1 पतरस 2:12 - लाहौली बाइबिल

¹² ऊई जातिऊ मीहतु बिचंङ केहतु व्यवहार रूठे शुहबी जूंस। छना कुचे एंतेग अच़ि केतिंङ मदम कम लहज़ा कुट्रा मीहरे कुचे दोष लगाएपोर, दोरे मीहरे अपेहल परमेश्वर अपतो दुह ध्याड़ा केहतु रूठे कम खंड्रा परमेश्वरो महिमा लोहर।

1 पतरस 2:12 Iomraidhean Croise

मत्ती 10:25

दिह झोबड़ी शोतो कि चेला एनोह गुरु बराबर शोतो, दंङ परगरो एनोह मालिको बराबर; अगर दोच़ी घरबारो घ्याता बि मांजी आत्माओ मुख्या, शेतान कुहषी ततोर, अगर दोच़ी गेह चुंङो मालिकारंङ साते मांजी व्यवहार लोहर दंङ दोबि लाह मांजी व्यवहार चुंङी टबरारंङ साते लाह लोहर।

मत्ती 5:11

धन्य शुंई केरे, अपेहल मीहच़ी गिऊ चेला शुहबिमी बजहच़ि केहतु निंदा लोहर, दंङ केरे तंग लोहर, दंङ हप्सी कुचे केहतु थल्जी भत्ते पाहठी मांजी गप्पारे कोर।

मत्ती 5:16

ध्वांए केहतु छंङी मीहतु तुईज़ी च़मकेकी जूंस कि दोच़ी केहतु रूठे कम खांऐ केहतु बाहऊ, अरी स्वर्गंङ तोद, तारीफ लहसी जूंस।

मत्ती 9:8

मीहरे दिह खांई बेई इलिरे दंङ परमेश्वरो महिमा लहज़ी लेह्तिरे, अच़ि मीहतिंङ दिह अधिकार रांहषी तोह।

लूको 1:68

“प्रभु इस्राएलो परमेश्वरो स्तुति लांई, छना कुचे दुह एनोह मीहतु थल्जी अंज़े तोह दंङ दोतु छुटकारा लहरि,

लूको 19:44

कांह बैरीर कांह नाश ले केयोर दंङ कांह भत्ते मीहतिंङ सचे च़रपोर, दोरे कांह चुंङो रघो टोईच़ी इच्च़ा ला रघ माह केयोर; छना कुचे केई दुह मुका अपेहल परमेश्वर कनिंङ बचाएच़िमी थल्जी अंदे सेहच़ी मरतिग।”

लूको 6:22

“धन्य शुंई केरे अपेहल गेह मीहू योहू बजह सी मीहरे केतंङ साते बैर लेपोर दंङ केतिंङ हुन्ज़े च़रपोर, दंङ केहतु बुराई लोहतो, दंङ केहतु मिन मदम चेहके ट्रिके च़रपोर।”

यहून्नो 13:31

अपेहल यहूदा धह्कते अच़ा इलि दंङ यीशु ज़ि कुंई, “दा गेह मीहू योहू महिमा शुई, दंङ दोऊ दोरच़ी परमेश्वरो महिमा शुहचा;

प्रेरित 15:14

शमौन पतरसे समझाएकाते, कि परमेश्वरे मुन्डा रिंङ छना साबित लहरी कि दुह ऊईजाति तु ख्याल तहज़ा, दंङ दोतु बिचंङ ज़ि रेह मीहतिंङ एनोह मीहरे शुहबिमी थल्जी अंङे च़रति।

प्रेरित 24:13

दंङ माह ता दू गप्पातु, अंऊ दोऊ पाहठी दोरे गिऊ टोईच़ी दोष लगाएच़ातोर, कनु तुईज़ी दोबि हेले साबित लेह तरपोंई।

प्रेरित 25:7

अपेहल दू अति दंङ अरि यहुदी अगुवा यरूशलेम शहरंङ ज़ि अंज़े तोईरे, दोच़ी कछंङ खड़े शुहचे दोऊ टोईच़ी मोह्ड़े-मोह्ड़े दोष लगाएती, अतु सबूत दोच़ी रंड्री मरच़ातेर

प्रेरित 28:22

पर कनु विचार छि तोह? दिए गप्पा ञेंरे केहतु दोरच़ी रेड्री जुंज़ातंई यीशु थलेच़ि जोज़ा तु पाहठी तातंई, छना कुचे ञेंहच़ी ञेंहच़ातंई, कि भत्ते ठाहरीरिंङ दि दलो पाहठी गप्पा शुहबी लेहकी तोह।

रोमियो 12:17

बुराईऊ बदलारिंङ अतंङ साते ला बुराई थालोहू; अंऊ गप्पारे भत्ते तु थल्जी रूठे तोह दोतु चिंद लोहवा लंहि।

रोमियो 13:13

अतंई हेनर हेंदु स्वाभाव ठीक लहज़िमी कोशिश लोहनि, दू मीहतु ठ्रोह अंऊ छंङीरिंङ बंङज़ातोर दंङ हंञारारिंङ माह हेनर मांजी कम ए नशाबाज़ी, कुकम ए भोगविलास, झगड़ा ए जलनो दोरच़ी शत्‌ह बंङज़ोंई।

