1 पतरस 2:20 - लाहौली बाइबिल

²⁰ पर अगर केतिंङ गलत शुहबिमी थल्जी घाह केहओर ता, दंङ सज़ा खोकच़िमी मेह धीरज़ तहच़ि रंङ साते केहतु षटणा लहज़िमी छल्ले वहज़ा माह। पर अगर भलाई लहज़ी रंङ साते केरे दुख सहन लहज़ातंई दंङ धीरज़ तहज़ातंई, दोहपल परमेश्वर खुश शवाह।

1 पतरस 2:20 Iomraidhean Croise

मत्ती 26:67

दंङ दोच़ी दोऊ मोहदिङ थूह लेह दोबि डुहमशूह केहट्री, दंङ ऊई ज़ि चट्टेक केह कुह्तोर।

मत्ती 5:47

अगर केहच़ी सिर्फ केनातु न्वातिंङ ए नमस्ते लहरिता, दंङ छि मोह्ड़े कम लाहतंई, देर तचेक कि गैर यहुदी ला अच़ि परमेश्वरो नियमो भाषे माह लहज़ातोर, ध्यांए लहज़ातोर।

मरकुसो 14:65

दंङ रें च़ि मोहदी थू लहज़ी लेहती, दंङ दोऊ टिरारिंङ पट्टी छ़ुहचे दोबि डुमशु रंड्री लेहतिर दंङ दोऊ ठट्टा लेह कुट्री लेहतिर, “अगर का भविष्यवक्ता शुनाह ता कंड्रु, कनिंङ अच़ि घाह केहतो!” दंङ यहूदीतु मोह्ड़े पुरोहित ओ सेनिकज़ि दोबि चह्टे केट्री लेहतिर।

लूको 6:32

अगर केहच़ी केतिंङ दाह लहज़ा दोतंङ साते दाह लहज़ातंई सा ता, केहतु छी तारीफ शोतो? छना कुचे पापी ला एनोह दाह लहज़ा दोतंङ साते ध्यांए दाह लहज़ा।

1 कुरिन्थियों 4:11

हेनर तोंखी ध्याड़ा तचेक योंई ए तिस्करे तोतोंई, द्ववाके ए युई खमज़ेर लहच़ातंई, घाह खोकच़ातंई, दंङ ञेंहतु कछंङ च़ुम ला माह।

गलातियों 4:18

हमेशा ए रूठे मकसदो थल्जी खुश शुहबी रूठे तोह पर सिर्फ दू टेमारिंङ मशत, अपेहल गेह केहतु बिचंङ मौजूद शवाहतग।

इफिसियों 5:10

दि सिखेक्च़िमी कोशिश लंहि, कि प्रभुबि छि रूठे च़ेहसी।

फिलिपियों 4:18

गिऊ दोर भत्ते धिर तोद पर महसे बे बढ़कर तोह; अंऊ चीज़ारे केहच़ी इपफ्रुदीतुसो गुह्ट्री दोरच़ी च़रसी तोहई, दुह खोक्शे गेह तृप्त शुहचे इलिगा, दि झांह ठ्रोह तग तोह अंऊ केहच़ी परमेश्वर बि चढ़ाके दंङ अंऊ रूठे वास रंड्रा। अंऊ परमेश्वर ग्रहण लहच़ी दंङ खुश शुहबी।

1 पतरस 2:19

अगर हेनर‌ छा गलती मेह दुख सहन लहज़ातंई दंङ परमेश्वर हेंदंङ साते खुश शुहबी। छना कुचे ञेंहच़ी ञेंहच़ातंई दुख सहन लहज़ातंई कि परमेश्वरे भत्ते धिर ञेंहच़ा।

1 पतरस 3:14

पर अगर हेले भलाई लहज़िमी रंङ साते केरे दुख सहन ला लहज़ातंई, दंङ परमेश्वर केतिंङ आशीष रमतो। ध्वांए लंहि छना यशायाह भविष्यवक्ता ज़ि च़ेहसी तहरे: “दू मीहतंङ साते थाबेईनि, अंऊ केतिंङ बेई लहज़ातोर दंङ दि गप्पो चिंद थालंही कि मीहरे छि कुट्री तरपोर।”

1 पतरस 3:17

अगर हेंदु थल्जी परमेश्वरो दिए हिटी तोह, दंङ केनातु रूठे कमो दोरच़ी दुख खोकच़ातंई दंङ दुह दुख खोकसी रूठे तोह, दि हेंदु मदम कमो दोरच़ी दुख उठाएच़िमी बे महसे गुना रूठे तोह।