1 पतरस 2:11 - लाहौली बाइबिल

¹¹ हे प्यारे साथी विशवासी रे, गेह केतंङ साते बिनती लहज़ातग कि केरे दि संसारारंङ परदेशी ए यात्री तु ठ्रोह तोतोंई। गेह केतिंङ चेतावनी रंड्रातग कि दू भत्ते मदम फुको हिटी ओ दोरच़ी बचेक्तेंई छना कुचे दू केहतु केनातु आत्माओ खिलाप हमेशा लड़ाई लहज़ा।

1 पतरस 2:11 Iomraidhean Croise

लूको 21:34

“दिऊ थल्जी खबरदार तोहई, झांह शुहबी माह जूंस कि केहतु सेहम मस्त ए मतवाला, दंङ दिह ज़िन्दगीऊ चिंदे सुस्त शुहचे योतो। दंङ दुह ध्याड़ा फन्दा ओ ठ्रोह अचानक केहतु तुईज़ी अपतो।

प्रेरित 15:20

ञेंहच़ी दोतिंङ इच्च़ा डाक च़ेऐ च़रतिन, दिह कंड्रिमी थल्जी कि दोच़ी दू बगत थाह ज़ंई अंऊ मुर्तिरिंङ चढ़ाएसी शुह दंङ कुकम थालंही, दंङ टटू छुहसी ओ शाह थाह ज़ंई दंङ जानवरा तु शुहई था ज़ेईनि।

प्रेरित 15:29

कि केरे मूर्तिरिंङ चढ़ाएसी शुई दंङ कुकम ए टटू झुचीऊ शाह थाह ज़ंई दंङ जानवरा तु शुई था ज़ेईनि। दितु दोरच़ी शत्‌ह बंङज़ेंई केहतु थल्जी रूठे शोतो। सिर्फ धोंण ए गप्पा तोहई अंऊ ञेंरे केतंङ साते कुट्री जुंज़ातंई।

रोमियो 12:1

झांह लेह हे गिऊ प्यारे साथी विशवासी रे, गेह केतंङ साते परमेश्वरो दया हिद रंड्रा बिनती लहज़ातग कि केनोह जीवन बि श्रींङे, पवित्र, परमेश्वराबि रूठे च़ेहसा बलिदान ठ्रोह चढ़ाएतु। दिए परमेश्वरो सेवा लहज़िमी सही तरीका तोह।

रोमियो 7:23

पर गिह्बी घेंङौ फुको अंङ रिंङ ऊई पाहठी नियम तंङफातोर, अंऊ गिऊ बुद्धि ऊ नियम रंङ साते झगड़ा लहज़ातोर, दंङ दोच़ी गिह्बी दू पापो गुलाम लेह चरच़ातोर अंऊ एंतेग ला गिऊ अंदरेग तोह।

रोमियो 8:13

छना कुचे अगर केरे पापमय स्वाभावो ठ्रोह ध्याड़ा च़रपोंई, दंङ हेले सिए योंई, अगर पवित्र आत्माओ सामर्थे पापमय कम सच़ी च़रपोंई, दंङ केरे श्रींङे बंङज़ोंई।

2 कुरिन्थियों 5:20

झांह लेह हेनर मसीहू राजदूतारे शुहनि; परमेश्वरे दोऊ खबर स्वीकार लहज़िमी थल्जी हेंदु थल्जी दोरच़ी मीहतु बिनती लहज़ा। हेनर मसीहू हखा निवेदन लहज़ातंई, कि परमेश्वरारंङ साते मेल मिलाप लोहनि।

2 कुरिन्थियों 6:1

परमेश्वररंङ साते कम लहज़ा शुहबी रंङ साते हेनर करंङ साते दि विनती लहज़ातंई कि परमेश्वरो मोह्ड़े दाह केहतु टोईच़ी शुहचा, दोबि ध्यांए इबि थारांई;

2 कुरिन्थियों 7:1

हे गिऊ प्यारे साथी विशवासी रे, अपेहल परमेश्वरे हेंदंङ साते वाईदा लोहतो, दंङ अतंई हेनर फुक ए सेहमो भत्ते पाहठी बुराई दोरच़ी हेंदिंङ शत्‌ह तोहनि, दंङ परमेश्वरो बेह्द चेहके हेंदिंङ भत्ते रिति रंङ पवित्र जीवन श्रींङमी कोशिश लंहि।

गलातियों 5:24

अंऊ मीहरे यीशु मसीह रंङ साते संबध तहच़ातेर दोरे एनोह पापी स्वाभावो हिसाबे जीवन माह श्रींङमातोर। दिरे झांह ठ्रोह तोतोर छना कि दोच़ी एनोह पापी स्वाभावा बि क्रूसो टोईच़ी चड़ाएगी केहतोर।

इफिसियों 2:19

झांह लेह हेंतेग केरे ऊईजाति ऊ मीहरे परदेशी ए मुसाफिर माह केहषी, पर परमेश्वरो मीहतंङ साते संगी वासी (नातारे) ए दंङ परमेश्वरो टबर शुहचे इलांई।

