1 पतरस 2:16 - लाहौली बाइबिल

¹⁶ एंतेग केरे पापो गुलाम माह तोईनि छना कुचे केरे हेंदु प्रभु यीशु मसीह दोरच़ी आज़ाद शुचे शुई। पर केरे केनातु आज़ादी ओ इस्तेमाल मदम कमो थल्जी छल्ले बहाना था बणेंक्तुंई। पर परमेश्वरो सेवका तु व्यावहार लंहि।

1 पतरस 2:16 Iomraidhean Croise

मत्ती 23:13

हे कपटी यहुदी शास्त्री ए फरीसी मीहरे, केहतु टोईच़ी धिक्कार! केहच़ी मीहतिंङ स्वर्गो राजंङ इबिमी अम बन्द लाहतंई, माह ता केनारे दोहर य्वातंई माह दोहर इल्जातिंङ इबी रंड्रातंई।

यहून्नो 15:22

अगर गेह माह अंजाङ दंङ दोतंङ साते गप्पा माह लंहीयां, ता दोरे पापी माह शुबी तोईरे; दा दोतिंङ दोतु पापो थल्जी छले भाना माह।

रोमियो 6:18

परमेश्वरे केरे पापो वशो दोरच़ी छुड़ाके च़रति झांह लेह केरे परमेश्वरो दास शुहचे इलि ताकि केहच़ी दुह ए लंहि अंऊ सही तोह।

रोमियो 6:22

दंङ एंतेग पापो दोरच़ी आज़ाद शुहचे परमेश्वरो दास शुहचे केरे दू कम लहज़ातंई अंऊ पवित्रता ओ हखा रैंज़ा शिलज़ा, दंङ दोऊ अंत अनंत जीवन तोह।

1 कुरिन्थियों 7:22

छना कुचे छना परमेश्वरो हालातरिंङ परमेश्वरे अंङे चरच़तो ए बुलासी ततो, दंङ दू इच्च़ा आज़ाद मीहू ठ्रोह तोह छना कुचे प्रभु यीशु ज़ि दोबि दोऊ पापो दोरच़ी आज़ाद लेह चरच़तो, दंङ ध्वांए अंऊ आज़ादो हालातरिंङ बुलासी ततो, दोरे मसीहू परगर शुहचे इलजी तोतोर।

गलातियों 5:1

मसीह ज़ि हेंदिंङ मूसाओ कानूनो भाषे लहज़िमी दोरच़ी आज़ाद लेह च़रति, ताकि ञेंरे यह्च़ा अपेहला दुह कानूनो गुलाम माह बणेक्पोंई। झांह लेह केनातु आज़ादी रिंङ अटल बंङज़ुंई दंङ केनातिंङ यह्च़ा। गुलाम थाह बड़ेक्तुंई।

गलातियों 5:13

हे गिऊ प्यारे साथी विशवासी रे, केतिंङ परमेश्वरो केतिंङ आज़ाद शुहबिमी अंङे चरच़ाते, झांह लेह केतिंङ मूसा ओ कानूनो भाषे लहज़िमी ज़रूरत माह। केनोह दि आज़ादी बि केनोह फुको हिटी पूरा लहज़िमी ज़रिया थाबणेएक्तुं, पर इदि-अई दिरंङ साते दाह लंहि दंङ इदि-अई दिऊ सेवा लंहि।

इफिसियों 6:6

केतिंङ हर टेम केनातु-केनातु मालिका तु भाषे लहज़ी जूंशी तोह, सिर्फ दोहपल ए मशत अपेहल दोच़ी केरे खंड्रातोर। पर मसीहू दास ठ्रोह बणेंके बंङज़ेंई, अंऊ एनोह भत्ते सेहमे दू ए लहज़ातोर अंऊ परमेश्वरे चेहच़ा कि दोच़ी लोहर।

कुलुस्सियों 3:24

छना कुचे केहच़ी ञेंच़ातंई कि केतिंङ दिऊ बदलारिंङ प्रभु दोरच़ी ईनाम खोकसोतो। केहच़ी अंऊ मालिको सेवा लहज़ा तु दुह मसीह शुह।

1 थिस्सलुनीकियों 2:5

केहच़ी ञेंच़ातंई, कि हेनर माह ता अपेहल लाह चापलूस गप्पारे लहज़ातंई, दंङ माह ए ञेंहच़ी केहतु दोरच़ी ढबाह खोकच़िमी थल्जी झांह ठ्रोह लहज़ातंई दि गप्पो परमेश्वरो गवाह तोह।

याकूब 1:25

दुह मीह अंऊ परमेश्वरो सिद्ध कानूनो ध्याना रंङ साते अध्धयन लहज़ा अच़ि मीहतिंङ पापो दोरच़ी मुक्त लहज़ा, दोई एनोह कमरिंङ झांह लेह आशीष खोकपोतो कि रेड्राते माह पेहषा, पर ध्वांए ए कम लहज़ा।

याकूब 2:12

दुह मीहतु ठ्रोह कुंई दंङ व्यवहार लंहि, अतु फेंसला नियम कानूनो ठ्रोह शोतो अंऊ हेंदिंङ आज़ाद लेह च़रच़ा।

2 पतरस 2:19

दोरे मीहतंङ साते वाईदा लहज़ातोर कि अगर दोच़ी दोरे हिद लोहर, दंङ दोच़ी छि जुंज़ातोर दोच़ी लहज़ी तरपोर छना कुचे दोतु अरिला मालिक माह। पर सच्चाई दि तोह कि दोरे एनाह ला एनोह मदम रिति रिवाज़ो गुलाम तोतोर। छना कुचे अरिला अंऊ ला चीज़ो आदि शवाह, दोबि अंऊ दोई लहज़ा दोऊ ए दोरच़ी गुलाम बणाके केट्रातोर।

यहूदा 1:4

गेह केतिंङ चेहच़ातग, छना कुचे रें मीहरे अंऊ यीशु मसीहू टोईच़ी विशवास लहज़िमी दिखावा लहज़ातोर, दोरे केहतु बिचंङ शामिल शुहचे इलोर। दोच़ी परमेश्वरो आदर माह लहज़ातोर दंङ दोच़ी गलत शिक्षा रंड्रातोर कि परमेश्वर एनोह मोह्ड़े दाह ओ दोरच़ी हेंदु पाप माफ लेह च़रच़ा, झांह लेह हेनर मदम जीवन श्रींङमातंई। दोच़ी यीशु मसीह बि ग्रहण माह लहज़ातोर, अंऊ हेंदु इच्च़ा मालिक ए हेंदु प्रभु तोह। महस तुहई, पवित्रशास्त्रे कुट्रा, “कि परमेश्वर झांह ठ्रोह मीहतिंङ सज़ा रमतो।”