रोमियो 14:18

अंऊ दि रीति रंङ साते मसीहू सेवा लहज़ा, दंङ परमेश्वराबि दोरंङ साते खुश शवाह, दंङ मीहरे ला दोऊ पाहठी रूठे कुट्रातोर।

रोमियो 15:9

दंङ ऊई जाति ला परमेश्वरो दया ओ वहज़ा ज़ि परमेश्वरो स्तुति लंहि, छना पवित्रशास्त्र रिंङ च़ेहसी तोह, “झांह लेह गेह ऊईजाति तु तुईज़ी, कांह स्तुति लोहग, दंङ कांह मिन्दु भजन कोहग।”

1 कुरिन्थियों 14:25

अंऊ दोई छि रेड्रा दोऊ ज़रिए दोई दि समझेकी च़रपोतो कि परमेश्वर दोऊ मदम सोचो पाहठी छि सोचेक्च़ा। दंङ दोबि एहसास शोतो कि दू पापी शुह दंङ दोई पश्चाताप लोहतो। दंङ दू पुष्टू भारे बंङज़ा परमेश्वरो अराधना लोहतो। दंङ मनेके च़रपोतो, कि हेले परमेश्वर केहतु बिचंङ तोह।

2 कुरिन्थियों 1:12

छना कुचे हेंदिंङ इच्च़ा गप्पो माह घमण्ड तोह, हेंदु अन्तरात्मा हेंदिंङ विशवास रंड्रा कि हेंज़ी मीहतंङ साते छि बर्ताब लहसी तातंई, दू संसारो मीहतु बुद्धिमानो हिसाबे मशत, पर दू सच्चाई ए ईमानदारीऊ हिसाबे तोहई अंऊ परमेश्वरो कृपा ओ वरदान तोहई।

2 कुरिन्थियों 13:7

दंङ हेनर हेंदु परमेश्वरारंङ साते प्रार्थना लहज़ातंई, कि केहच़ी छल्ले बुराई था लंहि; दि कंड्रिमी थल्जी मशत कि केहतु बिचंङ ञेंहतु सेवकाई रूठे शुहचे इलि, पर दिऊ थल्जी कि ञेंहच़ी जुंज़ातंई कि केहच़ी सही कम लंहि चाहे हेनर असफल ए शुहचे योंई।

2 कुरिन्थियों 8:21

छना कुचे अंऊ गप्पारे सिर्फ प्रभु ए कछंङ माह, पर मीहतु कछंङ ला रूठे तोह हेनर कम रूठे ढंगा रंङ साते लहज़िमी थल्जी हेंदु ध्यान रंड्रातंई।

इफिसियों 2:3

ञेंरे ला तुहई कि ए ठ्रोह जीवन श्रींङमातंई, दंङ पापी स्वाभावो हिटी पूरा लहज़ातेर, अंऊ ला हेंदु मदम हिटी दंङ मदम विचार ञेंहतु दोरच़ी लोहवातेर ञेंहच़ी दू ए लहज़ातंई। ऊईतु ठ्रोह, ञेंरे ला स्वाभाविक रूपारिंङ ज़ि मदम तोतोर, दंङ परमेश्वरो सज़ाओ अधीन तोहनि।

इफिसियों 4:22

केहतु सिखाएच़ा दोच़ी केतिंङ दू तरीका छोड़ेक्च़िमी शिक्षा रेंईर, अतु हिसाबे केहच़ी व्यवहार लहज़ातंई। केहतु मदम हिटी केतिंङ धोखा रें च़रति दंङ केहतु जीवन बरबाद लेह च़रति।

फिलिपियों 1:27

सिर्फ धोंण ए लंहि कि केहतु चाल-चलन मसीहू रूठे खबरो जोगे शोतो। कि चाहे गेह अंज़े ते केतिंङ खमोग, चाहे गेह अपोग ए माह, केहतु पाहठी दि रेड्रोग कि केरे इच्च़ा इरादारिंङ पक्‍का तोहईं दंङ इच्च़ा सेहम शुहचे रूठे खबरो विशवासो थल्जी मेहनत लोहवा तंही।

फिलिपियों 4:8

झांह लेह, हे गिऊ प्यारे साथी विशवासी रे, अंऊ-अंऊ गप्पारे हेले तोह, दंङ अंऊ-अंऊ गप्पारे आदरो जोगे तोह, अंऊ-अंऊ गप्पारे ठीक तोरे, अंऊ-अंऊ गप्पारे पवित्र तोह, अंऊ-अंऊ गप्पारे सलटे तोतोर, दंङ अंऊ-अंऊ गप्पारे सेहमा गमेकी तोह मतलब अंऊ गप्पा रूठे ए षटणो जोगे तोह दोतु टोईच़ी ए केहतु सेहम लेहकी बंङज़ी जूंस।