इफिसियों 4:1

झांह लेह अंऊ गेह प्रभु यीशु सेवा लहज़िमी वहज़ा रिंङ जेलारिंङ तोतोग, केतंङ साते बिनती लहज़ातग, कि केरे दू बुलाहट रंङ साते अतंङ परमेश्वर एनोह कटुरे शुहबिमी थल्जी बुलाएक्तो, दोऊ हिसाबे केनातु जीवन श्रींङमातंई।

2 तीमुथियुस 2:22

दुह मांजी चीज़ा तु दोरच़ी शत्‌ह बंङज़ु अंऊ जवान मीहच़ी लेह जुंज़ातोर अंऊ मीहच़ी शुद्ध सेहमे प्रभु मिन लेहपच़ातोर, दोतंङ साते धर्मिकता, विशवास ए दाह, मेल मिलाप ओ पीछा लोह।

इब्रानियों 11:13

दि भत्ते मीहरे अच़ि परमेश्वरो टोईच़ी विशवास लहरी, दू चीज़ खोक्शे मेह सिए इलिर अतु वाईदा परमेश्वरे लहसी ततो। पर दोच़ी दि गप्पा तिंङ तुंखा अंजा टेमारिंङ शुहबिमी तंङरिर दंङ खुश शुचि इलिर। समझेकी इलिर कि परमेश्वर अंजा टेमारिंङ छि लोहतो। दोच़ी दि गप्पा ला ञेंई च़रतिर कि हेनर दि धरती ऊ टोईच़ी परदेशी ए पराया शुंई।

इब्रानियों 6:9

पर हे गिऊ प्यारे साथी विशवासी रे, केहच़ी रूठे कम लहज़ातंई। छना कुचे परमेश्वरे तुहई ए केतिंङ बचाके चरच़तो। झांह लेह दि खबरदार लहज़ी केहतु थल्जी मशत।

याकूब 4:1

केहतु बिचंङ लड़ाई झगड़ा अंऊर च़ि अच़ा अति? दि दुह मांजी हिटी ऊ दोरच़ी अपातोर अंऊ केहतु अन्द्रेग तोह।

1 पतरस 1:1

गेह, पतरस अंऊ यीशु मसीहू प्रेरित शुगाह, दि डाक चेहच़ातग। गेह दि डाक परमेश्वरो अंङषी दू मीहतिंङ चेहच़ातग, अंऊ कि पुन्तुस, गलातिया, कपुदूकिया, आसिया, ए बितुनिया प्रदेशो शत्‌ह-शत्‌ह शहरा रिंङ परदेशी तु ठ्रोह बंङज़ातेर।

1 पतरस 1:17

अपेहल केहच़ी प्रार्थना लहज़ातंई ता दंङ केहच़ी परमेश्वरा बि केनातु बाह कुट्रातंई। पर हिद तंही कि दू भत्ते मीहतु फेंसला इच्च़ा ए ठ्रोह लहज़ा मतलब हर इच्च़ा ए छि-छि लहसी शुह। दिऊ थल्जी कि केरे दि धरती रिंङ इच्च़ा परदेशी शुहचे बंङज़ातंई दंङ केतिंङ परमेश्वरो बेह्द चेहके दोऊ महस आदर लहज़ी जूंशी तोह।

1 पतरस 4:12

हे गिऊ प्यारे साथी विशवासी रे, दू दुख रंड्रा चीज़ा तु पाहठी हेरान था शुई अतु पाहठी केहच़ी दुख उठाएच़ातंई छना कुचे केरे मसीहू शुई। पर दि चीज़ारे दि कंड्रिमी थल्जी शुहबी लेहकी तोह कि छि केरे हेले रिंङ परमेश्वरो टोईच़ी विशवास लहज़ातंई आ माह लहज़ातंई। दिऊ थल्जी दि था सोचेक्तुंई कि केतंङ साते छा नोखे शुहबी लेहकी तोह।

1 पतरस 4:2

एंतेग बेहच़ी, यह्च़ा, केरे केनातु ऊई संसारिक ज़िन्दगी बि पापो हिटी पूरा लहज़िमी थल्जी मश्त; पर परमेश्वरो हिटी पूरा लहज़िमी थल्जी श्रींङे च़रतुंई।

2 पतरस 3:1

हे गिऊ प्यारे साथी विशवासी रे, एंतेग गेह केतिंङ दि दूसरी पत्री चेहच़ातग, गेह केतिंङ दि झुल्ला पत्री दिऊ थल्जी च़ेहसी तातग कि ताकि अंऊ गप्पारे केहच़ी तुहई बेहच़ी ञेंच़ातंई कि, दोतु पाहठी केतिंङ हिद दिलाएच़िमी दोरच़ी गेह केहतु सेहमरिंङ शुद्ध विचार पैदा लेह तरपोग।