पर खरकोई तरीका रंङ परमेश्वरो आत्माओ अगुवाई ओ दोरच़ी लहज़ातंई।

1 कुरिन्थियों 15:3

झांह लेह गेह केतिंङ दुह खास खबर कंङातेग अंऊ गिह्बी प्रभु यीशु दोरच़ी खोकसते। कि पवित्रशास्त्रो बचनो हिसाबे यीशु मसीह हेंदु पापो थल्जी सिए इलि,

2 कुरिन्थियों 6:17

झांह लेह प्रभु हेंदंङ साते पवित्र शास्त्रो दोरच़ी दि कुट्रा, दू मीहतंङ साते शत्‌ह शुहचे इलांई अंऊ परमेश्वरो थलेच़ि माह जोज़ातोर। दंङ अपवित्र चीज़ा तु दोरच़ी शत्‌ह बंङज़ुंई, दंङ गेह केतिंङ ग्रहण लोहग

गलातियों 3:13

मसीह हेंदु थल्जी क्रूसो टोईच़ी सिए इलि दंङ दोई शाप एनोह टोहकठे कुरच़े हेंदिंङ मूसा ओ कानूनो शापो दोरच़ी मुक्त लेह च़रति। छना कुचे पवित्र शास्त्रारिंङ दि च़ेहसी तोह कि “शापित तोह दू अंऊ क्रूसो टोहकठे सच़ी चरच़ातोर।”

इफिसियों 5:9

छना कुचे अगर अरिया मीह छंङीरिंङ तोह ता, दंङ दोऊ चाल-चलन रूठे ए धर्मिक शुहबी दंङ दोऊ टोहकठे भरोसा लेह तरच़ी।

फिलिपियों 1:11

छना इच्च़ा बुट फल पैदा लहज़ा ध्वांए केहच़ी धर्मिकताऊ कम लोहवा लंहि अंऊ प्रभु यीशु मसीहू दोरच़ी शवाह दोरंङ साते भरपूर शुचे इलेंई अतु दोरच़ी यीशु मसीहू महिमा ए षटणा शुहबी जूंस।

कुलुस्सियों 2:14

दिह झांह ठ्रोह तोहई छना परमेश्वरे हेंदु दोष पत्र लाह मिटाके च़रति, अंऊर हेंदु खिलाप दोष च़ेहसी तोहई। अपेहल मसीह क्रूसो टोईच़ी चढ़ाके च़रतिर दुह मुक्का दोई दुह दस्तावेज पूरी तरह शत्‌ह लेह च़रति।

कुलुस्सियों 2:20

छना कुचे केहतु पापो स्वाभाव मसीह रंङ साते सिए इलज़ा, झांह लेह हेंतेग केतिंङ दि संसारो कानून मनेक्च़िमी ज़रूरत माह। दंङ केरे छारिंङ हेंतेग लाह दिह कानूनो भाषे लहज़ातंई, छना कि हेंतेग लाह संसार केतिंङ वशरिंङ लहज़ा।

कुलुस्सियों 3:3

छना कुचे केरे ता केनातु पापो स्वाभावो दोरच़ी सिए इलजी तोंई दंङ केहतु खरकोई जीवन मसीहरंङ साते परमेश्वरारंङ ब्याके तोह।

इब्रानियों 10:5

झांह लेह अपेहल संसारारंङ अति, दंङ दोई परमेश्वरो हखा कुई, “केई माह जुंज़ातन कि मीहरे कनिंङ बलिदान ए तग चढ़ाएपोर, पर केई गिह्बी बलिदान लहज़िमी थल्जी इच्च़ा फुक रांहषी तातन।”

इब्रानियों 12:13

दंङ देर ए नोर खंड्रिमी बे ता, यीशु कछंङ पिचा सीधा अमरिंङ ज़ोवा लंहि ताकि हेंदु बिचंङ अंऊ मीहरे आत्मिक तरीका रंङ कमज़ोर तोतोर, दोरे भटकेच़ी मेस, पर दोतु विशवास पक्‍का शुहबी जूंस।

इब्रानियों 7:26

झांह ठ्रोह ए यहुदी महापुरोहित हेंदु ज़रूरत पूरा लेह तरपोतो, अंऊ पवित्र शोतो, निर्दोष शोतो, शुद्ध शोतो, पाप लहच़ाड दोतंङ शत्‌ह शोतो अतिंङ स्वर्गो दोरच़ी ला खेका लेह केहषी तोह।

इब्रानियों 9:28

ध्वांए ठ्रोह, मसीह ला भत्ते मीहतु पाप बि एनोह टोईच़ी कुरच़ा इच्च़ा फेरा बलिदान शुहचे इलि। अपेहल दू दोबारा अपतो दू मुक्का दू पापो थल्जी बलिदान शुहबी मशत पर दोतिंङ बचाएच़िमी थल्जी अपतो अंऊ दोबि रुमज़ा तोतोर।

याकूब 5:16

झांह लेह केरे केनातु बिचंङ इदि, अईदिऊ तुईज़ी केनातु-केनातु पाप मनेके च़रतुंई, दंङ इदि-अईदिऊ थल्जी प्रार्थना लंहि, अंऊ दिरंङ केरे आईन शुहचे योंई; धर्मी मीहू प्रार्थना सामर्थी शुहबी दंङ दोऊ अद्धभुत नतीज़ा खोकसी।

1 यूहन्ना 2:29

छना कुचे केहच़ी ञेंच़ातंई, कि मसीह धर्मी शुह, दंङ दिला ञेंच़ातंई, कि अच़िला धर्मो कम लहज़ा, दोरे परमेश्वरो कटुरे शुरे।

1 यूहन्ना 3:7

प्यारे कटुरे, अतुला धोखा रिंङ था अतंई। अच़ि धर्मो कम लहज़ा दुह ए मसीहू बराबर धर्मी तोह।

प्रकाशित वाक्य 22:2

दंङ दुह शहरो बह्चे सड़को बिचंङ ज़ि यवाते। बेंडी ओ हर इच्च़ा कुंणी रिंङ जीवन रंड्रा फल लेहकी तोहई अंऊ कि हर साल सनी फेरा फल रंड्रातेर, मतलब हर लाह रिंङ इच्च़ा फेरा फल रंड्रातेर। संसारो मीहरे दोतु लपतु इस्तेमाल एनोह बीमारी ओ टेहषी ओ थल्जी लहज़ातेर।