1 पतरस 2:2 - लाहौली बाइबिल

² छना ठ्रोह कवचि कटु एनोह याह ओ शुद्ध पानु लालच लहज़ा, ध्वांए ठ्रोह केतिंङ परमेश्वरो बचन सिखेच़िमी हिटी तहच़ि जूंशी तोह ताकि केरे आत्मिक रूपारिंङ सेंहणा शुहचे योंई। दोहथल थल मुखंङ, परमेश्वर केतिंङ दि संसारो मदम चीज़ो दोरच़ी बचाएके च़रपोतो।

1 पतरस 2:2 Iomraidhean Croise

मत्ती 18:3

दंङ कुहतो, “गेह केतंङ हेले कुट्रातग अपेहल तचेक केरे कटुतु ठ्रोह मशोंई केरे स्वर्गो राजंङ पिचे मरपोंई।

मत्ती 19:14

यीशुज़ि कुहतो, “कटु बि गिऊ कछंङ अपि रांई दोतिंङ मना थालांई, छना कुचे ता स्वर्गो राज्य दी कटुतु ठ्रोह भरोसेमंद मीहतु शुह।”

मरकुसो 10:15

गेह करंङ साते हेले-हेले कुट्रातग कि अगर अच़िला परमेश्वरो राज्य बि कटुतु ठ्रोह स्वीकार माह लोहतो, दुह अपेहल ला दोहर इबी मरपोतो।”

लूको 18:17

गेह केतंङ हेले कुट्रातग कि अच़िला परमेश्वरो राज्य कटुतु ठ्रोह ग्रहण मलोह्तो, दुह दोहर अपेहल लाह अपि मरपोतो।”

रोमियो 6:4

अपेहल हेंज़ी बपतिस्मा लेहपच़ी च़रतुंई दि झांह ठ्रोह तोहई छना हेनर यीशु रंङ साते सिए इलजी तोतोंई दंङ दोरंङ साते पथेक्सा इलांई, ताकि छना मसीह बाह परमेश्वरो महिमा ओ दोरच़ी सिमी दोरच़ी श्रींङमी लहरी, ध्वांए हेनर ला खरकोई जीवनो ठ्रोह चाल चलेपोंई।

1 कुरिन्थियों 14:20

हे गिऊ साथी विशवासी रे, केरे इच्च़ा कटु ठ्रोह सोचेक्च़ी बंद लंहि, अपेहल मांजी ओ गप्पा अपा दंङ दू मुक्का कटुतु ठ्रोह निर्दोष बंङज़ुंई, पर झांह ठ्रोह मामला समझेक्सिमी थल्जी सियाणा शुईं।

इफिसियों 2:21

मसीह दू शुह अंऊ भत्ते घरबारा बि इच्च़ा लहज़ी जोड़ेक्च़िमी वहज़ा तोह। दू परमेश्वरो थल्जी इच्च़ा पवित्र मन्दिर बणाएच़िमी थल्जी एनोह भत्ते मीहतिंङ रह्घ तु ठ्रोह इच्च़ा मणे जोड़ेके तहच़ा।

इफिसियों 4:15

पर दाह रंङ हेले कुट्रा भत्तेर गप्पारि मसीह ठ्रोह सिद्ध शुहचे इलांई, अंऊ विशवासी कलीसिया पुंज़ा तोह।

2 थिस्सलुनीकियों 1:3

हे गिऊ प्यारे साथी विशवासी रे, केहतु पाहठी ञेंतिंङ लगातार परमेश्वरो धन्यवाद लहच़ी जूंशी तोह, झांह लेह ञेंहतु थल्जी ठीक ला तोह, छना कुचे प्रभु यीशु मसीहरिंङ केहतु विशवास लगातार बड़ेक्पी लेहकी तोह, दंङ इदि अई दिऊ थल्जी केहतु दाह ला महस बड़ेक्पी लेहकी तोह।

1 पतरस 1:23

केतिंङ इदि-अई दिरंङ साते दाह लेह जूंशी तोह छना कुचे केतिंङ परमेश्वरो दोरच़ी इच्च़ा खरकोई जीवन खोकसा तोह। केतिंङ दि जीवन इच्च़ा झांह ठ्रोह चीज़ो वहज़ा माह खोकसिरी अंऊ हमेशा ओ थल्जी बंङज़ोतो। मतलब, परमेश्वरो श्रींङे ए अनंत बचनो दोरच़ी खोकसा शुह।

2 पतरस 3:18

पर केतिंङ हेंदु प्रभु ए उद्धारकर्ता यीशु मसीहू मोह्ड़े दाह बि ऊई महसे बे महसे महसूस लेह जूंशी तोह, दंङ दोऊ थल्जी हेंदु समझा रिंङ बढ़ेक्पि जूंशी तोह। दोऊ महिमा हेंतेग हमेशा थल्जी शुहबी जूंस। अमीन।