1 पतरस 2:21 - लाहौली बाइबिल

²¹ परमेश्वरो दोरच़ी केरे अंङषी दोरच़ी इच्च़ा वहज़ा दि ला तोह कि केरे दोऊ थल्जी रूठे कम लहज़ा दुख सहन लेह च़रपोंई। मसीह, अच़ि केहतु थल्जी दुख सहन लहरी, दू एनाह ए केहतु थल्जी इच्च़ा उदाहरण रे च़रति, ताकि केरे दोऊ हिद लंहि।

1 पतरस 2:21 Iomraidhean Croise

मत्ती 10:38

अरी गिऊ चेला शुहबिमी बजाए दुख सहन लहज़िमी ए सीमी लाह तेयार माह दुह गिऊ चेला बणेक्पिमी जोगे माह।

मत्ती 11:29

गिऊ जुम केनातु टोईच़ी उठातुंई, दंङ गिऊ दोरच़ी ञेंई। छना कुचे गेह शांत ए सेहमो रूठे तोतोग: दंङ केहच़ी केनातु सेहमरिंङ आराम खोकपोंई।

मत्ती 16:24

दंङ यीशुज़ि एनोह चेला तिंङ कुहतो “अगर अरीला गिऊ चेला बणेकपी तातंई दोच़ी एनोह हिटी छोड़ेके एनोह दुख उठाके गिऊ थलेच़ि अच़ा अतंई।

लूको 24:26

दिह ज़रूरी तोहई कि मसीह ज़ि दिह भत्ते दुख उठाएपोतो दंङ यच़ाह एनोह महिमा रिंङ प्रवेश लोहतो।”

यहून्नो 13:15

छना कुचे गेह केतिंङ उदाहरण कंड्रे केहतग, कि छना गेह केतंङ साते लहतग, केहरे ला ध्वांए लोहवा लांही।

यहून्नो 16:33

गेह दीह गप्पा केतंङ साते दिऊ थल्जी कुट्रातग, छना कुचे केहरे गिऊ चेलारे शुई; संसारा रिंङ केतिंङ दुख सेहन लहच़ी लेह्पोतो, पर याहऊ तांहई, छना कुचे गेह दिह संसारो मुख्या शेतान बि यरच़ी चरच़ातग।”

प्रेरित 14:22

दंङ हर इच्च़ा शहरो चेला तु सेहम पक्‍का लोहवा लहरिर दंङ दिह शिक्षा रंड्रातेर कि विशवास रिंङ बणेंके तोंई; दंङ दिह कुट्रातेर, ञेंतिंङ महस कष्ट उठाके परमेश्वरो राज रिंङ इबि लेह्पोतो।

प्रेरित 17:3

दंङ दोतु मतलब रूठे रंङ समझेक्सी लेहतिर कि मसीहू दुख उठाएच़ी ए सिमी दोरच़ी श्रींङमी ज़रूरी तोहई; “दिह यीशु अतु पाहठी गेह प्रचार लहज़ातग मसीह शुह।”

प्रेरित 9:16

दंङ गेह दोबि कमोग, कि मीहतु बिचंङ गिऊ पाहठी प्रचार लहज़िमी बज़ाहसि दोबि छना-छना ठ्रोह दुख उठाएच़ी लेह्पोतो।”

रोमियो 8:29

छना कुचे अंऊ दोतिंङ दोई तुहई ए अंङषी चरच़तो दोतु थल्जी दि इरादा लेह चरच़तो कि दोरे दोऊ योह यीशु ठ्रोह शोर ताकि दू न्वारेतु बिचंङ जेठे शोतो।

1 कुरिन्थियों 11:1

छना ठ्रोह गेह मसीहू ठ्रोह चाल ज़ोआतग, ध्वांए केरे ला गिऊ ठ्रोह चाल जोंई।

इफिसियों 5:2

मसीहू उदाहरणो हिद लहज़ा, ऊईतु थल्जी दाह रंङ साते जीवन श्रींङमा तंई, अच़ि केतंङ साते दाह लहज़ा दंङ केहतु पाप उठाएच़िमी थल्जी एनाबि बलिदान लेह च़रति। दंङ दिरंङ खुश तोहई छना कुचे दू बलिदान दोऊ थल्जी इत्रो ठ्रोह तोह।

फिलिपियों 2:5

छना मसीह यीशु स्वभाव तोई ध्वांए केहतु ला स्वभाव शुहबी जूंस;

1 थिस्सलुनीकियों 3:3

कि अरिया दि मुसीबतो मुक्का अरिया विशवासो दोरच़ी थलका शुहबी मेस; छना कुचे केहच़ी केनाच़ि ञेंच़ातंई कि हेनर भत्ते तिंङ झांह ठ्रोह मुसीबत भुगताए ज़ि तातंई।

1 थिस्सलुनीकियों 4:2

केहच़ी ञेंच़ातंई, कि ञेंहच़ी प्रभु यीशु मसीह ज़ि हेंदिंङ छि अधिकार रांहषी ततो, दोऊ दोरच़ी ञेंहच़ी केतिंङ हुकुम रांहषी तातंई

