1 पतरस 2:1 - लाहौली बाइबिल

¹ झांह लेह भत्ते पाहठी मदम व्यवहार छोड़ेके च़रतुंई। ऊईतिंङ धोखा थारांई, पाखंडी थाशुंई। ऊईतिंङ साते जलन थालंही। ऊई मीहतु पाहठी मदम गप्पा था कुंई।

1 पतरस 2:1 Iomraidhean Croise

मत्ती 15:7

हे कपटी मीहरे यशायाह भविष्यवक्ताज़ि केहतु थल्जी ठीक भविष्यवाणी लहसी तह्तो।

मत्ती 23:28

ध्यांए केरे लाह धकतेखी मीहतिंङ धर्मी तंङफातंई, पर तोंङसी कपट ए, अधर्म ए पिंङषी तोहतोंई।

मत्ती 24:51

दंङ दोई दोबि महस मोह्ड़े सज़ा रमोतो दंङ दोऊ हिस्सा कपटी मीहतंङ साते ठहराएपोतो; दोहर क्रपिए छ्वा रुहक्च़ी शोतो।”

मत्ती 7:5

हे मांजी सेहमो मीह हेगा केनोह मोह्ड़े पापारे सुधारेतुंई दोऊ थल ए केई केनोह पड़ोसीऊ कवचि पापारे सुधारेक्च़िमी थल्जी मदत लेह तरपोन।

मरकुसो 12:15

ञेंहच़ी रमोंई आ मा रमोंई?” पर यीशुज़ि दोतु कपट खांई दोतंङ साते कुतोह, “गिह्बी छिले परखेकच़ातंई? इच्च़ा मुलतु टंगा गिऊ कछंङ हतांई, कि गेह दोबि खमोग।”

लूको 11:44

धिक्कार केहतु टोईच़ी! छना कुचे केहरे झांह ठ्रोह ब्याके कब्रो ठ्रोह शोनी अतु टोईच़ी मीहरे जोई पर माह ञेंहच़ातोर कि देर्तिंङ कब्र तोह।”

लूको 12:1

दुह टेमारिंङ दोर तिंङ हज़ार बे महस मीहतु भीड़ ठ्रोहका शुहचे इलि, देहर तचेक दोरे इदि ऊईदिऊ टोईच़ी दह्चे लेहतिर, यीशु ज़ि भत्ते बे तुहई एनोह चेला तङ साते कुंई, “फरीसी मीहतु कपटो खमीरो दोरच़ी बचेके तोहई।

लूको 6:42

अगर कांह केनोहे अंद्रेग महस मोह्ड़े पाप तोह ता कनिंङ केनाह बे कवचि पापी मीहू मदत लहज़िमी कोशिश लेह माह जूंस? हे मांजी सेहमो मीह हेगा केनोह मोह्ड़े पापारे सुधारेतुंई दोऊ थल ए केई केनोह पड़ोसीऊ कवचि पापारे सुधारेक्च़िमी थल्जी मदत लेह तरपोन।”

यहून्नो 1:47

यीशु ज़ि नतनएल बि एनोह हखा अपि खंणी रंङ साते दोऊ पाहठी कुहतो, “खंणुई, दी इस्राएलो भरोसेमंद खानदानो शुह: अरी पुरे ठ्रोह ईमानदार तोह।”

रोमियो 1:29

झांह लेह दुह भत्ते अधर्म, दुष्टता, लोभ, वैरभाव रंङ पिंङी इलिरे; दंङ जेगद्न्सी, हत्या, झगड़ा, छल, डाह रंङ साते भरपूर शुहचे इलिरे, दंङ चुगलखोर,

1 कुरिन्थियों 14:20

हे गिऊ साथी विशवासी रे, केरे इच्च़ा कटु ठ्रोह सोचेक्च़ी बंद लंहि, अपेहल मांजी ओ गप्पा अपा दंङ दू मुक्का कटुतु ठ्रोह निर्दोष बंङज़ुंई, पर झांह ठ्रोह मामला समझेक्सिमी थल्जी सियाणा शुईं।

1 कुरिन्थियों 5:8

झांह लेह गेह कुट्रातग कि हेंदिंङ हमेशा पवित्र मीहतु ठ्रोह व्यवहार लेह जूंशी तोह हेंदिंङ बुराई रंङ साते श्रींङमी माह जूंस छना कि हेंज़ी मसीहू टोहकठे विशवास लहज़िमी तुहई लाहतंई, मतलब कि हेंदिंङ दू मदम कम लेह बन्द लहज़ी जूंशी तोह अंऊ हेंज़ी लहज़ातंई दिऊ वहज़ा, हेंदिंङ परमेश्वरो हुकुमो भाषे लहज़ी तोह दंङ अंऊ ला मदम कम लहज़ी माह मतलब हमेशा ईमानदार ए सच्चा शुहबी जूंस।

2 कुरिन्थियों 12:20

दंङ गिह्बी दिला बेह्द तोह, कि झांह शुहबी मेस, कि गेह अंज़े छना जुंज़ातग, ध्वांए केतिंङ माह खोकपोग; दंङ गिह्बी ला छना केहच़ी माह जुन्ज़ातंई ध्वांए खोकपोंई, दंङ गिह्बी दि ला बेह्द तोह कि केहतु बिचंङ झगड़ा, जलन, रोहष, विरोध, चुगली, घमण्ड ए बखेड़ा लहज़िमी ठ्रोह स्वाभाव खोकपोग।