1 थिस्सलुनीकियों 4:12

दंङ अविशवासी मीह दि खंड्रा कि केहच़ी हर इच्च़ा ध्याड़ा छना ठ्रोह व्यवहार लहज़ातंई, केहतु आदर लोहर ताकि केरे केनातु ज़रुरतो थल्जी अतु ला टोहकठे बोझ शुहबी मेस

1 तीमुथियुस 2:2

दंङ रज्ज़ा तु ए दुह भत्ते मीहतु थल्जी प्रार्थना लंहि अंऊ हेंदु अधिकारी तोतोर, ताकि दोरे हेंदु शांति ए सुरक्षा रंङ साते बंङज़िमी थल्जी हेंदु मदत लोहर कि हेनर परमेश्वरो अराधना लेह तरपोंई दंङ ऊईतु थल्जी हमेशा रूठे व्यवहार लोंहि।

1 तीमुथियुस 4:12

अच़िया काह तुच्छ (बेकार) समझेक्सी माह जूंस छना कुचे काह जवान तोतोन पर कांह बोल-चाल ए चाल-चलनारिंङ, ऊईतु थल्जी दाह रिंङ मसीहू टोहकठे कनु विशवासरिंङ दंङ कनु निर्दोष जीवनारिंङ, विशवासी मीहतु थल्जी इच्च़ा उदाहरण बणेंक्तु।

1 तीमुथियुस 5:10

दंङ एनोह रूठे कमो वहज़ा ज़ि दोऊ मिन शोतो, मतलब अच़ि एनोह कटुतु पालन-पोषण रूठे रंङ लहसी शोतो, दंङ पौहना तु सेवा लहसी शोतो, दोई ऊई विशवासी तु सेवा इच्च़ा परगरो ठ्रोह लहसी शोतो, दंङ दुखी मीहतु सेवा लहसी शोतो, दंङ हर पाहठी ऊ रूठे कमरिंङ सेहम लेहकी शोतो।

इब्रानियों 13:18

ञेंहतु थल्जी प्रार्थना लोहवा लंहि, छना कुचे ञेंतिंङ भरोसा तोह कि ञेंहतु अन्तरात्मा साफ तोह; दंङ ञेंहच़ी छिला कम लहज़ातंई दू भत्ते कमरिंङ परमेश्वरो आदर लेह जुंज़ातंई।

इब्रानियों 13:5

केरे केनातु जीवन बि टंगा-ढबाहो लालचो दोरच़ी शत्‌ह तंही अंऊ केहतु दोर तोह दोरंङ ए खुश बंङज़ुंई। छना कुचे परमेश्वरे एनेह कुहषी ततो, “गेह कनिंङ अपेहला माह छोड़ेकपोग, दंङ कनिंङ अपेहला माह छोड़ेक्पोग।”

याकूब 3:13

केहतु बिचंङ ज्ञानवान ए समझदार अरि तोह? अगर केरे तोतोंई ता, केतिंङ दि रूठे जीवन श्रींङमी रंङ साबित लेह जूंशी तोह दंङ भत्ते नम्रता रंङ साते अंऊ केहतु ज्ञान बुद्धि रंङ साते अपा रूठे कमो दोरच़ी साबित लेह जूंशी तोह।

1 पतरस 2:15

परमेश्वरे जुंज़ा कि केहच़ी केनातु रूठे कम दोरच़ी केहतु पाहठी गलत दोष लगाएच़ा मुर्ख मीहतु आह बन्द लेह तरपोंई अंऊ परमेश्वरा बि माह ञेंहच़ातोर।

1 पतरस 3:16

हमेशा दू ए लंहि अंऊ सही तोह, दंङ अगर मीहरे केहतु खिलाप मदम कुट्रातोर, दंङ दोरे ए शर्मिन्दा शोर, अपेहल दोरे मसीह रंङ साते केहतु संबधो वहज़ा ज़ि केहतु रूठे व्यवहार खमोर।

1 पतरस 4:11

अगर केहतु कछंङ प्रचार लहज़िमी वरदान तोह, दंङ केतिंङ परमेश्वरो बचनो प्रचार लहज़ी जूंशी तोह। अगर केहतु कछंङ ऊईतु मदत लहज़िमी वरदान तोह, दंङ दू, दू सामर्थ रंङ साते लंहि अंऊ परमेश्वर केतिंङ रंड्रा। तांला छिल्ला धिर केहच़ी लोहनि दू यीशु मसीहू दोरच़ी परमेश्वरा बि महिमा रमतो। भत्ते महिमा ए सामर्थ हमेशा-हमेशा ओ थल्जी दोऊ शुह। अमीन।

2 पतरस 3:11

दि पक्‍का तोह कि परमेश्वर भत्ते चीज़ा तिंङ झांह ठ्रोह नाश लेह च़रपोतो, दंङ केरे पक्‍का रूपा रिंङ ञेंच़ातोंई कि केतिंङ छना ठ्रोह व्यवहार लेह जूंशी तोह दंङ छिल्ला केहच़ी लहज़ातंई दोरिंङ परमेश्वरा बि खुश लंहि।