2 तीमुथियुस 3:12

दि गप्पा हेले तोह कि हर इच्च़ा मीह अंऊ परमेश्वराबि खुश लहज़ी जुंज़ा दंङ यीशु मसीहू टोईच़ी विशवास लहज़ा दोबि ऊईतु दोरच़ी सताएपोर।

इब्रानियों 2:10

परमेश्वरे दि भत्ते चीज़ारे बणाएति दंङ भत्ते चीज़ारे एनोह थल्जी सोटेगी ततो। झांह लेह, कि महस मीहतिंङ एनोह महिमा रिंङ शामिल लोहतो, परमेश्वरे दि फेंसला लेहपति कि दिए हेले शोतो कि प्रभु यीशु दुख उठाके सिद्ध शुहचे योतो अंऊ चरित्रा रिंङ परिपूर्ण तोह छना कुचे यीशु ए तोह अंऊ दोतिंङ उद्धारो हखा रैंज़ा शिलज़ा।

1 पतरस 1:20

दि संसारो रचना बे तुहई, परमेश्वरे दि सोचेके चरच़ाते कि यीशु मसीह छुड़ाएसा शोतो। पर दू केहतु मदत लहज़िमी थल्जी दि अंतिम ध्याड़ा रिंङ दि संसारारंङ प्रगट शुई।

1 पतरस 2:24

अपेहल मसीह सिए इलि, दंङ हेंदु पापो थल्जी क्रूसो टोईच़ी दोऊ फुका बि तकलीफ रेंईर ताकि हेनर पाप लेह बन्द लेह केओनि दंङ धर्मिकता रंङ साते श्रींङमी शुरू लोहनि। दंङ दू घाहो वहज़ा ज़ि अंऊ दोई सहन लहरी, हेनर ठीक शुहचे इलजे तोतोंई।

1 पतरस 3:18

गेह दि दिऊ थल्जी कुट्रातग, छना कुचे मसीह ज़ि हेंदु पापो थल्जी दुख सहन लहरी दंङ सिए इलि। दू सिर्फ इच्च़ा फेरा सिए इलज़ा दंङ दोबि दोहराएच़िमी ज़रूरत माह। दू इच्च़ा धर्मी मीह तोहई अंऊ पापी मीहतु थल्जी सिए इलि ताकि दू हेंदिंङ परमेश्वरो कछंङ रैंज़ा शोतो। दोच़ी दोऊ फुक सचे च़रतिर, पर परमेश्वरे दोबि पवित्र आत्माओ सामर्थ रें यह्च़ा श्रींङमी लेह च़रति।

1 पतरस 3:9

बुराई बदलारिंङ बुराई था लंहि दंङ माह गाड़ी ऊ बदलारिंङ गाड़ी रांई; पर दिऊ बदलारिंङ आशीष रांई; छना कुचे परमेश्वरे केतिंङ ऊईतिंङ आशीष रंड्रीमी थल्जी बुलाएसी शुई। अगर केहच़ी झांह लहज़ातंई ता परमेश्वर ला केतिंङ आशीष रमतो।

1 पतरस 4:1

झांह लेह, अपेहल कि मसीह ज़ि एनोह फुकारिंङ बंङज़ा दुख सहन लहरी, दंङ केतिंङ ला ध्वांए ठ्रोह दुख सहन लहज़िमी थल्जी तेयार बंङज़ी जूंशी तोह। छना कुचे अगर हेनर मसीहू थल्जी दुख सहन लहज़िमी थल्जी तेयार तोतोंई, दंङ केहच़ी पाप माह लहज़िमी फेंसला लेह चरच़ातंई।

1 पतरस 4:13

बस दिऊ पाहठी खुश तोईनी, कि केरे मसीहू दुखारिंङ सहभागी शुहचे तोईनी। झांह लेह, अपेहल मसीह भत्ते मीहतिंङ एनोह महिमा प्रगट लहज़िमी थल्जी यह्च़ा अपतो दंङ केहतु खुशी हेले रिंङ बणेंके योतो।

1 यूहन्ना 2:6

अच़िला दि कुट्रा कि गेह दोरंङ बड़ेकी बंङज़ा तोग, दंङ दुह ध्वांए ए श्रींङमी जूंस छना यीशु मसीह श्रींङमते।

1 यूहन्ना 3:16

ञेंहच़ी दाह दिऊ दोरच़ी ए ञेंहरिन कि यीशु मसीह हेंदु थल्जी एनोह जहान रें च़रति; झांह लेह हेंदिंङ ला विशवासी न्वारेतु थल्जी जहान रंड्री जूंस।

प्रकाशित वाक्य 12:11

“हेंदु विशवासी ज़ि शेतान यहरच़े चरच़तो। दोच़ी दोबि कुरच़ो शुहई दोरच़ी यहरच़े चरच़तो, अंऊ दोतिंङ दोतु पापो दोरच़ी छुड़ाएच़िमी थल्जी सिए इलि। दोच़ी दोबि यहरच़े च़रतिर छना कुचे दोच़ी दि अंगीकार लेह जारी तहरिर कि दोतु कुरच़ा परमेश्वर तोहई। हालांकि दोतिंङ सताच़ी ला शुह देर तचेक कि सच़ी ला च़रतिर, पर दोरे एनोह दुह अंगीकारो दोरच़ी थलका माह शुईरे।”