इफिसियों 4:31

भत्ते पाहठी कड़वाहट ए प्रकोप ए रोहष ए लड़ाई-झगड़ा, दंङ निन्दा भत्ते नफरत केहतु दोरच़ी शत्‌ह लेह चरच़ि।

1 थिस्सलुनीकियों 2:3

छना कुचे ञेंहच़ी केतिंङ हप्सी खबर माह सुनाक्तंई दंङ माह ए दुह गलत इरादा रंङ साते, माह ए धोखा रंङ साते तोहई।

1 तीमुथियुस 3:11

झांह ए दोतु मेच़ातिंङ ला आदरो जोगे शुहबी जूंस; दंङ ऊईतु पाहठी मदम कुट्रा शुहबी मेस, पर हर हालातरिंङ एनोह टोहकठे काबू लहज़ा, दंङ भत्ते रिति रिंङ विशवासो जोगे शुहबी जूंस।

तीतुस 2:3

झांह ए ठ्रोह यंङषी मेच़िमीरे ला झांह ठ्रोह व्यवहार लंहि अतु वहज़ा ज़ि परमेश्वराबि आदर खोकसोतो। दंङ ऊईतु पाहठी मदम कुट्रा ठ्रोह शुहबी मेस, माह सरा तुंङज़ाड़, पर ऊईतिंङ रूठे गप्पारे सिखाएच़ा शुहबी जूंस

इब्रानियों 12:1

हेंदु कछंङ झांह ठ्रोह महस मीहरे तोतोर अंऊ दोतु विशवासे दि कंड्रा कि विशवासो मतलब छि शुहबी। दिऊ थल्जी अतंई हेंज़ी हर इच्च़ा रूकावट दंङ पाप बि शत्‌ह लेह, हेंदिंङ अंऊ अमरिंङ जोज़िमी तोह, दोऊ टोईच़ी जोज़ातंई।

याकूब 1:21

झांह लेह भत्ते मांजी ए बैर भाव शत्‌ह लेह च़रतेंई, दुह परमेश्वरो बचन नम्रतारंङ साते ग्रहण लेह च़रतेंई, अंऊ सेहमरिंङ केहषी तोह दंङ अच़ि केहतु प्राणो उद्धार लेह च़रच़ा।

याकूब 3:14

पर अगर केरे केनातु सेहमरिंङ जलनो गप्पा, रोहष ए विरोध तहच़ातंई, ता घमण्ड थालंही, दंङ माह ए सच्चाई ऊ थल्जी हप्सी कुंई।

याकूब 4:11

हे गिऊ प्यारे साथी विशवासी रे, इदि-अईदिऊ बदनामी थालंही, अंऊ एनोह न्वाऊ बदनामी लहज़ा, या न्वाऊ टोहकठे दोष लगाईचा; अपेहल केहच़ी नियम ए कानूनो टोहकठे दोष लगाएच़ातंई, दंङ काह नियम ए कानूनो माह मनेक्च़ा शुनाह, पर केनाह कानूनो न्याय लहज़ा बणेंके यवातन।

याकूब 4:5

छि केहच़ी दि ता सोचेक्च़ातंईयां कि पवित्र शास्त्रारिंङ शुह्के दि कुहषी तोह कि “दुह आत्मा, अपि दोई हेंदु अन्द्रेग केहषी ततो, मोह्ड़े हिटी रंङ साते हेंदु थल्जी कामना लहज़ा।”

याकूब 5:9

हे गिऊ प्यारे विशवासी साथी रे, इदि-अई दिऊ टोहकठे केनातु परेशानी रें दोष था लगाएतुंई, ताकि केरे दोषी माह शोंई; खंई न्याय लहज़ा दुह अपिमी थल्जी तेयार तोह।

1 पतरस 2:16

एंतेग केरे पापो गुलाम माह तोईनि छना कुचे केरे हेंदु प्रभु यीशु मसीह दोरच़ी आज़ाद शुचे शुई। पर केरे केनातु आज़ादी ओ इस्तेमाल मदम कमो थल्जी छल्ले बहाना था बणेंक्तुंई। पर परमेश्वरो सेवका तु व्यावहार लंहि।

1 पतरस 2:22

पवित्र शास्त्रे कुट्रा, “दोई अपेहला पाप माह लहरी।” दंङ दोई अपेहला छा हप्सी माह कुई।

1 पतरस 3:10

छना कुचे पवित्रशास्त्रा रिंङ च़ेहसी तोह, कि “अगर अरिया मीह एनोह जीवनो लेहपच़ी जुंज़ा दंङ रूठे ध्याड़ा खंड्री जुंज़ा, दंङ दोबि खबरदार बंङज़ी जूंशी तोह कि दोई मदम गप्पा कुट्री मरपोतो।” दंङ दोबि झांह ठ्रोह गप्पा लहज़ी बन्द लेह जूंशी तोह अंऊ हेले माह।

1 पतरस 4:2

एंतेग बेहच़ी, यह्च़ा, केरे केनातु ऊई संसारिक ज़िन्दगी बि पापो हिटी पूरा लहज़िमी थल्जी मश्त; पर परमेश्वरो हिटी पूरा लहज़िमी थल्जी श्रींङे च़रतुंई।

1 पतरस 4:4

झांह लेह केहतु तुहई कि मित्रारे हेरान शुहचे यवातोर अपेहल केरे दोतंङ साते दू मदम चीज़ा रिंङ शामिल माह शवातंई अंऊ दोच़ी लहज़ातोर। झांह लेह दोरे केहतु बदनामी लहज़ातोर।

प्रकाशित वाक्य 14:5

दोच़ी अपेहल ला हप्सी माह कुईर। दोतु अंदरेग छल्ले गलती माह।